လံာ်သိၣ်လီၤသီလီၤတၢ် 30:5 - Sgaw Karen Common Bible

⁵ ဒ်သိးသုကမၤန့ၢ်ကဒါက့ၤကဒီးထံကီၢ်အတၢ်န့ၢ်သါဖဲသု မိၢ်ပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲတဘျီန့ၣ်လီၤ. ဒီးအဝဲကမၤဘီၣ်ထီၣ်ညီထီၣ်သုအါန့ၢ်ဒံးအလီၢ်တက့ၢ်, ဒီးမၤအါထီၣ်သုနီၣ်ဂံၢ်အါန့ၢ်ဒံးနီၣ်ဂံၢ်လၢအအိၣ်တ့ၢ်ဝဲ ဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်သိၣ်လီၤသီလီၤတၢ် 30:5 Iomraidhean Croise

စံးထီၣ်ပတြၢၤ 119:68

နမ့ၢ်တၢ်ဂ့ၤဒီးနမၤဂ့ၤတၢ်လီၤ. သိၣ်လိယၤလၢ နတၢ်သိၣ်တၢ်သီတဖၣ်န့ၣ်တက့ၢ်.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:3

အဂ့ၢ်ဒ်အံၤ, တၢ်ဆၢကတီၢ်ဟဲဝဲဖဲ ယကပာ်ကဒါက့ၤယပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤလၢ အလီၢ်န့ၣ်လံ. ယကဟဲက့ၤစိာ် ကဒါက့ၤ အဝဲသ့ၣ်ဆူ ကီၢ်တဘ့ၣ်န့ၣ်လၢ ယဟ့ၣ်သါတ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်ကန့ၢ်ဘၣ်က့ၤကဒီးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယဃ့းစက့လး 36:11

ယကမၤအါထီၣ်ပှၤဂီၢ်မုၢ်ဒီးဂီၤဘုၣ်ဂီၤဖံးအနီၣ်ဂံၢ်န့ၣ်လီၤ. သုနီၣ်ဂံၢ်ကအါထီၣ်န့ၢ်ဒံးအအိၣ်တ့ၢ်ဝဲလၢညါတက့ၢ်ဒီးသုကအိၣ် ဒီးဖိတဖၣ်အါအါဂီၢ်ဂီၢ်န့ၣ်လီၤ. ယကဒုးအိၣ်ဆိးသုဖဲန့ၣ်ဒ်သုအိၣ်ညီနုၢ်တ့ၢ်လၢညါအသိး, ဒီးယကမၤဘီၣ်ထီၣ်ညီထီၣ်သုအါန့ၢ်ဒံးလၢညါတက့ၢ်န့ၣ်လီၤ. အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 36:37

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကပျဲပှၤအံၣ်စရ့လးဖိ တဖၣ်ဃ့ကဒီးတၢ်မၤစၢၤလၢယၤ, ဒီးယကဒုးအါထီၣ်အဝဲသ့ၣ် အနီၣ်ဂံၢ်ဒ်သိတဖုအသိးန့ၣ်လီၤ.

လံာ်တၢ်ဂံၢ် 10:29

ဒီးစီၤမိၤၡ့စံးဘၣ်အမါအဒီပုၢ်ဝဲၢ်ခွါ, ပှၤမံးဒယၣ်ဖိစီၤယံးသရိၣ်အဖိခွါစီၤဃိဘးစံးဝဲ, “ပကစးထီၣ်ပတၢ်လဲၤဆူတၢ်လီၢ်လၢယွၤစံးတ့ၢ်ဝဲလၢကဟ့ၣ်ပှၤ န့ၣ်လီၤ. အဝဲအၢၣ်လီၤအီလီၤတ့ၢ်ဝဲလၢကဒုးဘီၣ်ထီၣ်ညီထီၣ်အံၣ်စရ့လး အဃိဟဲဃုာ်ဒီးပှၤ, ဒီးပကဟ့ၣ်နီၤလီၤနၤလၢပတၢ်ဘီၣ်ထီၣ်ညီထီၣ်န့ၣ်လီၤ.”

လံာ်သိၣ်လီၤသီလီၤတၢ် 13:17

ဟံးဃာ်တၢ်လၢနဂီၢ်ဒၣ်နဲနီတမံၤလၢအဘၣ်တၢ်ဆိၣ်အၢအီၤဒ်သိး ကတုၤဆူတၢ်ဟးဂီၤန့ၣ်တဂ့ၤ. ဒီးအန့ၣ်တစုယွၤကဃၣ်ကွံာ်အသးလၢအတၢ်သးကဲၤထီၣ်ဒီးဒုးနဲၣ် သုလၢတၢ်သးကညီၤန့ၣ်လီၤ. အဝဲကသးကညီၤဘၣ်သုဒီးဒုးကဲထီၣ်သုလၢပှၤဂီၢ်မုၢ်လၢအအါဝဲ ဂီၢ်ဝဲတဖုဒ်အအၢၣ်လီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်,

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.