လံာ်သိၣ်လီၤသီလီၤတၢ် 30:19 - Sgaw Karen Common Bible

¹⁹ ခဲကနံၣ်အံၤယဟ့ၣ်လီၤသုတၢ်ဃုထၢလၢတၢ်မူဒီးတၢ်သံ အဘၢၣ်စၢၤဒီးကိးထီၣ်မူခိၣ်ဒီးဟီၣ်ခိၣ်လၢကကဲထီၣ်တၢ်အုၣ် အသးလၢတၢ်ဃုထၢလၢသုမၤအီၤအဂီၢ်န့ၣ်လီၤ. ဃုထၢတၢ်မူတက့ၢ်.

လံာ်သိၣ်လီၤသီလီၤတၢ် 30:19 Iomraidhean Croise

လံာ်တၢ်ကဲထီၣ်အခီၣ်ထံး 2:17

ထဲဒၣ်သ့ၣ်တထူၣ်လၢ အဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီး တၢ်အၢအသၣ်န့ၣ်အီၣ်အီၤတဂ့ၤ. နမ့ၢ်အီၣ်အီၤဒီး နကသံတနံၤဃီန့ၣ်လီၤ.”

စံးထီၣ်ပတြၢၤ 119:111

နတၢ်အုၣ်နသးတဖၣ် မ့ၢ်ယတၢ်န့ၢ်သါလီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ် မ့ၢ်ယသးအတၢ်သူၣ်ဖှံသးညီန့ၣ်လီၤ.

စံးထီၣ်ပတြၢၤ 119:173

မ်နစုအိၣ်ကတဲာ်ကတီၤအသးလၢ ကမၤစၢၤယၤန့ၣ်တက့ၢ်. အဂ့ၢ်ဒ်အံၤ, ယဃုထၢနတၢ်မၤလိာ်တဖၣ်လီၤ.

စံးထီၣ်ပတြၢၤ 119:30

တၢ်အကလုၢ်တီအကျဲန့ၣ်ယဃုထၢတ့ၢ်လံ. နတၢ်စံၣ်ညီၣ်တဖၣ်န့ၣ် ယပာ်လီၤလၢယမဲာ်ညါလီၤ.

တၢ်ကတိၤဒိ. 1:29

သုတလိၣ်ဘၣ်တ့ၢ်တၢ်သ့ၣ်ညါလၢသုကသူအီၤဘၣ်, ဒီးတၢ်စူၢ်ယွၤန့ၣ်သုဂ့ၢ်လိာ်တ့ၢ်တဘိယူၢ်ဃီလီၤ.

တၢ်ကတိၤဒိ. 12:28

တၢ်တီတၢ်လိၤန့ၣ်မ့ၢ်ကျဲဆူတၢ်မူ, ဒီးတၢ်တတီတလိၤန့ၣ်မ့ၢ် ကျဲဆူတၢ်သံလီၤ.

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

တၢ်ကတိၤဒိ. 9:11

တၢ်ကူၣ်သ့ကဂံၢ်အါထီၣ်နတၢ်အိၣ်မူအနံၣ်အလါလီၤ.

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 56:4

ယွၤစံးဘၣ်ပှၤဒ်န့ၣ်အသိးတဂၤ, “နမ့ၢ်ယူးယီၣ်ယၤခီဖျိနတိၢ်န့ၢ်မုၢ်အိၣ်ဘှံးနံၤ, နမ့ၢ်မၤတၢ်လၢအမၤသးမုာ်ယၤ ဒီးဟံးဃာ်ယတၢ်အၢၣ်လီၤအီလီၤ လၢတၢ်သူၣ်တီသးရၤအပူၤဒီး,

လံာ်ယံးရမံယၤ 21:8

ဝံၤဒီးယွၤတဲဘၣ်ယၤလၢယကစံးဘၣ်ပှၤဂီၢ်မုၢ်, “ဒိကနၣ်တက့ၢ်. ယၤ, ယွၤအံၤ, ယဟ့ၣ်သုတၢ်ဃုထၢတမံၤ, လၢကျဲလၢအကဆှၢတၢ်ဆူတၢ်မူဒီးကျဲလၢကဆှၢတၢ် ဆူတၢ်သံအဘၢၣ်စၢၤလၢသုကဃုထၢအီၤအဂီၢ်န့ၣ်လီၤ.

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်ယံးရမံယၤ 42:21

ဒီးခဲအံၤယတဲဘၣ်သု, ဘၣ်ဆၣ်ဒီး တၢ်ကိးမံၤဒဲးလၢယွၤ ကစၢ်ယွၤမၢလီၤယၤလၢ ယကတဲဘၣ်သုန့ၣ် သုတစူၢ်အီၤဘၣ်.

လံာ်ယဃ့းစက့လး 20:11

ယဟ့ၣ်လီၤအဝဲသ့ၣ်လၢယတၢ်မၤလိာ်တဖၣ်ဒီးယသိၣ်လိ အဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢ အဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ.

လံာ်လူၤကၣ် 10:42

ဘၣ်ဆၣ်ဒီးတၢ်လၢအလိၣ်အိၣ်ဝဲထဲတမံၤဧိၤလီၤ. နီၢ်မၤရံဃုထၢတ့ၢ်ဝဲတၢ်လၢအဂ့ၤအဘၣ်တမံၤဒီးပှၤ တဟံးထီၣ်ကွံာ်အီၤလၢအအိၣ်နီတဂၤဘၣ်လီၤ.”

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

လံာ်သိၣ်လီၤသီလီၤတၢ် 11:26

တနံၤအံၤယဟ့ၣ်လီၤသုလၢတၢ်ဃုထၢတမံၤလၢတၢ်ဆိၣ်ဂ့ၤဒီးတၢ် ဆိၣ်အၢအဘၢၣ်စၢၤန့ၣ်လီၤ.

လံာ်သိၣ်လီၤသီလီၤတၢ် 30:1

ခဲအံၤယဟ့ၣ်လီၤသုတၢ်ဃုထၢတမံၤလၢတၢ်ဆိၣ်ဂ့ၤတမံၤဒီးတၢ် ဆိၣ်အၢတမံၤအဘၢၣ်စၢၤန့ၣ်လီၤ. တုၤကယဲၢ်တၢ်ခဲလၢာ်အံၤမၤအသးဒီးသု, ဒီးသုအိၣ်သုဆိးလၢပှၤကလုာ်တဖၣ်အကျါ, ဖဲယွၤ, သုကစၢ်ယွၤမၤလီၤပြံ လီၤပြါတ့ၢ်သုန့ၣ်, သုကသ့ၣ်နီၣ်ထီၣ်က့ၤတၢ်ဃုထၢလၢယဟ့ၣ်လီၤ တ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 30:15

တနံၤအံၤယဟ့ၣ်လီၤသုတၢ်ဃုထၢတမံၤလၢတၢ်ဂ့ၤဒီးတၢ်အၢအဘၢၣ် စၢၤ, လၢတၢ်မူဒီးတၢ်သံအဘၢၣ်စၢၤန့ၣ်လီၤ.

လံာ်သိၣ်လီၤသီလီၤတၢ် 30:16

သုမ့ၢ်စူၢ်ယွၤ, သုကစၢ်ယွၤအတၢ်မၤလိာ်လၢယဟ့ၣ်လီၤသု တနံၤအံၤ, သုမ့ၢ်အဲၣ်အီၤ, စူၢ်အီၤ, ဒီးတိၢ်န့ၢ်ဖံးဃာ်ကယဲၢ် အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်ဒီး, အန့ၣ်တစုသုကဘီၣ်ထီၣ်ညီထီၣ်ဒီးကဲထီၣ်ပှၤဂီၢ်မုၢ်ဖးဒိၣ်အပှၤ ကလုာ်န့ၣ်လီၤ. ယွၤ, သုကစၢ်ယွၤကဆိၣ်ဂ့ၤသုလၢကီၢ်လၢသုကဘၣ်မၤန့ၢ်အီၤအပူၤ န့ၣ်လီၤ.

လံာ်သိၣ်လီၤသီလီၤတၢ် 31:17

တုၤတၢ်မၤအသးဒီး, ယကသးဒိၣ်ထီၣ်ဘၣ်အဝဲသ့ၣ်, ယကဲၤသဒၣ်ကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်မၤဟးဂီၤကွံာ်အီၤ လီၤ. တၢ်တတၢးတနါတဖၣ်လၢအလီၤပျံၤအါမံၤကလီၤဘၣ်လၢအဝဲသ့ၣ်အ လိၤ, ဒီးအန့ၣ်တစုအဝဲသ့ၣ်ကသ့ၣ်ညါနီၣ်ဝဲလၢတၢ်တဖၣ်အံၤမၤအသးဒီး အဝဲသ့ၣ်မ့ၢ်လၢ, ယၤ, အဝဲသ့ၣ်အကစၢ်ယွၤတအိၣ်လၢၤဘၣ်ဒီးအဝဲသ့ၣ်အဃိ န့ၣ်လီၤ.

လံာ်သိၣ်လီၤသီလီၤတၢ် 31:28

ပာ်ဖှိၣ်ထီၣ်သုပှၤအဒူၣ်အခိၣ်တဖၣ်ဒီးအပဒိၣ်ပပှၢ်တဖၣ်လၢယမဲာ် ညါဒ်သိးယတဲဘၣ်အဝဲလၢတၢ်တဖၣ်အံၤကသ့ဝဲန့ၣ်တက့ၢ်. ယကကိးထီၣ်မူခိၣ်ဒီးဟီၣ်ခိၣ်လၢကမ့ၢ်ယပှၤအုၣ်အသးတဖၣ်ထီဒါ အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 32:1

ဟီၣ်ခိၣ်ဒီးမူကပိာ်လိၤဧၢ, နၢ်ဟူယတၢ်ကတိၤတဖၣ်, ဒိကနၣ်တၢ်လၢယတဲအီၤလီၤတံၢ်လီၤဆဲးတက့ၢ်.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 4:25

ဖဲသုအိၣ်လၢကီၢ်န့ၣ်အပူၤဖးယံာ်ဒီးသုအိၣ်ဒီးသုဖိတဖၣ် ဒီးသုလံၤတဖၣ်လံဒၣ်လဲာ်န့ၣ်, မၤတၢ်ဒဲးဘၣ်ခီဖျိတၢ်မၤတၢ်ဂီၤတၢ်ဖီၣ်တခါလၢအိၣ်ဒီး အက့ၢ်အဂီၤတမံၤလၢသုဂီၢ်နီတစုတဂ့ၤ. အအံၤမ့ၢ်တၢ်အၢတၢ်သီလၢယွၤအမဲာ်ညါဒီးတၢ်န့ၣ်ကမၤဒိၣ်ထီၣ် အဝဲအသးန့ၣ်လီၤ.

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.

လံာ်သိၣ်လီၤသီလီၤတၢ် 4:6

စူၢ်အီၤလၢတၢ်သူၣ်တီသးရၤအပူၤ, ဒီးတၢ်အံၤကဒုးနဲၣ်ပှၤ ကလုာ်ဂၤအပှၤဂီၢ်မုၢ်တဖၣ်လၢသုကူၣ်တၢ်သ့ဆံးအါလဲၣ်န့ၣ်လီၤ. ဖဲအဝဲသ့ၣ်နၢ်ဟူဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤအဂ့ၢ်န့ၣ်အဝဲသ့ၣ်ကစံးဝဲ, (တၢ်ကူၣ်သ့ဒီးတၢ်သ့ၣ်ညါ နၢ်ပၢၢ်လၢအအိၣ်ဒီးပှၤကလုာ်ဖးဒိၣ်တကလုာ်အံၤ, မ့ၢ်တၢ်လၢအဒိၣ်နီၢ်မးလဲၣ်.)

လံာ်သိၣ်လီၤသီလီၤတၢ် 6:2

ဖဲသုအိၣ်မူဒံးအဖၢမုၢ်န့ၣ်သုဝဲဒီးသုစၢၤသုသွဲၣ်တဖၣ် ကဘၣ်ယူးယီၣ်ယွၤ, သုကစၢ်ယွၤ, ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ် လၢယဟ့ၣ်လီၤသုဒ်သိးသုကအိၣ်ဆိးဒီးမူဘၣ်လၢကီၢ်န့ၣ်အပူၤ ယံာ်ယံာ်ထၢထၢအဂီၢ်န့ၣ်လီၤ.

၁ တံၤမသ့း 5:21

လၢကစၢ်ယွၤ, ဒီးယ့ၣ်ၡူးခရံာ်, ဒီးကလူးစီဆှံတဖၣ်အမဲာ်ညါ န့ၣ်, ယမၤလိာ်နၤလၢတၢ်သညူးသပှၢ်အပူၤလၢနကစူၢ်တၢ်သိၣ် တၢ်သီတဖၣ်အံၤ, တအိၣ်ဘၣ်ဒီးတၢ်အဲၣ်ဒိၣ်ဆံးအါစှၤတၢ်ဒီး တၢ်ကွၢ်မဲာ်တၢ်လၢနမၤတၢ်တမံၤဂ့ၤတမံၤဂ့ၤအပူၤန့ၣ် ဘၣ်လီၤ.