လံာ်သိၣ်လီၤသီလီၤတၢ် 31:12 - Sgaw Karen Common Bible

¹² ကိးဖှိၣ်ဃီၤကယဲၢ်ပှၤပိာ်ခွါတဖၣ်, ပှၤပိာ်မုၣ်တဖၣ်, ပှၤဖိသၣ်တဖၣ်ဒီးပှၤတခီဘီမုၢ်ဖိတဖၣ်လၢအအိၣ်ဝဲဆိးဝဲလၢ သုဝ့ၢ်တဖၣ်အပူၤ, ဒ်သိးပှၤကိးဂၤဒဲးကနၢ်ဟူဘၣ်တၢ်အံၤဒီးမၤလိန့ၢ်လၢကယူးယီၣ်ပာ်ကဲယွၤ, သုကစၢ်ယွၤဒီးကစူၢ်အဝဲ အတၢ်သိၣ်လိတဖၣ်လၢတၢ်သူၣ်တီသးရၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 31:12 Iomraidhean Croise

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:5

အဝဲသ့ၣ်ဟဲစိာ်တၢ်လၢစီၤမိၤၡ့မၤလိာ်ဝဲခဲလၢာ်ဆူတၢ်ဘူၣ်ထီၣ်ဘါ ထီၣ်ယွၤအဒဲအမဲာ်ညါလီၤ. ဒီးပှၤဂီၢ်မုၢ်ခဲလၢာ်ပာ်ဖှိၣ်ထီၣ်အသးဖဲန့ၣ်လၢတၢ်ဘူၣ်ထီၣ် ဘါထီၣ်ယွၤအဂီၢ်လီၤ.

လံာ်ဃးကဲ 1:12

တုၤနုၤတစု, စီၤစရူၤဘၤဘ့လးဒီးစီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤတ့ၢ်လၢတၢ်စိာ်မၢကဲကုၢ်အပူၤလၢကီၢ်ဘၤဘူၤ လိၣ်န့ၣ်, မၤတ့ၢ်တၢ်လၢယွၤ, အဝဲသ့ၣ်အကစၢ်ယွၤစံးဘၣ်တ့ၢ်အီၤလၢကဘၣ်မၤဝဲန့ၣ်လီၤ. အဝဲသ့ၣ်ပျံၤဘၣ်ဒီးစူၢ်တ့ၢ်ဝံဃးကဲလၢအမ့ၢ်ယွၤအပှၤစိာ်တၢ် ကစီၣ်အကလုၢ်လီၤ.

လံာ်ယိၤဟၣ် 5:39

သုဃုကွၢ်ထံတၢ်ကွဲးအသးစီဆှံတဖၣ်, မ့ၢ်လၢသုဆိကမိၣ် လၢသုကန့ၢ်ဘၣ်တၢ်မူအထူအယိာ်လၢအပူၤအဃိလီၤ. ဒီးတၢ်ကွဲးအသးစီဆှံတဖၣ်အံၤအုၣ်အသးလၢယဂ့ၢ်လီၤ.

လံာ်သိၣ်လီၤသီလီၤတၢ် 29:29

တၢ်အိၣ်ဒံးဝဲအဂၤတနီၤလၢယွၤ, ပကစၢ်ယွၤပၢၤဃာ်ခူသူၣ်တ့ၢ်အီၤ, ဘၣ်ဆၣ်အဝဲလီၣ်ဖျါတ့ၢ်အဝဲအတၢ်သိၣ်တၢ်သီ, လၢပှၤယူဒၤဖိအဂီၢ်ဒီးပဝဲဒီးပစၢၤပသွဲၣ်တဖၣ်ပကဘၣ်စူၢ်အီၤ လီၤစိၤလီၤထီန့ၣ်လီၤ.

လံာ်သိၣ်လီၤသီလီၤတၢ် 29:9

စူၢ်ကယဲၢ်တၢ်အၢၣ်လီၤအီလီၤအံၤအတၢ်ဂ့ၢ်တၢ်ကျိၤတဖၣ်လၢ တၢ်ပာ်လီၤအီၤန့ၣ်လၢတၢ်သူၣ်တီသးရၤအပူၤဒ်သိးသုကအိၣ်ဒီးတၢ်ကဲ ထီၣ်လိၣ်ထီၣ်လၢတၢ်ခဲလၢာ်လၢသုမၤအီၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 31:13

လၢကျဲဒ်သိးအံၤန့ၣ်, သုစၢၤသုသွဲၣ်တဖၣ်လၢတနၢ်ဟူဘၣ်တ့ၢ်ယူ ဒၤအတၢ်သိၣ်တၢ်သီလၢယွၤ, သုကစၢ်ယွၤဟ့ၣ်လီၤဝဲန့ၣ်ကနၢ်ဟူဘၣ်အီၤလီၤ. မၤသးဒ်န့ၣ်ဒီး, အဝဲသ့ၣ်ကမၤလိန့ၢ်တၢ်စူၢ်အီၤဖဲအဝဲသ့ၣ်အိၣ်မူဒံးဝဲအခါ လၢကီၢ်တဘ့ၣ်လၢသုကဘၣ်မၤန့ၢ်အီၤလၢအအိၣ်ဝဲလၢထံကျိ ယၢ်ဒ့ၣ်အဝၢ်ဘးခီအပူၤန့ၣ်လီၤ.”

လံာ်သိၣ်လီၤသီလီၤတၢ် 4:10

ဘၣ်ဃးဒီးမုၢ်တနံၤလၢသုဆၢထၢၣ်လၢယွၤကစၢ်ယွၤအမဲာ်ညါလၢ ကစၢၢ်စံၤနါအဂ့ၢ်, ဖဲအဝဲဒၣ်စံးဘၣ်ယၤ, ကိးဖှိၣ်ပှၤဂီၢ်မုၢ်တက့ၢ်. ယအဲၣ်ဒိးလၢအဝဲသ့ၣ်ကနၢ်ဟူဘၣ်တၢ်လၢယကစံးယဲ, ဒ်သိးအဝဲသ့ၣ်ကမၤလိစူၢ်ယၤလၢအသးသမူဒီတစိၤညါ, ဒီးဒ်သိးအဝဲသ့ၣ်ကသိၣ်လိတၢ်တမံၤဃီဒ်န့ၣ်အသိးဆူအဖိအလံၤ တဖၣ်န့ၣ်လီၤ.

လံာ်စီၤယိၤၡူ 8:33

ပှၤအံၣ်စရ့လးဖိတဖၣ်, ဃုာ်ဒီးအခိၣ်အနၢ်တဖၣ်, အသုးခိၣ်သုးနၢ်တဖၣ်, ဒီးစံၣ်ညီၣ်ကွီၢ်တဖၣ်, ဃုာ်ဒီးပှၤတခီဘီမုၢ်ဖိလၢအကျါတဖၣ်, ဆၢထၢၣ်လၢယွၤအတၢ်အၢၣ်လီၤအီလီၤအတလါအကပၤခံကပၤလိာ်ဒီး ကွၢ်ဃီၤတၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်လၢအစိာ်တလါ အအိၣ်န့ၣ်လီၤ. ပှၤတဝာ်ဆၢထၢၣ်ဝဲဒီးဒီအချၢဆူကစၢၢ်ကရံးစံၣ်ဒီး အဂၤတဝာ်ဒီအချၢဆူကစၢၢ်ဧ့ၤဘါလးန့ၣ်လီၤ. ယွၤအခ့အပှၤစီၤမိၤၡ့မၤလိာ်တ့ၢ်အဝဲသ့ၣ်လၢကမၤတၢ်အံၤဖဲ တၢ်ဆၢကတီၢ်တုၤဃီၤဝဲလၢအဝဲသ့ၣ်ကဒိးန့ၢ်ဘၣ်တၢ်ဆိၣ်ဂ့ၤအဂီၢ် န့ၣ်လီၤ.

လံာ်စီၤယိၤၡူ 8:35

စီၤယိၤၡူဖးထီၣ်စီၤမိၤၡ့အတၢ်မၤလိာ်ကိးထံၣ်ကိးဘီဒဲး လၢပှၤလၢအပာ်ဖှိၣ်သးခဲလၢာ်အမဲာ်ညါ, လၢအပၣ်ဃုာ်ဒီးပိာ်မုၣ်တဖၣ်ဒီးဖိသၣ်တဖၣ်, ဃုာ်ဒီးပှၤတခီဘီမုၢ်ဖိတဖၣ်လၢအအိၣ်လၢအဝဲသ့ၣ်အကျါန့ၣ်လီၤ.