လံာ်သိၣ်လီၤသီလီၤတၢ် 30:7 - Sgaw Karen Common Bible

⁷ အဝဲကဃၣ်ဃီၤကယဲၢ်တၢ်ဆိၣ်အၢတဖၣ်အံၤဆူသုဒုၣ်သုဒါတဖၣ်လၢအသးဟ့တ့ၢ်သု ဒီးမၤနၢၤမၤပ့ၤတ့ၢ်သုအအိၣ်,

လံာ်သိၣ်လီၤသီလီၤတၢ် 30:7 Iomraidhean Croise

လံာ်တၢ်ဟးထီၣ်ကွံာ် 23:22

ဘၣ်ဆၣ်ဒီးပှၤမ့ၢ်စူၢ်အကလုၢ်ဒီးမၤတၢ်ကိးမံၤဒဲးလၢယမၤလိာ် သုန့ၣ်, ယကဒုးတၢ်ထီဒါကယဲၢ်သုဒုၣ်သုဒါခဲလၢာ်န့ၣ်လီၤ.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယံးရမံယၤ 25:29

ယကစးထီၣ် ယတၢ်မၤဟးဂီၤတၢ်အံၤလၢ ယဝ့ၢ်ဒၣ်ယဲအပူၤန့ၣ်လီၤ. မ့ၢ်အဝဲသ့ၣ်ဆိကမိၣ်ဝဲလၢ ကပူၤဖျဲးဒီး တၢ်စံၣ်ညီၣ်န့ၣ်ဧါ. တပူၤဖျဲးဘၣ်. အဝဲသ့ၣ်ကဘၣ်တၢ်စံၣ်ညီၣ်အီၤ, မ့ၢ်လၢယကဒုးအိၣ်ထီၣ်တၢ်ဒုးတၢ်ယၤလၢပှၤဂီၢ်မုၢ်လၢ အအိၣ်လၢ ဟီၣ်ခိၣ်ချၢခဲလၢာ်အကျါအဃိန့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံ.”

လံာ်ယံးရမံယၤ 30:16

ဘၣ်ဆၣ်ဒီး ခဲအံၤ, ပှၤလၢအအ့ၣ်အီၣ် သုခဲလၢာ် ကဘၣ်တၢ်အ့ၣ်အီၣ်ကွံာ်အီၤ, ဒီးသုဒုၣ်သုဒါခဲလၢာ်, ကဘၣ်တၢ်စိာ်ကွံာ်အီၤ ဒ်ပှၤဘၣ်တၢ်စိာ်မၢကဲကုၢ်အီၤတဖၣ် အသိးန့ၣ်လီၤ. ပှၤလၢ အမၤနးမၤဖှီၣ်သုခဲလၢာ် ကဘၣ် တၢ်မၤနးမၤဖှီၣ်အီၤ, ဒီးပှၤလၢ အဂုာ်ဆူၣ်ပျီဆူၣ်သုတၢ်ခဲလၢာ် ကဘၣ်တၢ်ဂုာ်ဆူၣ်ပျီဆူၣ်အီၤ န့ၣ်လီၤ.

လံာ်ယဃ့းစက့လး 25:12

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ကီၢ်အဒိၣ်အပှၤဂီၢ်မုၢ်ဟ့ၣ် ကၣ်တၢ်အအၢအသီလၢကီၢ်ယူဒၤအဖီခိၣ်ဒီးတၢ်ဟ့ၣ်ကၣ်န့ၣ်ဟဲစိာ် တၢ်ကမၣ်အထူအယိာ်လၢကီၢ်အဒိၣ်အလိၤန့ၣ်လီၤ.

လံာ်ယဃ့းစက့လး 25:15

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ပှၤဖလ့ၡသးဖိတဖၣ်ဟ့ၣ်ကၣ် တၢ်အၢအၢသီသီလၢအဒုၣ်အဒါလီၢ်လံၤလၢပျၢၤတဖၣ်အဖီခိၣ်ဒီး မၤဟးဂီၤကွံာ်အီၤလၢအဝဲသ့ၣ်အတၢ်သးဟ့အပူၤန့ၣ်လီၤ.

လံာ်ယဃ့းစက့လး 25:3

တဲဘၣ်အဝဲသ့ၣ်လၢကဒိကနၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. သုဘၣ်သူၣ်ဘၣ်သးတ့ၢ်လၢသုထံၣ်ဘၣ်ယတၢ်လုၢ်ဟံၣ်ဘၣ်တၢ်မၤ တရီတပါအီၤ, သုထံၣ်ဘၣ်ကီၢ်အံၣ်စရ့လးဘၣ်တၢ်မၤဟးဂီၤဒီးမၤအိၣ်သယုၢ်အီၤ, သုထံၣ်ဘၣ်ကီၢ်ယူဒၤအပှၤဂီၢ်မုၢ်လဲၤဆူတၢ်စိာ်မၢကဲကုၢ်အပူၤ အဃိန့ၣ်လီၤ.

လံာ်ယဃ့းစက့လး 25:6

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ, သုဒဲသုစုတဖၣ်ဒီးစံၣ်ထီၣ်လၢတၢ်သူၣ်ခုသးခုအပူၤန့ၣ်လီၤ. သုမၤလီၤသးဘၣ်အၢကီၢ်အံၣ်စရ့လးန့ၣ်လီၤ.

လံာ်ယဃ့းစက့လး 25:8

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “မ့ၢ်လၢကီၢ်မိၤအးစံး တ့ၢ်ဝဲလၢကီၢ်ယူဒၤန့ၣ်လီၤဂာ်ဒီးကယဲၢ်ကီၢ်အဂၤတဖၣ်အဃိ,

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်ဧၤမိၣ် 1:3

ဒီးယွၤစံးဝဲဒၣ်, “ပှၤဒၤမ့ၤစ့းဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤဆါတ့ၢ်ပှၤကံးလဧးဖိအၢအၢသီသီန့ၣ်လီၤ.

လံာ်ဧၤမိၣ် 1:6

ဒီးယွၤစံးဝဲဒၣ်, “ပှၤဝ့ၢ်ဂါစၤဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်စိာ်ကွံာ်ပှၤကီၢ်ဖိဒီတကီၢ်ညါဒီးဆါကွံာ်ဝဲဒ်ကုၢ် တဖၣ်အသိးဆူပှၤကီၢ်အဒိၣ်ဖိတဖၣ်အအိၣ်လီၤ.

လံာ်ဧၤမိၣ် 1:9

ဒီးယွၤစံးဝဲဒၣ်, “ပှၤဝ့ၢ်ထါယၢၣ်ဖိတဖၣ်မၤတ့ၢ်လံတၢ်ဒဲး ဘးတဘျီဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ် ကတၢၢ်န့ၣ်လီၤ. အဝဲသ့ၣ်စိာ်မၢကဲကုၢ်ကွံာ်ပှၤကီၢ်ဖိဒီတကီၢ် ညါဒ်ကုၢ်အသိးဆူကီၢ်အဒိၣ်အပူၤ, ဒီးတဟံးဃာ်ဘၣ်တၢ်ရ့တံၤရ့သကိးအတၢ်အၢၣ်လီၤလၢအမၤတ့ၢ်ဝဲ န့ၣ်ဘၣ်.

လံာ်ဧိၤဘါဒယၤ 1:10

မ့ၢ်လၢနဂုာ်ဆူၣ်ပျီဆူၣ်ဒီးမၤသံနဒီပုၢ်ဝဲၢ်စီၤယၤကိာ် အစၢၤအသွဲၣ်တဖၣ်အဃိ, နကဘၣ်တၢ်မၤဟးဂီၤကွံာ်နၤ ဒီးနကဘၣ်တၢ်မၤမဲာ်ဆှးနၤလီၤထူလီၤယိာ်လီၤ.

လံာ်စကၤရယၤ 12:3

ဘၣ်ဆၣ်ဒီးဖဲအဆၢကတီၢ်အဝဲန့ၣ်တုၤဃီၤဒီး, ယကဒုးကဲထီၣ်ဝ့ၢ်ယရူၤၡလ့ၣ်ဒ်လၢၢ်အဃၢတဖျၢၣ်အသိး, ဒီးကယဲၢ်ပှၤတကလုာ်ဂ့ၤတကလုာ်ဂ့ၤလၢအကျဲးစၢးစိာ်ထီၣ်အီၤန့ၣ် ကဘၣ်ဒိဘၣ်ထံးဝဲဒၣ်လီၤ. ပှၤကလုာ်ခဲလၢာ်လၢဟီၣ်ခိၣ်ချၢကပာ်ဖှိၣ်ထီၣ်အသုးမုၢ်သံၣ်ဘိ တဖၣ်ဒီးကဒုးတၢ်ထီဒါအီၤလီၤ.

လံာ်တၢ်ဂံၢ် 24:14

စီၤဘံးလၣ်စံးဘၣ်စီၤဘၤလး, “ခဲအံၤ, ယကက့ၤကဒါက့ၤဆူယပှၤဂီၢ်မုၢ်ဒၣ်ယဲအအိၣ်, ဘၣ်ဆၣ်ဒီးတချုးလၢယက့ၤဒံးဘၣ်န့ၣ်, ယဟ့ၣ်ပလီၢ်နၤတၢ်လၢခဲ ကိာ်ကီၢ်အံၣ်စရ့လးအပှၤဂီၢ်မုၢ်ကမၤဘၣ်နပှၤဂီၢ်မုၢ်ဒ်လဲၣ်အဂ့ၢ် န့ၣ်လီၤ.

လံာ်တၢ်ဂံၢ် 24:9

ပှၤတကလုာ်န့ၣ်လီၤဂာ်ဒ်ခ့ယုၢ်လၢအဂံၢ်ဆူၣ်ဘါဆူၣ်တဒုအသိး လီၤ. ဖဲအမံဝဲအခါန့ၣ်, ပှၤမၤပၢၢ်ထီၣ်အီၤတဘူၣ်ဘၣ်နီတဂၤဘၣ်. ပှၤတဂၤလၢ်လၢ်လၢအဆိၣ်ဂ့ၤကီၢ်အံၣ်စရ့လးန့ၣ်ကဘၣ်တၢ်ဆိၣ်ဂ့ၤ, ဒီးပှၤတဂၤလၢ်လၢ်လၢအဆိၣ်အၢကီၢ်အံၣ်စရ့လးန့ၣ်ကဘၣ်တၢ်ဆိၣ် အၢန့ၣ်လီၤ.”

လံာ်သိၣ်လီၤသီလီၤတၢ် 30:8

ဒီးသုကစူၢ်က့ၤကဒီးအီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်မၤလိာ်တဖၣ်လၢ ယဟ့ၣ်လီၤသုတနံၤအံၤန့ၣ်လီၤ.

လံာ်သိၣ်လီၤသီလီၤတၢ် 7:15

ယွၤကအိၣ်ပှိၤဒီဒၣ်သုလၢကယဲၢ်တၢ်ဆူးတၢ်ဆါခဲလၢာ်, ဒီးအဝဲတဒုးလီၤတၢ်ဆါလီၤပျံၤလီၤဖုးတဖၣ်လၢသုလိၤနီ တမံၤဒ်သုလဲၤခီဖျိဘၣ်တ့ၢ်အီၤလၢကီၢ်အဲၤကူပတူးအပူၤအသိး န့ၣ်ဘၣ်. မ့မ့ၢ်အဝဲကဒုးလီၤဘၣ်တၢ်န့ၣ်ခဲလၢာ်လၢသုဒုၣ်သုဒါတဖၣ် အလိၤန့ၣ်လီၤ.