လံာ်သိၣ်လီၤသီလီၤတၢ် 30:1 - Sgaw Karen Common Bible

¹ ခဲအံၤယဟ့ၣ်လီၤသုတၢ်ဃုထၢတမံၤလၢတၢ်ဆိၣ်ဂ့ၤတမံၤဒီးတၢ် ဆိၣ်အၢတမံၤအဘၢၣ်စၢၤန့ၣ်လီၤ. တုၤကယဲၢ်တၢ်ခဲလၢာ်အံၤမၤအသးဒီးသု, ဒီးသုအိၣ်သုဆိးလၢပှၤကလုာ်တဖၣ်အကျါ, ဖဲယွၤ, သုကစၢ်ယွၤမၤလီၤပြံ လီၤပြါတ့ၢ်သုန့ၣ်, သုကသ့ၣ်နီၣ်ထီၣ်က့ၤတၢ်ဃုထၢလၢယဟ့ၣ်လီၤ တ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 30:1 Iomraidhean Croise

လံာ်တၢ်ကဲထီၣ်အခီၣ်ထံး 4:14

နဟီထီၣ်ကွံာ်ယၤလၢတၢ်လီၢ်အံၤဒီးဟီယံၤကွံာ်ယၤလၢနမဲာ်ညါ န့ၣ်လီၤ. ယကမ့ၢ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢဒီးကယဲၢ် ပှၤတဂၤလၢ်လၢ်လၢအထံၣ်ယၤကမၤသံယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 8:34

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်နပှၤဂီၢ်မုၢ်အတၢ်ဒဲးဘးတဖၣ်ဒီးဟဲက့ၤစိာ်ကဒါက့ၤအီၤ ဆူကီၢ်လၢနဟ့ၣ်တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 30:9

သုမ့ၢ်ဃၣ်က့ၤသုသးဆူယွၤအအိၣ်ဒီး, ပှၤတဖၣ်လၢအစိာ်ထီၣ်ကွံာ် သုဘူးသုတံၢ်သ့ၣ်တဖၣ်ဒ်ပှၤဘၣ်တၢ်စၢဃာ်တဖၣ်အသိးန့ၣ်, ကသးကညီၤဘၣ်အဝဲသ့ၣ်ဒီးကပျဲအဝဲသ့ၣ်ဟဲက့ၤကဒါက့ၤဆူ ဟံၣ်န့ၣ်လီၤ. ယွၤသုကစၢ်ယွၤန့ၣ်အသးအိၣ်တၢ်ဒီးသူၣ်ကညီၤသးကညီၤ တၢ်လီၤ. ဒီးသုမ့ၢ်ဃၣ်က့ၤသုသးဆူအအိၣ်ဒီးအဝဲကတူၢ်လိာ်သုန့ၣ် လီၤ.”

လံာ်စီၤနဃ့မယၤ 1:9

ဘၣ်ဆၣ်ဒီးသုမ့ၢ်ဃၣ်ကဒါက့ၤသုသးဆူယအိၣ်ဒီးမၤတၢ်လၢယမၤ လိာ်တ့ၢ်လံသုန့ၣ်, သုမ့ၢ်လီၤပြံလီၤပြါဆူဟီၣ်ခိၣ်အက တၢၢ်ဒၣ်လဲာ်ယကဟဲက့ၤစိာ်ကဒါက့ၤသုဆူတၢ်လီၢ်လၢယဃုထၢအီၤ လၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ.

လံာ်ယၡါယၤ 46:8

သ့ၣ်နီၣ်ထီၣ်က့ၤတၢ်အံၤ, သုဝဲပှၤမၤတၢ်ဒဲးဘးဖိသ့ၣ်ဧၢ. ကွၢ်ဆိကမိၣ်တၢ်လၢယမၤတ့ၢ်န့ၣ်တက့ၢ်.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”

လံာ်ယဃ့းစက့လး 18:28

အဝဲသ့ၣ်ညါလီၤက့ၤတၢ်လၢအမၤဝဲဒီးဆိကတီၢ်မၤတၢ်ဒဲးဘး အဃိသပှၢ်ကတၢၢ်အဝဲတသံလၢၤဘၣ်. မ့မ့ၢ်ကမူဒံးဝဲဒၣ်ဆူညါန့ၣ်လီၤ.

လံာ်ယဃ့းစက့လး 6:9

ဆူတၢ်လီၢ်ဖဲအဝဲသ့ၣ်ကအိၣ်ဆိးဝဲလၢတၢ်မၢကဲကုၢ်အပူၤန့ၣ် လီၤ. ဖဲန့ၣ်, အဝဲသ့ၣ်ကသ့ၣ်နီၣ်ယၤဒီးသ့ၣ်ညါဝဲလၢယစံၣ်ညီၣ်တ့ၢ် အဝဲသ့ၣ်မၤမဲာ်ဆှးအဝဲသ့ၣ်, မ့ၢ်လၢအဝဲသ့ၣ်လဲၤသဒၣ်ကွံာ်ယၤလၢအတၢ်သးတတီအဃိဒီးအဝဲသ့ၣ် ဘၣ်သူၣ်ဘၣ်သးလၢတၢ်ဂီၤတၢ်ဖီၣ်တဖၣ်ဒိၣ်န့ၢ်အါန့ၢ်ဒံးယၤအဃိ န့ၣ်လီၤ. ဒီးအဝဲသ့ၣ်ကသးဘၣ်အၢလီၤက့ၤအသးဒၣ်ဝဲ, မ့ၢ်လၢတၢ်အၢတၢ်သီ ဒီးတၢ်လီၤရၢၢ်လီၤစၢၢ်တဖၣ်လၢအဝဲသ့ၣ်မၤတ့ၢ်ဝဲအဃိန့ၣ်လီၤ.

လံာ်စကၤရယၤ 10:9

ယမ့ၢ်မၤလီၤပြံလီၤပြါတ့ၢ်အဝဲသ့ၣ်လၢ ပှၤကလုာ်ဂၤအကျါသနာ်က့, အဝဲသ့ၣ်ကသ့ၣ်နီၣ်ထီၣ်က့ၤယၤလၢ ထံယံၤကီၢ်ယံၤအပူၤဒၣ်လဲာ်လီၤ. အဝဲသ့ၣ်ဒီးအဝဲသ့ၣ်အဖိတဖၣ်ကအိၣ်မူတ့ၢ်ဒံးဝဲ ဒီးကဟဲက့ၤကဒါက့ၤသကိးဆူဟံၣ်တပူၤဃီလီၤ.

လံာ်လူၤကၣ် 15:17

လၢခံကတၢၢ်အဝဲဒၣ်သ့ၣ်နီၣ်လီၤက့ၤအသးဒီးစံးဝဲ, ‘ယပၢ်အပှၤဒိးလဲအသးဖိကိးဂၤဒဲးအီၣ်ဘၣ်အီဘၣ်အါန့ၢ်ဒံး အအီၣ်ဝဲကဲတက့ၢ်လီၤ. မ့မ့ၢ်ယဲတခီယအိၣ်ဖဲအံၤဘူးတ့ၢ်မးယက သံလၢတၢ်သၣ်ဝံၤလီၤဒိအဃိလီၤ.

လံာ်သိၣ်လီၤသီလီၤတၢ် 28:28

ယွၤကမၤလီၤမၢ်ကွံာ်သုသးလၢအသ့ၣ်ညါတၢ်သ့, အဝဲကတီၢ်သုဒီးတၢ်မဲာ်ဘျီၣ်ဒီးတၢ်သးကဒံကဒါလီၤ.

လံာ်သိၣ်လီၤသီလီၤတၢ် 28:64

ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.

လံာ်သိၣ်လီၤသီလီၤတၢ် 29:27

ဒီးလၢတၢ်န့ၣ်အဃိ, ယွၤသးဒိၣ်ထီၣ်ဘၣ်အပှၤဂီၢ်မုၢ်ဒီးဒုး လီၤဘၣ်ကယဲၢ်တၢ်တတၢးတနါတဖၣ်လၢအအိၣ်ကွဲးပာ် အသးလၢလံာ်အံၤအပူၤ, လၢအဝဲသ့ၣ်အထံအကီၢ်အလိၤန့ၣ်လီၤ.

လံာ်သိၣ်လီၤသီလီၤတၢ် 29:28

ယွၤအတၢ်သးဒိၣ်ကဲၤထီၣ်တ့ၢ်ဝဲဒီးလၢအဝဲအတၢ်သးဒိၣ်ဖးဒိၣ် အပူၤန့ၣ်, အဝဲထဲးထီၣ်ကွံာ်တ့ၢ်အဝဲသ့ၣ်လၢအဝဲသ့ၣ်အထံအကီၢ်အပူၤ, ဒီးကွံာ်လီၤကွံာ်အဝဲသ့ၣ်ဆူထံကီၢ်အဂၤတဘ့ၣ်အပူၤ, ဒီးတနံၤအံၤအဝဲသ့ၣ်အိၣ်ဝဲဖဲန့ၣ်လီၤ.

လံာ်သိၣ်လီၤသီလီၤတၢ် 30:15

တနံၤအံၤယဟ့ၣ်လီၤသုတၢ်ဃုထၢတမံၤလၢတၢ်ဂ့ၤဒီးတၢ်အၢအဘၢၣ် စၢၤ, လၢတၢ်မူဒီးတၢ်သံအဘၢၣ်စၢၤန့ၣ်လီၤ.

လံာ်သိၣ်လီၤသီလီၤတၢ် 30:19

ခဲကနံၣ်အံၤယဟ့ၣ်လီၤသုတၢ်ဃုထၢလၢတၢ်မူဒီးတၢ်သံ အဘၢၣ်စၢၤဒီးကိးထီၣ်မူခိၣ်ဒီးဟီၣ်ခိၣ်လၢကကဲထီၣ်တၢ်အုၣ် အသးလၢတၢ်ဃုထၢလၢသုမၤအီၤအဂီၢ်န့ၣ်လီၤ. ဃုထၢတၢ်မူတက့ၢ်.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.