လံာ်သိၣ်လီၤသီလီၤတၢ် 3:6 - Sgaw Karen Common Bible

⁶ ပမၤဟးဂီၤကွံာ်ဝ့ၢ်ခဲလၢာ်ဒီးမၤသံကွံာ်ကယဲၢ်ပှၤပိာ်ခွါ, ပှၤပိာ်မုၣ်ဒီးဖိသၣ်တဖၣ်, ဒ်သိးဒၣ်ပမၤတ့ၢ်အီၤလၢဝ့ၢ်တဖၣ် အပူၤလၢအဘၣ်ဃးဒီးဝ့ၢ်ဃ့ၡဘိၣ်အစီၤပၤစီၤစံဃိၣ်အသိးန့ၣ်လီၤ.

လံာ်သိၣ်လီၤသီလီၤတၢ် 3:6 Iomraidhean Croise

လံာ်တၢ်ဂံၢ် 21:2

တုၤနုၤတစု, ပှၤအံၣ်စရ့လးဖိမၤတၢ်ဆိၣ်တမံၤဒီးယွၤစံးဝဲ, “နမ့ၢ်ပျဲပမၤနၢၤကွံာ်ပှၤတဖၣ်အံၤဒီးပကလုၢ်ထီၣ်အဝဲသ့ၣ် ဒီးအဝ့ၢ်တဖၣ်ဆူနအိၣ်လၢတၢ်သူၣ်အိၣ်သးအိၣ်အပူၤဒီးမၤဟးဂီၤ ကွံာ်အဝဲသ့ၣ်န့ၣ်လီၤ.”

လံာ်သိၣ်လီၤသီလီၤတၢ် 1:4

တၢ်အံၤမ့ၢ်ဖဲယွၤမၤနၢၤကွံာ်ပှၤဧၣ်မိၣ်ဖိတဖၣ်အစီၤပၤစံဃိၣ် လၢအပၢတၢ်လၢဝ့ၢ်ဃ့ၡဘိၣ်, ဒီးကီၢ်ဘၤၡၣ်အစီၤပၤစီၤဧိာ်လၢအပၢတၢ်လၢဝ့ၢ်ဧၤၡတြိးဒီး ဝ့ၢ်အ့ဒြၤတဖၣ်, အလီၢ်ခံန့ၣ်လီၤ.

လံာ်သိၣ်လီၤသီလီၤတၢ် 2:24

ဖဲပခီဂာ်ကီၢ်မိၤအးဝံၤန့ၣ်, ယွၤစံးဘၣ်ပှၤ, ခဲအံၤစးထီၣ်လဲၤတၢ်ဒီး ခီဂာ်ထံကျိာ်အၢ်နိၣ်တက့ၢ်, ယဟ့ၣ်လီၤပှၤအမိၢ်ဖိလၢ ဝ့ၢ်ဃ့ၡဘိၣ်အစီၤပၤစံဃိၣ်ဃုာ်ဒီး အထံအကီၢ်ဆူသုတၢ်စိတၢ်ကမီၤအပူၤလံ. ဒုးတၢ်ထီဒါအီၤဒီး စးထီၣ်ဟံးန့ၢ်ကွံာ်အထံအကီၢ်တက့ၢ်.

လံာ်သိၣ်လီၤသီလီၤတၢ် 2:34

တကတီၢ်ဃီန့ၣ် ပဂုာ်န့ၢ်ဒီး မၤဟးဂီၤကွံာ်ကယဲၢ်ဝ့ၢ်ခဲလၢာ်ဒီး မၤသံကွံာ်ပှၤပိာ်ခွါတဖၣ်, ပှၤပိာ်မုၣ်တဖၣ်ဒီး ဖိသၣ်တဖၣ်ကိးဂၤဒဲးန့ၣ်လီၤ. ပတပျဲပှၤအိၣ်မူလီၤတဲာ်နီတဂၤဘၣ်.

လံာ်သိၣ်လီၤသီလီၤတၢ် 29:6

ကိၣ်လၢသုကအီၣ်မ့ၢ်ဂ့ၤ, စပံးထံမ့တမ့ၢ်သံးလၢသုကအီမ့ၢ် ဂ့ၤတအိၣ်ဒီးသုဘၣ်. ဘၣ်ဆၣ်ယွၤမၤပှဲၤထီၣ်သုတၢ်လိၣ်တဖၣ်ဒ်သိးကသိၣ်လိသုလၢအဝဲ မ့ၢ်သုကစၢ်ယွၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 3:2

ဘၣ်ဆၣ်ဒီးယွၤစံးဘၣ်ယၤ, ပျံၤအီၤတဂ့ၤ. ယကဟ့ၣ်လီၤအီၤ, အပှၤတဖၣ်, ဒီးကယဲၢ်အလီၢ်ကဝီၤခဲလၢာ်ဆူနအိၣ်န့ၣ်လီၤ. မၤအီၤတမံၤဃီဒ်နမၤဘၣ်တ့ၢ်ပှၤဧၣ်မိၣ်ဖိတဖၣ်အစီၤပၤလၢအပၢ တၢ်လၢဝ့ၢ်ဃ့ၡဘိၣ်, စီၤစံဃိၣ်, အသိးန့ၣ်တက့ၢ်.

လံာ်သိၣ်လီၤသီလီၤတၢ် 3:5

ဝ့ၢ်ခဲလၢာ်အံၤဘၣ်တၢ်မၤခၢၣ်သနၢၣ်အီၤဒီးဝ့ၢ်ခိၣ်ဒူလၢအထီတ ဖၣ်, တြဲၤဖးဒိၣ်ဒီးနီၣ်ဘိတဖၣ်လၢတၢ်ကကးတံၢ်တြဲၤဖးဒိၣ်တဖၣ် အဂီၢ်ဒီးဒူသဝီတဖၣ်လၢအခိၣ်ဒူတအိၣ်ဘၣ်အိၣ်ဝဲအါဖျၢၣ်စ့ၢ် ကီးန့ၣ်လီၤ.

လံာ်စီၤယိၤၡူ 11:14

ပှၤအံၣ်စရ့လးဖိတဖၣ်ဟံးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဒီးဆၣ်ဖိ ကီၢ်ဖိလၢဝ့ၢ်တဖၣ်အံၤအပူၤဒီးပာ်အီၤလၢအဂီၢ်ဒၣ်ဝဲလီၤ. မ့မ့ၢ်ပှၤကညီန့ၣ်မၤသံကွံာ်ဝဲခဲလၢာ်လၢနးဒီးတပာ်မူတီၢ်ဝဲနီတဂၤဘၣ်န့ၣ်လီၤ.