လံာ်သိၣ်လီၤသီလီၤတၢ် 30:4 - Sgaw Karen Common Bible

⁴ သုမ့ၢ်လီၤပြံလီၤပြါလၢဟီၣ်ခိၣ်အသနၢၣ်အယံၤကတၢၢ်တဖၣ်ဒၣ်လဲာ် န့ၣ်, ယွၤ, သုကစၢ်ယွၤကပာ်ဖှိၣ်က့ၤသုတပူၤဃီဒီးဟဲ က့ၤစိာ်ကဒါက့ၤသု,

လံာ်သိၣ်လီၤသီလီၤတၢ် 30:4 Iomraidhean Croise

လံာ်စီၤပၤအခီၣ်ထံးတဘ့ၣ် 8:34

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်နပှၤဂီၢ်မုၢ်အတၢ်ဒဲးဘးတဖၣ်ဒီးဟဲက့ၤစိာ်ကဒါက့ၤအီၤ ဆူကီၢ်လၢနဟ့ၣ်တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 30:9

သုမ့ၢ်ဃၣ်က့ၤသုသးဆူယွၤအအိၣ်ဒီး, ပှၤတဖၣ်လၢအစိာ်ထီၣ်ကွံာ် သုဘူးသုတံၢ်သ့ၣ်တဖၣ်ဒ်ပှၤဘၣ်တၢ်စၢဃာ်တဖၣ်အသိးန့ၣ်, ကသးကညီၤဘၣ်အဝဲသ့ၣ်ဒီးကပျဲအဝဲသ့ၣ်ဟဲက့ၤကဒါက့ၤဆူ ဟံၣ်န့ၣ်လီၤ. ယွၤသုကစၢ်ယွၤန့ၣ်အသးအိၣ်တၢ်ဒီးသူၣ်ကညီၤသးကညီၤ တၢ်လီၤ. ဒီးသုမ့ၢ်ဃၣ်က့ၤသုသးဆူအအိၣ်ဒီးအဝဲကတူၢ်လိာ်သုန့ၣ် လီၤ.”

လံာ်စီၤနဃ့မယၤ 1:9

ဘၣ်ဆၣ်ဒီးသုမ့ၢ်ဃၣ်ကဒါက့ၤသုသးဆူယအိၣ်ဒီးမၤတၢ်လၢယမၤ လိာ်တ့ၢ်လံသုန့ၣ်, သုမ့ၢ်လီၤပြံလီၤပြါဆူဟီၣ်ခိၣ်အက တၢၢ်ဒၣ်လဲာ်ယကဟဲက့ၤစိာ်ကဒါက့ၤသုဆူတၢ်လီၢ်လၢယဃုထၢအီၤ လၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

လံာ်ယၡါယၤ 27:12

တၢ်လၢမုၢ်တနံၤန့ၣ်, ယွၤကပာ်ဖှိၣ်က့ၤအပှၤဂီၢ်မုၢ်တဂၤဘၣ် တဂၤစးထီၣ်လၢထံကျိဖရၤသးတုၤဆူကီၢ်အဲၤကူပတူးအကီၢ်ဆၢ လီၤဂာ်ဒ်ပှၤတဂၤနီၤဖးဝဲဘုကၠူၣ်ဒီးအဖ့အသိး န့ၣ်လီၤ.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 62:11

ယွၤဘိးဘၣ်သ့ၣ်ညါလီၤတၢ်လၢဟီၣ်ခိၣ်ဒီဘ့ၣ် ဒ်သိးတၢ်ကတဲဘၣ်ဝ့ၢ်ယရူၤရှလ့ၣ်အပှၤဂီၢ်မုၢ် လၢယွၤဟဲဝဲလၢကအုၣ်က့ၤခီၣ်က့ၤဝ့ၢ် ယရူၤရှလ့ၣ်ဒီးဟဲစိာ်ဃုာ်ပှၤဂီၢ်မုၢ်လၢအဝဲမၤပူၤဖျဲးတ့ၢ်တဖၣ် ဃုာ်ဒီးအီၤန့ၣ်လီၤ.

လံာ်ယံးရမံယၤ 31:8

ယကဟဲစိာ်အဝဲသ့ၣ်လၢ ကလံၤစိးတခီ, ဒီးထၢဖှိၣ်အဝဲသ့ၣ်လၢ ဟီၣ်ခိၣ်အကတၢၢ်တဖၣ်န့ၣ်လီၤ. ပှၤမဲာ်ဘျီၣ်ဒီး ပှၤခီၣ်ဟးဂီၤ ကဟဲဃုာ်ဒီးအဝဲသ့ၣ်, ဃုာ်ဒီး ပိာ်မုၣ်လၢ အဒၢတဖၣ်ဒီး ပိာ်မုၣ်လၢဘူး အကဆံးစၢ်တ့ၢ်တဖၣ်န့ၣ်လီၤ. အဝဲသ့ၣ်ကဟဲက့ၤကဒါက့ၤဝဲ ဒ်ပှၤကလုာ်ဖးဒိၣ် တကလုာ်အသိးန့ၣ်လီၤ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”

လံာ်ယဃ့းစက့လး 36:24

ယကဟံးန့ၢ်က့ၤသုလၢပှၤကိးကလုာ်ဒဲးအအိၣ်ဒီးထံကီၢ်ကိးဘ့ၣ်ဒဲး အပူၤဒီးဟဲက့ၤစိာ်က့ၤသုဆူသုကီၢ်ဒၣ်သုဝဲန့ၣ်လီၤ.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်မၢ်ကူး 13:27

အဝဲဒၣ်ကမၢလီၤမူခိၣ်ကလူးတဖၣ်လၢကလဲၤဒီးကိးဖှိၣ်က့ၤ ကစၢ်ယွၤအပှၤဃုထၢဖိတဖၣ်အိၣ်လၢကလံၤထံးဒီးကလံၤစိး, လၢမုၢ်ထီၣ်ဒီးလၢမုၢ်နုာ်, လၢဟီၣ်ခိၣ်အကတၢၢ်ပၢၢ်တုၤလၢမူခိၣ်အကတၢၢ်န့ၣ်လီၤ.

လံာ်သိၣ်လီၤသီလီၤတၢ် 28:64

ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.