လံာ်သိၣ်လီၤသီလီၤတၢ် 31:16 - Sgaw Karen Common Bible

¹⁶ ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:16 Iomraidhean Croise

လံာ်တၢ်ကဲထီၣ်အခီၣ်ထံး 15:15

နနီၢ်ကစၢ်ဒၣ်နဲနကအိၣ်ကၢအိၣ်ခိးတုၤနသးပှၢ်တုာ်, နကသံဘၣ်မုာ်မုာ်ခုၣ်ခုၣ်ဒီးနကဘၣ်တၢ်ခူၣ်လီၤကွံာ်နၤန့ၣ်လီၤ.

လံာ်တၢ်ကဲထီၣ်အခီၣ်ထံး 25:8

အဝဲအိၣ်ကၢအိၣ်ခိးတုၤအသးပှၢ်တုာ်ဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 47:29

ဖဲတၢ်ဆၢကတီၢ်ဘူးထီၣ်လၢအဝဲကသံန့ၣ်, အဝဲမၢပှၤကိးန့ၢ်အီၤအဖိခွါစီၤယိၤသးဒီးစံးဘၣ်အီၤ, “ပာ်နစုလၢယကံၣ်ဒုၣ်ကဆူးဒီးမၤတၢ်ဆိၣ်သညူးသပှၢ်တမံၤဒီး ယၤလၢ, နတခူၣ်လီၤယၤလၢကီၢ်အဲၤကူပတူးအပူၤဘၣ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 47:30

ယအဲၣ်ဒိးလၢယကဘၣ်တၢ်ခူၣ်လီၤယၤဖဲယပၢ်တဖၣ်ဘၣ်တၢ်ခူၣ်လီၤကွံာ် အီၤအလီၢ်န့ၣ်လီၤ. စိာ်ထီၣ်ကွံာ်ယၤလၢကီၢ်အဲၤကူပတူးအပူၤ, ဒီးခူၣ်လီၤယၤဖဲအဝဲသ့ၣ်ဘၣ်တၢ်ခူၣ်လီၤတ့ၢ်အီၤအလီၢ်န့ၣ်တက့ၢ်.” စီၤယိၤသးစံးဆၢဝဲ, “ယကမၤဒ်နစံးဘၣ်ယၤအသိးလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 7:12

ဖဲနသံဒီးဘၣ်တၢ်ခူၣ်လီၤကွံာ်နၤဃုာ်ဒီးနမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်နဖိခွါတဖၣ်အကျါတဂၤ လၢစီၤပၤဒီးဒုးဆူၣ်ထီၣ်အဘီအမုၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:21

နမ့ၢ်တမၤဒ်န့ၣ်ဘၣ်ဒီး, တုၤမ့ၢ်နသံတဘျီဃီယဖိခွါစီၤၡလိၤ မိၤဒီးယၤန့ၣ်, ပကဘၣ်တၢ်ပာ်ပှၤဒ်ပှၤလၢအသးတတီဘၣ်ဒီးအထံအကီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 18:18

စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ် န့ၣ်လီၤ.

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:12

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်တစူၢ်ယွၤ, အဝဲသ့ၣ်အကစၢ်ယွၤဘၣ်, မ့မ့ၢ်ဘိးဃၣ်ကွံာ်တၢ်အၢၣ်လီၤအီလီၤလၢ ယွၤမၤတ့ၢ်ဒီးအဝဲသ့ၣ်, ဒီးတစူၢ်ဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ဟ့ၣ်လီၤလၢယွၤအခ့အပှၤစီၤမိၤၡ့အဃိန့ၣ်လီၤ. အဝဲသ့ၣ်တဒိကနၣ်တၢ်ဒီးတစူၢ်တၢ်ဘၣ်.

လံာ်စီၤပၤခံဘ့ၣ်တဘ့ၣ် 20:1

ဖဲတၢ်ဆၢကတီၢ်အပူၤအတ့ၤအံၤ, စီၤပၤဃံးစကံယၤဆါထီၣ်ဝဲ ဒီးဘူးတ့ၢ်မးလၢအကသံန့ၣ်လီၤ. စီၤအၤမိာ်အဖိခွါဝံယၡါယၤလဲၤဆူအအိၣ်ဒီးစံးဘၣ်အီၤ, “ယွၤတဲဘၣ်နၤလၢနကဘၣ်သုးကျဲၤပာ်တၢ်ခဲလၢာ်ဘၣ်လီၢ်ဘၣ်စး, မ့ၢ်လၢနတဘျါက့ၤလၢၤဘၣ်အဃိလီၤ. အိၣ်ကတဲာ်ကတီၤနသးလၢနကသံအဂီၢ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 21:11

အဝဲဘှီထီၣ်ဒၣ်လဲာ်ပှၤဘါတၢ်ဂီၤတၢ်ဖီၣ်တဖၣ်အတၢ်ဘူၣ်တၢ်ဘါ အလီၢ်လၢကီၢ်ယူဒၤအတၢ်လီၢ်ထီၣ်ထီတဖၣ်, ဒီးဆှၢဃီၤကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်လၢကမၤ တၢ်ဒဲးဘးထီဒါယွၤန့ၣ်လီၤ.

လံာ်စီၤယိၤဘး 20:11

အနီၢ်ခိဖျါစၢ်ဒီးပှဲၤဂံၢ်ပှဲၤဘါသနာ်က့, တယံာ်ဘၣ်န့ၣ်ကကဲထီၣ်ဟီၣ်ခိၣ်ကမူၣ်လီၤ.

စံးထီၣ်ပတြၢၤ 106:39

အဝဲသ့ၣ်မၤတကဆှီအသးလၢ အတၢ်မၤတဖၣ်အဃိ, ဒီးတသးတီဒီး ကစၢ်ယွၤန့ၣ်ဘၣ်.

စံးထီၣ်ပတြၢၤ 73:27

အဂ့ၢ်ဒ်အံၤ, ကွၢ်ကွၢ်, ပှၤလၢအအိၣ်ယံၤဒီးနၤန့ၣ် ကတုၤလၢတၢ်ဟးဂီၤလီၤ. နကမၤဟးဂီၤကွံာ်ပှၤလၢအသးတတီဒီးနၤန့ၣ်လီၤ.

လံာ်တၢ်ဟးထီၣ်ကွံာ် 32:6

လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်အဝဲသ့ၣ်ဟဲစိာ်ဆၣ်ဖိကီၢ် ဖိတနီၤလၢကဘၣ်တၢ်ဆူးကဲၤအီၤဒ်တၢ်လုၢ်တၢ်ပာ်တဖၣ်အသိး, ဒီးအဂၤတနီၤလၢကအီၣ်ဝဲဒ်တၢ်လုၢ်မၤဃူမၤဖိးအတၢ်လုၢ်အသိး န့ၣ်လီၤ. ပှၤဂီၢ်မုၢ်ဆ့ၣ်နီၤမၤမူးဖးဒိၣ်ဒီးကဲထီၣ်ဝဲလၢတၢ်အီၣ်လုၣ် ကိလုၣ်ကပာ်ဒီးတၢ်မုာ်ဖံးမုာ်ညၣ်အတၢ်ကလုာ်ကလိၤန့ၣ်လီၤ.

လံာ်တၢ်ဟးထီၣ်ကွံာ် 34:15

မၤတၢ်အၢၣ်လီၤအီလီၤဒီးပှၤဂီၢ်မုၢ်လၢသုလဲၤနုာ်လီၤဆူအထံ အကီၢ်န့ၣ်နီတမံၤတဂ့ၤ. အဂ့ၢ်ဒ်အံၤ, ဖဲအဝဲသ့ၣ်ဘါထီၣ်အပှၤ တစူၢ်တနာ်တၢ်အယွၤတဖၣ်ဒီးလုၢ်တၢ်ပာ်တၢ်ဆူအအိၣ်န့ၣ်, ကကွဲသုလၢသုကမၤဃုာ်သကိးတၢ်ဒီးအီၤ, ဒီးသုကဘၣ်တၢ်လ့ပစီလၢသုကအီၣ်တၢ်အီၣ်တဖၣ်လၢအလုၢ် ထီၣ်ဝဲဆူအကစၢ်တဖၣ်အအိၣ်န့ၣ်လီၤ.

လံာ်ယၡါယၤ 48:8

ယသ့ၣ်ညါတ့ၢ်လၢတၢ်နာ်န့ၢ်သုတသ့ဘၣ်. သုဘၣ်တၢ်သ့ၣ်ညါတ့ၢ်သုထီဘိဒ်ပှၤပူထီၣ် တၢ်အသိးလီၤ. တၢ်န့ၣ်မ့ၢ်လၢသုတနၢ်ဟူတ့ၢ်တၢ်ဂ့ၢ်အံၤနီတဘျီနီတစုဘၣ်အဃိ ဒီး မ့ၢ်လၢတၢ်ကတိၤတတုၤအိၣ်သုနၢ်တဖၣ်နီတဖျၢၣ်နီတဘျီဘၣ်အဃိ န့ၣ်လီၤ.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယဃ့းစက့လး 16:15

ဘၣ်ဆၣ်ဒီးနဟံးန့ၢ်နတၢ်ခွဲးတၢ်ယာ်လၢတၢ်နတၢ်ဃံတၢ်လၤဒီး နတၢ်မံၤဟူသၣ်ဖျါအဖီခိၣ်, လၢနကမံဃုာ်ဒီးပှၤကိးဂၤဒဲးလၢအဟဲဆူနအိၣ်အဂီၢ်န့ၣ်လီၤ.

လံာ်ဟိၤၡ့ 1:2

ဖဲယွၤကတိၤတၢ်အဆိကတၢၢ်ဒီးအံၣ်စရ့လးခီဖျိစီၤဟိၤၡ့န့ၣ်, အဝဲစံးဘၣ်စီၤဟိၤၡ့, “လဲၤဒီးဒိးတ့ဒိးဖျီနသးတက့ၢ်. နမါကမ့ၢ်ပှၤဃဲသဲမုၣ်တဂၤ, ဒီးနဖိတဖၣ်ကမ့ၢ်ဒ်သိးအီၤန့ၣ်လီၤ. ဒ်န့ၣ်အသိးယပှၤဂီၢ်မုၢ်ကပာ်တ့ၢ်ယၤဒီးကကဲထီၣ်ပှၤအကလုၢ်တတီဘၣ် န့ၣ်လီၤ.”

လံာ်ဟိၤၡ့ 10:4

အဝဲသ့ၣ်တဖၣ်ကတိၤတၢ်ကတိၤကလီကလီသ့ၣ်တဖၣ်, မၤတၢ်အၢၣ်လီၤတတီတလိၤတဖၣ်ဒီးလံာ်ဃံၤဃာ်တဖၣ်လၢ အဘျုးတအိၣ်န့ၣ်လီၤ. တၢ်စံၣ်ညီၣ်တီကဲထီၣ်တၢ်စံၣ်ညီၣ်တတီဘၣ်, ဒိၣ်ထီၣ်ဝဲဒ်နီၣ်လၢအအိၣ်ဒီးအစုၣ်တဖၣ်အသိးလၢစံာ်ပျီလၢပှၤ ထဲၣ်တ့ၢ်အီၤအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:15

သုမ့ၢ်တဒိကနၣ်ယတၢ်သိၣ်တၢ်သီဒီးယတၢ်မၤလိာ်, ဒီးလုၢ်သ့ၣ်ခါပတာ်ယတၢ်အၢၣ်လီၤအီလီၤလၢယမၤဒီးသုန့ၣ်,

လံာ်တၢ်ဂံၢ် 27:13

တုၤနထံၣ်ဘၣ်အီၤဝံၤလံဒီး, နကသံနဲ, ဒ်နဒီပုၢ်ဝဲၢ်စီၤအၤ ဟရိၣ်အသိး,

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

လံာ်သိၣ်လီၤသီလီၤတၢ် 31:18

ဒီးအန့ၣ်တစုယကဂ့ၢ်လိာ်လၢတၢ်မၤစၢၤအဝဲသ့ၣ်အဂီၢ်, မ့ၢ်လၢအဝဲသ့ၣ်မၤတ့ၢ်တၢ်အၢတၢ်သီဒီးဘူၣ်ထီၣ်ဘါထီၣ်ကစၢ်အဂၤ တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 32:50

ဒ်နဒီပုၢ်ဝဲၢ်ခွါစီၤအၤဟရိၣ်သံဝဲလၢကစၢၢ်ဃိၢ်အဒီခိၣ်အသိးန့ၣ်, နကသံလၢကစၢၢ်န့ၣ်အဒီခိၣ်,

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

လံာ်သိၣ်လီၤသီလီၤတၢ် 4:25

ဖဲသုအိၣ်လၢကီၢ်န့ၣ်အပူၤဖးယံာ်ဒီးသုအိၣ်ဒီးသုဖိတဖၣ် ဒီးသုလံၤတဖၣ်လံဒၣ်လဲာ်န့ၣ်, မၤတၢ်ဒဲးဘၣ်ခီဖျိတၢ်မၤတၢ်ဂီၤတၢ်ဖီၣ်တခါလၢအိၣ်ဒီး အက့ၢ်အဂီၤတမံၤလၢသုဂီၢ်နီတစုတဂ့ၤ. အအံၤမ့ၢ်တၢ်အၢတၢ်သီလၢယွၤအမဲာ်ညါဒီးတၢ်န့ၣ်ကမၤဒိၣ်ထီၣ် အဝဲအသးန့ၣ်လီၤ.

လံာ်လီၣ်ဖျါ 19:2

အဝဲအတၢ်စံၣ်ညီၣ်တဖၣ်မ့ၢ်ဝဲတီဝဲ, ဒီးတီဝဲလိၤဝဲလီၤ. အဝဲစံၣ်ညီၣ်ဃၣ်တ့ၢ်လံဃဲသဲမုၣ်လၢအမၤဟးဂီၤဟီၣ်ခိၣ်လၢ အလုၢ်အၢလၢ်သီန့ၣ်လီၤ. ကစၢ်ယွၤစံၣ်ညီၣ်တ့ၢ်လံအီၤမ့ၢ်လၢအဝဲဒၣ်မၤသံတ့ၢ် ကစၢ်ယွၤအခ့အပှၤတဖၣ်အဃိလီၤ.”

လံာ်ပှၤစံၣ်ညီၣ်ကွီၢ် 10:13

ဘၣ်ဆၣ်ဒီးသုညိကွံာ်ဒံးယၤဒီးဘါထီၣ်ကစၢ်အဂၤတဖၣ်လီၤ. မၤသးဒ်န့ၣ်ဒီး, ယတအုၣ်က့ၤခီၣ်က့ၤကဒီးသုလၢၤဘၣ်.

လံာ်ပှၤစံၣ်ညီၣ်ကွီၢ် 10:6

မၤကဒီးတစု, ပှၤအံၣ်စရ့လးဖိတဖၣ်မၤတၢ်ဒဲးဘးထီဒါယွၤ ခီဖျိတၢ်ဘူၣ်ထီၣ်ဘါထီၣ်ဘဧၤလးတဖၣ်ဒီးဧၤၡကြိးတဖၣ်ဃုာ်ဒီး ကစၢ်တဖၣ်လၢကီၢ်စူၤရံ, ကီၢ်စံဒိၣ်, ကီၢ်မိၤအး, ကီၢ်ဧၣ်မိၣ်ဒီးကီၢ်ဖလ့ၡသးန့ၣ်လီၤ. အဝဲသ့ၣ်ညိကွံာ်ယွၤဒီးဆိကတီၢ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:11

တုၤနုၤတစုကီၢ်အံၣ်စရ့လးအပှၤဂီၢ်မုၢ်မၤတၢ်ဒဲးဘးထီဒါ ယွၤဒီးစးထီၣ်မၤဘဧၤလးအတၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:12

အဝဲသ့ၣ်ဆိတ့ၢ်ဘူၣ်ထီၣ်ဘါထီၣ်ယွၤ, လၢအမ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်အကစၢ်ယွၤလၢအထုးထီၣ်အဝဲသ့ၣ် လၢကီၢ်အဲၤကူပတူးအပူၤ, ဒီးအဝဲသ့ၣ်စးထီၣ်ဘူၣ်ထီၣ်ဘါထီၣ်ကစၢ်အဂၤတဖၣ်, လၢအမ့ၢ်ပှၤဂီၢ်မုၢ်လၢအခိၣ်အဃၢၤတဖၣ်အကစၢ်တဖၣ်န့ၣ်လီၤ. အဝဲသ့ၣ်တီၤလီၤလၢကစၢ်တဖၣ်န့ၣ်အမဲာ်ညါဒီးမၤသးဒိၣ်ထီၣ် ကစၢ်ယွၤန့ၣ်လီၤ.