လံာ်သိၣ်လီၤသီလီၤတၢ် 3:29 - Sgaw Karen Common Bible

²⁹ လၢတၢ်န့ၣ်အဃိ, ပအိၣ်လီၤတဲာ်တ့ၢ်ဖဲတၢ်တြီၤပူၤအံၤလၢ ဝ့ၢ်ဘ့ၤသပဧိၢ်အမဲာ်ညါတခီန့ၣ်လီၤ.

လံာ်သိၣ်လီၤသီလီၤတၢ် 3:29 Iomraidhean Croise

လံာ်တၢ်ဂံၢ် 25:1

ဖဲပှၤအံၣ်စရ့လးဖိတဖၣ်အိၣ်သူၣ်ထီၣ်အဒဲလၢၡံးထံၣ်အတြီၤ ပူၤန့ၣ်ပှၤပိာ်ခွါတဖၣ်စးထီၣ်လဲၤမံဃုာ်ဒီးပှၤမိၤအးမုၣ် တဖၣ်လၢအအိၣ်ဝဲဖဲန့ၣ်လီၤ.

လံာ်တၢ်ဂံၢ် 25:3

မၤသးဒ်န့ၣ်ဒီး, ယွၤသးဒိၣ်ထီၣ်အဝဲသ့ၣ်, ဒီးယွၤစံးဘၣ်စီၤမိၤၡ့, “ကိးဃီၤကယဲၢ်ပှၤအံၣ်စရ့လးဖိ အခိၣ်အနၢ်တဖၣ်ဒီးလၢတၢ်ဒိကနၣ်ယၤအပူၤန့ၣ်မၤသံကွံာ်ပှၤလၢ အပူထီၣ်ယၤတဖၣ်ဖဲမုၢ်ထူၣ်အဆၢကတီၢ်န့ၣ်တက့ၢ်. အန့ၣ်ဒီးယတသးဒိၣ်ထီၣ်လၢၤဘၣ်ပှၤဂီၢ်မုၢ်နီတစုဘၣ်.”

လံာ်သိၣ်လီၤသီလီၤတၢ် 34:6

ယွၤခူၣ်လီၤကွံာ်အီၤလၢတၢ်တြီၤပူၤတတီၤလၢကီၢ်မိၤအးအပူၤ, အိၣ်သဃီၤဝဲဖဲဝ့ၢ်ဘ့ၤသပဧိၢ်အမဲာ်ညါ, ဘၣ်ဆၣ်တုၤလၢမုၢ်မဆါ တနံၤအံၤန့ၣ်, ပှၤတသ့ၣ်ညါဘၣ်တၢ်လီၢ်လီၤတံၢ်လီၤဆဲးဖဲ အဝဲဘၣ်တၢ်ခူၣ်လီၤအီၤန့ၣ်နီတဂၤဘၣ်.

လံာ်သိၣ်လီၤသီလီၤတၢ် 4:3

သုနီၢ်ကစၢ်ဒၣ်သုဝဲထံၣ်ဘၣ်တ့ၢ်တၢ်တဖၣ်လၢယွၤမၤတ့ၢ်ဝဲလၢ ကစၢၢ်ပဧိၢ်အဒီခိၣ်န့ၣ်လီၤ. ဖဲန့ၣ်အဝဲမၤဟးဂီၤကွံာ်ပှၤကိးဂၤဒဲးလၢအဘူၣ်ထီၣ်ဘါထီၣ် ဘဧၤလး,

လံာ်သိၣ်လီၤသီလီၤတၢ် 4:46

တၢ်လီၢ်အံၤအိၣ်ဝဲလၢပှၤဧၣ်မိၣ်ဖိတဖၣ်အစီၤပၤစီၤစံဃိၣ်လၢ အပၢတၢ်လၢဝ့ၢ်ဃ့ၡဘိၣ်, အလီၢ်ကဝီၤပူၤန့ၣ်လီၤ. စီၤမိၤၡ့ဒီးကီၢ်အံၣ်စရ့လးအပှၤဂီၢ်မုၢ်မၤနၢၤကွံာ်အီၤဖဲ အဝဲသ့ၣ်ဟးထီၣ်ကွံာ်လၢကီၢ်အဲၤကူပတူးပူၤအခါန့ၣ်လီၤ.

လံာ်စီၤယိၤၡူ 13:20

ဘ့ၤသပဧိၢ်, ကစၢၢ်ပံးစကၤအတၢ်ပၤလီၤတဖၣ်, ဒီးဘ့ၤသၤယၡံမိးန့ၣ်လီၤ.