လံာ်သိၣ်လီၤသီလီၤတၢ် 3:8 - Sgaw Karen Common Bible

⁸ အကတီၢ်ဖဲန့ၣ်, ပဟံးန့ၢ်ကွံာ်တၢ်လီၢ်အံၤလၢ ထံကျိယၢ်ဒ့ၣ်အမုၢ်ထီၣ်တကပၤ, စးထီၣ်လၢထံကျိအၢ်နိၣ်တုၤဆူကစၢၢ်ဃ့ရမိၣ်လၢပှၤဧၣ်မိၣ်ဖိ အစီၤပၤခံဂၤအံၤအအိၣ်န့ၣ်လီၤ.

လံာ်သိၣ်လီၤသီလီၤတၢ် 3:8 Iomraidhean Croise

လံာ်စီၤပၤအခီၣ်ထံးတဘ့ၣ် 4:19

စီၤအူရံၤယၤအဖိခွါစီၤက့ဘ့ၢ်လၢကီၢ်ကံးလဧး, လၢအဘၣ်တၢ်ပၢအီၤလၢပှၤအမိၢ်ဖိအစီၤပၤစံဃိၣ်ဒီးဘၤၡၣ်အစီၤ ပၤဧိာ်တဖၣ်န့ၣ်လီၤ. လၢပှၤတဆံခံဂၤအံၤအမဲာ်ညါပဒိၣ်ဖးဒိၣ်အဒိၣ်ကတၢၢ်အိၣ်ဝဲ တဂၤလၢကီၢ်ဒီတဘ့ၣ်ညါအဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:23

ပှၤမုၢ်ထီၣ်မနၤၡ့ၤဖိတဖၣ်အိၣ်ဝဲဆိးဝဲလၢကီၢ်ဘၤၡၣ်အလီၢ် ကဝီၤတဖၣ်ဒီးယံၤဝဲတုၤလၢဘဧၤလးဃ့ရမိၣ်, စနံၢ်, ကစၢၢ်ဃ့ရမိၣ်လၢကလံၤစိးတကပၤဒီးအနီၣ်ဂံၢ်အါထီၣ်ဝဲ ဒိၣ်ဒိၣ်ကလဲာ်န့ၣ်လီၤ.

စံးထီၣ်ပတြၢၤ 42:6

ဖဲအံၤလၢ တၢ်စိာ်မၢကဲကုၢ်အလီၢ်န့ၣ်, ယသူၣ်ကၢ်သးလီၤယဲလီၤ. ဒ်ထံလီၤဆူ သီၣ်လီၤလၢ ကစၢၢ်ဃ့ရမိၣ်ဒီး ကစၢၢ်မံစၢ်အလိၤဆူ ထံကျိယၢ်ဒ့ၣ်အသိးန့ၣ်

စံးထီၣ်ပတြၢၤ 42:7

နဆှၢလီၤတၢ်သူၣ်အုးသးအုးအလပီသ့ၣ်တဖၣ်လၢ ယသးအလိၤ, တၢ်သဘံၣ်ဘုၣ်ကိးပသူထီၣ်ဆူ ယအိၣ်ဒ်တၢ်လုၣ်ဘၢတၢ်အသိးန့ၣ်လီၤ.

စံးထီၣ်ပတြၢၤ 89:12

နတ့လီၤကယဲၢ်တၢ်အိၣ်လၢကလံၤစိးဒီးကလံၤထံး, ဒီးကစၢၢ်တၤဘိၢ်ဒီးကစၢၢ်ဃ့ရမိၣ်န့ၣ် စံးထီၣ်ပတြၢၤနမံၤလၢတၢ်သးခုအပူၤလီၤ.

လံာ်သိၣ်လီၤသီလီၤတၢ် 4:47

အဝဲသ့ၣ်မၤန့ၢ်အဝဲအကီၢ်ဒီးကီၢ်ဘၤၡၣ်အစီၤပၤစီၤဧိာ်, လၢအမ့ၢ်ပှၤဧၣ်မိၣ်ဖိအစီၤပၤအဂၤတဂၤအကီၢ်လၢအအိၣ်လၢထံကျိ ယၢ်ဒ့ၣ်အမုၢ်ထီၣ်တခီန့ၣ်လီၤ.

လံာ်သိၣ်လီၤသီလီၤတၢ် 4:48

ကီၢ်အံၤလဲၢ်ဝဲစးထီၣ်လၢဝ့ၢ်ဧရိၤဧ့ၢ်, လၢအအိၣ်လၢထံကျိ အၤနိၣ်ကၢၢ်နံၤဒီးလဲၤဆူကလံၤစိးတခီဒီတကျိၤတုၤဆူကစၢၢ် စံရယိၣ်လၢအမ့ၢ်ဃ့ရမိၣ်န့ၣ်လီၤ.

လံာ်စီၤယိၤၡူ 12:1

အအံၤမ့ၢ်ထံကီၢ်အစီၤပၤတဖၣ်လၢ ပှၤအံၣ်စရ့လးဖိတဖၣ်မၤနၢၤတ့ၢ်ဒီးဟံးန့ၢ်လံအကီၢ်လၢထံကျိယၢ်ဒ့ၣ်အမုၢ်ထီၣ်တကပၤ စးထီၣ်လၢအၢ်နိၣ်တၢ်ပၢၤခိၣ် ထီၣ်ဆူထံကျိယၢ်ဒ့ၣ်တၢ်ပၢၤခိၣ်တုၤလၢကစၢၢ်ဃ့ရမိၣ်လၢကလံၤ စိးန့ၣ်လီၤ. အဝဲသ့ၣ်မၤနၢၤစီၤပၤခံဂၤန့ၣ်လီၤ.

လံာ်စီၤယိၤၡူ 13:8

မ့မ့ၢ်ဒူၣ်တဖၣ်လၢအမ့ၢ်ဝဲရူၤဘ့ၣ်ဒီးကးဒီးမနၤၡ့ၤအဒူၣ် တဝာ်ဒိးန့ၢ်တ့ၢ်လံဝဲအတၢ်န့ၢ်သါလၢယွၤအခ့အပှၤစီၤမိၤၡ့ ဟ့ၣ်လီၤအဝဲသ့ၣ်န့ၣ်လီၤ. ကီၢ်အံၤအိၣ်လၢထံကျိယၢ်ဒ့ၣ်အမုၢ်ထီၣ်တကပၤန့ၣ်လီၤ.