လံာ်သိၣ်လီၤသီလီၤတၢ် 30:9 - Sgaw Karen Common Bible

⁹ ယွၤကမၤဘီၣ်ထီၣ်ညီထီၣ်သုလၢကယဲၢ်တၢ်လၢသုမၤအီၤအပူၤ, သုကအိၣ်ဒီးဖိတဖၣ်အါအါဂီၢ်ဂီၢ်ဒီးဆၣ်ဖိကီၢ်ဖိလၢသုဘုၣ်အီၤဂီၢ်မုၢ်ဂီၢ်ပၤ, ဒီးသုစံာ်ဧိၤပှဲၤဧိၤတဖၣ်ကဟ့ၣ်ထီၣ်တၤသူတၤသၣ်တဖၣ်အါအါကလဲာ်န့ၣ်လီၤ. အဝဲကသးခုဒုးဘီၣ်ထီၣ်ညီထီၣ်သုဒ်အမၤဘၣ်တ့ၢ်သုမိၢ်ပၢ်ဖံဖု လၢပျၢၤတဖၣ်အသိး,

လံာ်သိၣ်လီၤသီလီၤတၢ် 30:9 Iomraidhean Croise

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယၡါယၤ 62:5

ဒ်ပိာ်ခွါသးစၢ်တဂၤဟံးန့ၢ်မုၣ်လိၤဘိတဂၤဒ် တလးမူးပိာ်မုၣ်အသိးန့ၣ်, ပှၤလၢအတ့လီၤတ့ၢ်နၤကဖျီအသးဒီးနၤလီၤ. ဒ်တလးမူးပိာ်ခွါတဂၤသူၣ်ဖှံသးညီဒီး တလးမူးပိာ်မုၣ်အသိးန့ၣ်, နကစၢ်ယွၤကသူၣ်ဖှံသးညီလၢနပူၤလီၤ.

လံာ်ယၡါယၤ 65:19

ယကစၢ်ဒၣ်ယဲယကပှဲၤဒီးတၢ်သးခုလၢဝ့ၢ်ယရူၤၡလ့ၣ်ဒီးအပှၤဂီၢ် မုၢ်အဃိလီၤ. ဖဲန့ၣ်တၢ်ဟီၣ်တၢ်ယၢၤ, တၢ်ကိးထီၣ်ဃ့ထီၣ်တၢ် မၤစၢၤတအိၣ်ဝဲဘၣ်.

လံာ်ယံးရမံယၤ 31:27

ယၤ, ယွၤအံၤ, ယစံးလၢ တၢ်ဆၢကတီၢ် ဟဲလံဝဲဖဲ ယကမၤပှဲၤ ကီၢ်အံၣ်စရ့လးဒီး ကီၢ်ယူဒၤ, လၢပှၤဂီၢ် မုၢ်ဒီး ဆၣ်ဖိကီၢ်ဖိတဖၣ်န့ၣ်လီၤ.

လံာ်ယံးရမံယၤ 31:28

ုဒီး ဒ်ယအံးထွဲကွၢ်ထွဲအီၤလၢ ယကထဲးထီၣ်အီၤ, မၤလီၤပှီၢ်အီၤ, မၤလီၤတဲာ်ကွံာ်အီၤ, မၤဟးဂီၤအီၤဒီး မၤနးမၤဖှီၣ်အီၤအသိးန့ၣ်, ယကအံးထွဲကွၢ်ထွဲအီၤလၢ ယကသူၣ်လီၤဖျးလီၤအီၤဒီး သူၣ်ထီၣ်ဘှီထီၣ်အီၤန့ၣ်လီၤ.

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 26:4

ယကဟ့ၣ်လီၤသုလၢတၢ်စူၤလၢအကတီၢ်ဒၣ်ဝဲဒ်သိးဟီၣ်ခိၣ်ကဟ့ၣ်ထီၣ် အတၢ်အါထီၣ်ဒီးသ့ၣ်ကသၣ်ထီၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 26:6

ဒီးယကဟ့ၣ်လီၤသုလၢတၢ်ဃူတၢ်ဖိးလၢသုထံဧိၤကီၢ် ဧိၤအပူၤ, ဒီးသုကမံဒီးပှၤတမၤပျံၤမၤဖုးဘၣ်သုနီတဂၤဘၣ်. ဒီးယကဒုးဟးထီၣ်ကွံာ်ဆၣ်ဖိကီၢ်ဖိအအၢလၢသုကီၢ်ပူၤ, ဒီးတၢ်ဒုးတၢ်ယၤတအိၣ်လၢၤဘၣ်လၢသုကီၢ်ပူၤဘၣ်.

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်ယိၤဟၣ် 15:11

ယစံးဘၣ်တဲဘၣ်တ့ၢ်သုတၢ်အံၤဒ်သိးယတၢ်သးခုကအိၣ် လၢသုပူၤဒီးဒ်သိးသုတၢ်သးခုကလၢထီၣ်ပှဲၤထီၣ်ဝဲ အဂီၢ်လီၤ.

လံာ်သိၣ်လီၤသီလီၤတၢ် 28:4

ယွၤကဆိၣ်ဂ့ၤသုလၢဖိတဖၣ်အါအါဂီၢ်ဂီၢ်, ဒီးတၢ်မုၢ်တၢ်ဘိ တၤသူတၤသၣ်အါအါဂီၢ်ဂီၢ်, ဒီးဂီၤဘုၣ်ဂီၤဖံးဒီးသိဂီၢ် မုၢ်ဂီၢ်ပၤန့ၣ်လီၤ.

လံာ်သိၣ်လီၤသီလီၤတၢ် 28:63

ဒ်သိးဒၣ်ယွၤမုာ်လၤသးခုတ့ၢ်လၢတၢ်မၤဘီၣ်ထီၣ်ညီထီၣ်သု အပူၤ, လၢတၢ်မၤအါထီၣ်သုနီၣ်ဂံၢ်အပူၤအသိးန့ၣ်, အဝဲကမုာ်လၤသးခုစ့ၢ်ကီးလၢတၢ်မၤဟးဂီၤသုအပူၤဒီးလၢတၢ် ဟဲစိာ်တၢ်ဟးဂီၤလၢသုလိၤအပူၤန့ၣ်လီၤ. သုကဘၣ်တၢ်ထဲးထုးထီၣ်ကွံာ်သုလၢကီၢ်တဘ့ၣ်လၢသုကဘၣ်မၤပှဲၤ အီၤအပူၤန့ၣ်လီၤ.

လံာ်သိၣ်လီၤသီလီၤတၢ် 30:8

ဒီးသုကစူၢ်က့ၤကဒီးအီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်မၤလိာ်တဖၣ်လၢ ယဟ့ၣ်လီၤသုတနံၤအံၤန့ၣ်လီၤ.

လံာ်သိၣ်လီၤသီလီၤတၢ် 7:14

ပှၤဂီၢ်မုၢ်လၢဟီၣ်ခိၣ်ချၢလၢကဘၣ်တၢ်ဆိၣ်ဂ့ၤထူးထူးတီၤတီၤ ထဲသိးဒီးသုတအိၣ်ဘၣ်နီတကလုာ်ဘၣ်. ပိာ်ခွါမ့တမ့ၢ်ပိာ်မုၣ်လၢသုကျါမ့ၢ်ဂ့ၤ, သုဆၣ်ဖိကီၢ်ဖိလၢသုဘုၣ်အီၤအဖါမ့တမ့ၢ်အမိၢ်မ့ၢ်ဂ့ၤန့ၣ်, အတူာ်ဖိတအိၣ်ဘၣ်.