လံာ်သိၣ်လီၤသီလီၤတၢ် 31:11 - Sgaw Karen Common Bible

¹¹ ဖးန့ၢ်ကီၢ်အံၣ်စရ့လးအပှၤဂီၢ်မုၢ်တဖၣ်ဖဲအဝဲသ့ၣ်ဟဲဒ်သိး ကဘူၣ်ထီၣ်ဘါထီၣ်ယွၤ, သုကစၢ်ယွၤလၢတၢ်ဘူၣ်ထီၣ်ဘါထီၣ်အလီၢ်တတီၤအခါန့ၣ်တက့ၢ်.

လံာ်သိၣ်လီၤသီလီၤတၢ် 31:11 Iomraidhean Croise

လံာ်စီၤပၤခံဘ့ၣ်တဘ့ၣ် 17:37

ထီဘိသုကဘၣ်စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤ လိာ်တဖၣ်လၢယကွဲးန့ၢ်တ့ၢ်သုန့ၣ်လီၤ. သုတဘၣ်စူၢ်ကစၢ်အဂုၤအဂၤတဖၣ်,

လံာ်စီၤပၤခံဘ့ၣ်တဘ့ၣ် 23:2

ဒီးအဝဲသ့ၣ်လဲၤသကိးဝဲတပူၤဃီဆူယွၤအတၢ်လုၢ်ဟံၣ်, ဃုာ်ဒီးပှၤလုၢ်တၢ်အခိၣ်တဖၣ်, ဝံတဖၣ်, ဒီးကယဲၢ်ပှၤဂီၢ်မုၢ်ခဲ လၢာ်, ပှၤထူးပှၤတီၤမ့ၢ်ဂ့ၤ, ပှၤဖှီၣ်ဖိယာ်ဖိမ့ၢ်ဂ့ၤန့ၣ်လီၤ. လၢအဝဲသ့ၣ်ခဲလၢာ်အမဲာ်ညါန့ၣ်, စီၤပၤဖးထီၣ်ဝဲလံာ်တၢ်အၢၣ် လီၤအီလီၤဒီဘ့ၣ်ညါ, လၢအဘၣ်တၢ်ထံၣ်န့ၢ်အီၤလၢယွၤအတၢ်လုၢ်ဟံၣ်အပူၤ, လၢအကလုၢ်ဖးဒိၣ်န့ၣ်လီၤ.

လံာ်စီၤနဃ့မယၤ 8:13

လၢခံတနံၤန့ၣ်ဒူၣ်ထၢအခိၣ်တဖၣ်ဃုာ်ဒီးပှၤလုၢ်တၢ်အခိၣ်တဖၣ် ဒီးပှၤလ့ၤဝံဖိသ့ၣ်တဖၣ်လဲၤဆူစီၤဧ့စြၤအအိၣ်လၢတၢ်ကမၤလိ ယူဒၤအတၢ်သိၣ်တၢ်သီအတၢ်သိၣ်လိသီလိတဖၣ်အဂီၢ်န့ၣ်လီၤ.

လံာ်စီၤနဃ့မယၤ 8:18

စးထီၣ်လၢမူးအခီၣ်ထံးတနံၤတုၤလီၤလၢအကတၢၢ်တနံၤန့ၣ်, ကိးနံၤဒဲးအဝဲသ့ၣ်ဖးကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်တပတီၢ်ဘၣ်တပတီၢ်န့ၣ်လီၤ. အဝဲသ့ၣ်မၤမူးန့ၣ်နွံသီဒီးလၢဃိးသီတသီန့ၣ်မ့ၢ်ဝဲတၢ်မၤ ကတၢၢ်ကွံာ်မူးဒ်ယူဒၤအတၢ်သိၣ်တၢ်သီပာ်ဖျါဝဲအသိးန့ၣ်လီၤ.

လံာ်စီၤနဃ့မယၤ 9:3

ယွၤ, အဝဲသ့ၣ်အကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်ဘၣ်တၢ်ဖးန့ၢ်အဝဲသ့ၣ်သၢနၣ်ရံၣ်ဝံၤဒီးလၢခံသၢနၣ်ရံၣ် န့ၣ်အဝဲသ့ၣ်တဲလီၤကျဲၤလီၤက့ၤအတၢ်ဒဲးဘးတဖၣ်ဒီးဘူၣ်ထီၣ် ဘါထီၣ်ယွၤ, အဝဲသ့ၣ်အကစၢ်ယွၤန့ၣ်လီၤ.

စံးထီၣ်ပတြၢၤ 84:7

အဝဲသ့ၣ်တဖၣ်န့ၣ်ဒံးလဲၤတၢ်, အဂံၢ်အဘါဒံးဆူၣ်ထီၣ် ဒီးအဝဲသ့ၣ်ကထံၣ်ဘၣ်ကစၢ်တဖၣ် အကစၢ်ယွၤ လၢစံယိၣ်န့ၣ်လီၤ.

လံာ်တၢ်ဟးထီၣ်ကွံာ် 34:24

ဖဲယဟီထီၣ်ကွံာ်ပှၤကလုာ်တဖၣ်လၢသုမဲာ်ညါဒီးမၤလဲၢ်ထီၣ်သု တၢ်လီၢ်တၢ်ကျဲဝံၤအလီၢ်ခံန့ၣ်, ပှၤတဂုာ်မၤနၢၤသုကီၢ်ဖဲမူးသၢမူးအကတီၢ်အံၤနီတဂၤဘၣ်.

မၤတၢ် 13:15

လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

မၤတၢ် 15:21

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီဘၣ်တၢ်ဖးတ့ၢ်အီၤယံာ် တ့ၢ်မးလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤကိးယူဒၤဖိ အမုၢ်အိၣ်ဘှံးနံၤဒဲး, ဒီးအဝဲအကလုၢ်ကထါတဖၣ်ဘၣ်တၢ်စံၣ်တဲၤတဲလီၤအီၤလၢဝ့ၢ်ကိး ဖျၢၣ်ဒဲးအပူၤန့ၣ်လီၤ.”

လံာ်သိၣ်လီၤသီလီၤတၢ် 12:11

ယွၤကဃုထၢတၢ်လီၢ်ထဲတတီၤဖဲအဝဲကဘၣ်တၢ်ဘူၣ်ထီၣ်ဘါထီၣ်အီၤအဂီၢ်, ဒီးဖဲန့ၣ်, သုကဘၣ်ဟဲစိာ်ကယဲၢ်တၢ်လၢယမၤလိာ်သုဆူအအိၣ်, လၢအမ့ၢ်သုတၢ်လုၢ်တၢ်ပာ်တဖၣ်လၢတၢ်ကဆိၣ်ကဲၤအီၤဒီးသုတၢ်လုၢ် တၢ်ပာ်အဂၤတဖၣ်, သုတၢ်ဆံဆဲၣ်ပူတပူ တဖၣ်ဒီးတၢ်မၤဘူၣ်တဖၣ်, ဒီးသုတၢ်ဟ့ၣ်လီၤဆီတဖၣ်လၢ သုအၢၣ်လီၤလၢသုကဟ့ၣ်ယွၤန့ၣ်လီၤ.

လံာ်သိၣ်လီၤသီလီၤတၢ် 12:14

သုကဘၣ်လုၢ်ထီၣ်ဒၣ်အီၤဖဲတၢ်လီၢ်တတီၤလၢယွၤကဃုထၢအီၤလၢသု ဒူၣ်တဖၣ်အလီၢ်ကဝီၤအကျါတတီၤန့ၣ်လီၤ. ထဲဒၣ်ဖဲတၢ်လီၢ်န့ၣ်ဧိၤသုကဘၣ်လုၢ်ထီၣ်သုတၢ်လုၢ်တၢ်ပာ်တဖၣ် လၢကဘၣ်တၢ်ဆိၣ်ကဲၤအီၤဒီးမၤတၢ်အဂၤတဖၣ်ခဲလၢာ်လၢယမၤလိာ် တ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.