လံာ်သိၣ်လီၤသီလီၤတၢ် 30:3 - Sgaw Karen Common Bible

³ တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.

လံာ်သိၣ်လီၤသီလီၤတၢ် 30:3 Iomraidhean Croise

လံာ်တၢ်ကဲထီၣ်အခီၣ်ထံး 28:15

ဒီးသ့ၣ်နီၣ်လၢယကအိၣ်ဒီးနၤဒီးဒီဒၣ်အိၣ်ပှိၤနၤဖဲနလဲၤတၢ် တပူၤလၢ်လၢ်, ဒီးယကဟဲက့ၤစိာ်နၤဆူကီၢ်အံၤတက့ၢ်. ကယဲၢ်တၢ်လၢယအၢၣ်လီၤနၤတဖၣ်န့ၣ်တချုးယမၤလၢထီၣ်ပှဲၤထီၣ်ဒံး ဘၣ်ဒီးယတလဲၤသဒၣ်ဘၣ်နၤဘၣ်.”

လံာ်တၢ်ကဲထီၣ်အခီၣ်ထံး 48:21

အန့ၣ်ဒီး, စီၤယၤကိာ်စံးဘၣ်စီၤယိၤသး, “ဒ်နထံၣ်အသိး, ယကသံဘူးထီၣ်လံ. ဘၣ်ဆၣ်ဒီး, ကစၢ်ယွၤကအိၣ်ဒီးနၤ, ဒီးကဆှၢကဒါက့ၤနၤဆူနမိၢ်ပၢ်ဖံဖုလၢပျၢၤတဖၣ်အကီၢ်န့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:35

စံးဘၣ်အီၤ, အုၣ်က့ၤခီၣ်က့ၤပှၤတက့ၢ်, ကစၢ်ယွၤ, ပတၢ်အုၣ်က့ၤခီၣ်က့ၤကစၢ်ဧၢ. ပာ်ဖှိၣ်ပှၤတပူၤဃီ, မၤပူၤမၤဖျဲးပှၤလၢပှၤကလုာ်တဖၣ်, ဒ်သိးပကစံးဘျုးနၤဒီးစံးထီၣ်ပတြၢၤနမံၤစီဆှံန့ၣ်တ က့ၢ်.

လံာ်စီၤနဃ့မယၤ 1:9

ဘၣ်ဆၣ်ဒီးသုမ့ၢ်ဃၣ်ကဒါက့ၤသုသးဆူယအိၣ်ဒီးမၤတၢ်လၢယမၤ လိာ်တ့ၢ်လံသုန့ၣ်, သုမ့ၢ်လီၤပြံလီၤပြါဆူဟီၣ်ခိၣ်အက တၢၢ်ဒၣ်လဲာ်ယကဟဲက့ၤစိာ်ကဒါက့ၤသုဆူတၢ်လီၢ်လၢယဃုထၢအီၤ လၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

လံာ်စီၤယိၤဘး 42:10

တုၤစီၤယိၤဘးဘါထုကဖၣ်တၢ်လၢအတံၤသကိးသၢဂၤ အဂီၢ်ဝံၤအလီၢ်ခံန့ၣ်, ယွၤမၤဘီၣ်ထီၣ်ညီထီၣ်ကဒါက့ၤကဒီး အီၤ, ဒီးဟ့ၣ်အီၤတၢ်လၢအအိၣ်တ့ၢ်ဒီးအီၤလၢညါခံစးန့ၣ်လီၤ.

စံးထီၣ်ပတြၢၤ 107:3

ပှၤတဖၣ်လၢအဝဲကိးဖှိၣ်က့ၤအီၤလၢ ထံကီၢ်တဖၣ် လၢမုၢ်ထီၣ်ဒီးလၢမုၢ်နုာ်, လၢကလံၤစိး ဒီးလၢကလံၤထံး, စံးတၢ်ဒ်အံၤတက့ၢ်.

စံးထီၣ်ပတြၢၤ 147:2

ယွၤသူၣ်ထီၣ်ဝ့ၢ်ယရူၤၡလ့ၣ်, အဝဲပာ်ဖှိၣ်က့ၤအံၣ်စရ့လး အပှၤဘၣ်တၢ်စိာ်မၢကဲကုၢ်အီၤန့ၣ်လီၤ.

လံာ်ယၡါယၤ 27:12

တၢ်လၢမုၢ်တနံၤန့ၣ်, ယွၤကပာ်ဖှိၣ်က့ၤအပှၤဂီၢ်မုၢ်တဂၤဘၣ် တဂၤစးထီၣ်လၢထံကျိဖရၤသးတုၤဆူကီၢ်အဲၤကူပတူးအကီၢ်ဆၢ လီၤဂာ်ဒ်ပှၤတဂၤနီၤဖးဝဲဘုကၠူၣ်ဒီးအဖ့အသိး န့ၣ်လီၤ.

လံာ်ယၡါယၤ 43:5

ပျံၤတၢ်တဂ့ၤ. ယအိၣ်ဒီးနၤလီၤ. ယကဟဲက့ၤစိာ်နပှၤဂီၢ်မုၢ်လၢတၢ်လီၢ်အယံၤဒီးတၢ်လီၢ်အယံၤ ကတၢၢ်လၢမုၢ်နုာ်ဆူအဟံၣ်လီၤ.

လံာ်ယၡါယၤ 54:7

“ယပာ်တ့ၢ်နၤထဲဆၢကတီၢ်တစိၢ်ဖိနာ်က့, လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.

လံာ်ယၡါယၤ 56:8

ယွၤပၢဘၣ်တၢ်ခဲလၢာ်ကစၢ်, လၢအဟဲက့ၤစိာ်အပှၤဂီၢ်မုၢ် အံၣ်စရ့လးလၢတၢ်စိာ်မၢကဲကုၢ်အလီၢ်ဆူဟံၣ်န့ၣ်, အၢၣ်လီၤစ့ၢ်ကီးဝဲလၢကဟဲစိာ်ဒံးပှၤဂီၢ်မုၢ်အဂၤတဖၣ် လၢကဟဲပာ်ဖှိၣ်ဃုာ်အသးဒီးအဝဲသ့ၣ်န့ၣ်လီၤ.

လံာ်ယံးရမံယၤ 12:14

ယွၤစံးဝဲဒၣ်, “ယအိၣ်ဒီးတၢ်ဂ့ၢ်တနီၤလၢယကစံးဘၣ်တဲဘၣ်တၢ်ဘၣ်ဃးဒီးပှၤလၢ အံၣ်စရ့လးအဃၢၤတဖၣ်လၢအမၤဟးဂီၤ တ့ၢ်ထံကီၢ်လၢယဟ့ၣ်လီၤတ့ၢ်ယပှၤဂီၢ်မုၢ် အံၣ်စရ့လးန့ၣ်လီၤ. ယကဟံးထီၣ်ကွံာ်ပှၤအၢပှၤသီတဖၣ်န့ၣ် လၢအထံအကီၢ်တဖၣ်အပူၤလီၤဂာ်ဒ်တၢ်မုၢ်တၢ်ဘိ လၢအဘၣ်တၢ်ထဲးထီၣ်ကွံာ်အီၤအသိးဒီးယကမၤပူၤမၤဖျဲးကီၢ် ယူဒၤလၢအဝဲသ့ၣ်အစုပူၤန့ၣ်လီၤ.

လံာ်ယံးရမံယၤ 23:3

ယပှၤဂီၢ်မုၢ်လၢအအိၣ်တီၢ်ဒံးလၢထံကီၢ်တဖၣ်လၢယမၤလီၤပြံလီၤပြါတ့ၢ်အီၤအပူၤန့ၣ်, ယကပာ်ဖှိၣ်က့ၤအီၤဒီးယကဟဲက့ၤ စိာ်က့ၤအဝဲသ့ၣ်ဆူအထံအကီၢ်ဒၣ်ဝဲန့ၣ်လီၤ. အဝဲသ့ၣ်ကအိၣ်ဒီး အဖိအလံၤအါမးဒီးအနီၣ်ဂံၢ်ကအါထီၣ်ဂီၢ်ထီၣ်ဝဲန့ၣ်လီၤ.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:10

ယွၤစံးဝဲဒၣ်, “ပှၤကလုာ်သ့ၣ်ဧၢ, ဒိကနၣ်ယၤဒီး တဲဖျါထီၣ် ယတၢ်ကတိၤ တဖၣ်လၢ ပီၣ်လဲၣ်နံၤလၢ ကီၢ်အယံၤတဖၣ်န့ၣ်တက့ၢ်. ယမၤလီၤပြံလီၤပြါတ့ၢ် ယပှၤဂီၢ်မုၢ်, ဘၣ်ဆၣ်ယကထၢဖှိၣ်က့ၤ အဝဲသ့ၣ်, ဒီးကဟုကယာ် အဝဲသ့ၣ်ဒ် ပှၤကွၢ်သိတဂၤ ဟုကယာ်အသိတဖုအသိးန့ၣ်လီၤ.

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

လံာ်သးသယုၢ်တၢ် 3:32

အဝဲကဟဲစိာ်န့ၢ်ပှၤလၢတၢ်သးအုးဘၣ်ဆၣ်ဒီးအတၢ်အဲၣ်ပှၤန့ၣ် ကျၢၤဒီးဆူၣ်ဝဲလီၤ.

လံာ်ယဃ့းစက့လး 11:17

လၢတၢ်န့ၣ်အဃိ, တဲဘၣ်အဝဲသ့ၣ်တၢ်လၢယၤ, ယွၤပၢဘၣ်တၢ်ခဲလၢာ် ကစၢ်စံးဝဲန့ၣ်တက့ၢ်. ‘ယကထုးထီၣ်က့ၤအဝဲသ့ၣ်လၢထံကီၢ်တဖၣ်လၢယမၤလီၤပြံလီၤပြါ တ့ၢ်အဝဲသ့ၣ်အပူၤ, ဒီးထၢဖှိၣ်ပာ်ဖှိၣ်က့ၤအီၤဒီးယကဟ့ၣ်လီၤက့ၤကီၢ်အံၣ်စရ့လး ဆူအဝဲသ့ၣ်အစုပူၤန့ၣ်လီၤ.

လံာ်ယဃ့းစက့လး 36:24

ယကဟံးန့ၢ်က့ၤသုလၢပှၤကိးကလုာ်ဒဲးအအိၣ်ဒီးထံကီၢ်ကိးဘ့ၣ်ဒဲး အပူၤဒီးဟဲက့ၤစိာ်က့ၤသုဆူသုကီၢ်ဒၣ်သုဝဲန့ၣ်လီၤ.

လံာ်ယဃ့းစက့လး 39:28

အန့ၣ်ဒီးယပှၤဂီၢ်မုၢ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤ န့ၣ်လီၤ. အဝဲသ့ၣ်ကသ့ၣ်ညါတၢ်အံၤမ့ၢ်လၢယဆှၢဃီၤအဝဲသ့ၣ် ဆူတၢ်စိာ်မၢကဲကုၢ်အလီၢ်, ဒီးခဲကနံၣ်အံၤ, ပာ်ဖှိၣ်က့ၤ အဝဲသ့ၣ်ဒီးဟဲက့ၤစိာ်ကဒါက့ၤအဝဲသ့ၣ်ဆူအကီၢ်ဒၣ်ဝဲအပူၤ တပာ်လီၤတဲာ်ကွံာ်ဘၣ်အဝဲသ့ၣ်နီတဂၤဒၣ်လဲာ်အဃိန့ၣ်လီၤ.

လံာ်မံကၤ 7:19

နကသူၣ်ကညီၤသးကညီၤဒံးကဒီးပှၤတဘျီလီၤ. နကယီၢ်တံၢ်ပတၢ်ဒဲးဘးတဖၣ်လၢနခီၣ်အဖီလာ်ဒီးကွံာ်လီၤကွံာ် အီၤဆူပီၣ်လဲၣ်အခံဒးလီၤ.

လံာ်စကၤရယၤ 10:9

ယမ့ၢ်မၤလီၤပြံလီၤပြါတ့ၢ်အဝဲသ့ၣ်လၢ ပှၤကလုာ်ဂၤအကျါသနာ်က့, အဝဲသ့ၣ်ကသ့ၣ်နီၣ်ထီၣ်က့ၤယၤလၢ ထံယံၤကီၢ်ယံၤအပူၤဒၣ်လဲာ်လီၤ. အဝဲသ့ၣ်ဒီးအဝဲသ့ၣ်အဖိတဖၣ်ကအိၣ်မူတ့ၢ်ဒံးဝဲ ဒီးကဟဲက့ၤကဒါက့ၤသကိးဆူဟံၣ်တပူၤဃီလီၤ.

ရိမ့ၤ 11:23

ဒီးပှၤယူဒၤဖိတဖၣ်မ့ၢ်ပာ်တ့ၢ်ကွံာ်အတၢ်တနာ်တၢ်ဒီး, ကဘၣ်တၢ်ပာ်က့ၤအီၤလၢတၢ်လီၢ်လၢအဝဲသ့ၣ်အိၣ်တ့ၢ်လံဝဲ, မ့ၢ်လၢကစၢ်ယွၤပာ်က့ၤအဝဲသ့ၣ်လၢအလီၢ်ဒ်လၢညါအသိးသ့ဝဲ အဃိလီၤ.

ရိမ့ၤ 11:26

ဒီးအအံၤမ့ၢ်ကျဲလၢအံၣ်စရ့လးခဲလၢာ်ကတုၤလၢတၢ်အုၣ် က့ၤခီၣ်က့ၤန့ၣ်လီၤ. ဒ်တၢ်ကွဲးအသးစီဆှံစံးဝဲအသိး, “ပှၤအုၣ်က့ၤခီၣ်က့ၤတၢ်ကဟဲဝဲလၢစံယိၣ် ဒီးကသုးကွံာ်တၢ်တယူးတယီၣ်ယွၤခဲလၢာ်လၢ စီၤယၤကိာ်အစၢၤအသွဲၣ်တဖၣ်အသိးအကျါန့ၣ်လီၤ.

ရိမ့ၤ 11:31

လၢကျဲဒ်န့ၣ်အသိး, မ့ၢ်လၢတၢ်သးကညီၤလၢသုဒိးန့ၢ်ဘၣ်အီၤအံၤ အဃိ, အခဲအံၤပှၤယူဒၤဖိတဖၣ်တဒိကနၣ်ယွၤဘၣ်. ဒီးတၢ်အံၤမ့ၢ်ဒ် သိးအဝဲသ့ၣ်စ့ၢ်ကီးကဒိးန့ၢ်ဘၣ်ကစၢ်ယွၤအတၢ်သးကညီၤ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 13:17

ဟံးဃာ်တၢ်လၢနဂီၢ်ဒၣ်နဲနီတမံၤလၢအဘၣ်တၢ်ဆိၣ်အၢအီၤဒ်သိး ကတုၤဆူတၢ်ဟးဂီၤန့ၣ်တဂ့ၤ. ဒီးအန့ၣ်တစုယွၤကဃၣ်ကွံာ်အသးလၢအတၢ်သးကဲၤထီၣ်ဒီးဒုးနဲၣ် သုလၢတၢ်သးကညီၤန့ၣ်လီၤ. အဝဲကသးကညီၤဘၣ်သုဒီးဒုးကဲထီၣ်သုလၢပှၤဂီၢ်မုၢ်လၢအအါဝဲ ဂီၢ်ဝဲတဖုဒ်အအၢၣ်လီၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်,

လံာ်သိၣ်လီၤသီလီၤတၢ် 4:27

ယွၤကမၤလီၤပြံလီၤပြါသုဆူပှၤကလုာ်ဂၤတဖၣ်အကျါ, ဖဲထဲဒၣ်ပှၤစှၤဂၤဧိၤလၢသုကျါကအိၣ်မူလီၤတဲာ်တ့ၢ်ဝဲဒၣ် န့ၣ်လီၤ.