လံာ်သိၣ်လီၤသီလီၤတၢ် 3:25 - Sgaw Karen Common Bible

²⁵ ယွၤဧၢ, ပျဲယခီဂာ်ထံကျိယၢ်ဒ့ၣ်ဒီးပျဲယထံၣ်ဘၣ်ကီၢ်လၢအပှဲၤ ဒီးဟီၣ်ခိၣ်ညၣ်ထ့ၣ်အဂ့ၤလၢအအိၣ်လၢထံကျိဘးခီ, တၢ်လူၢ်တၢ်တြီၤအကီၢ်ဃံလၤဒီးလဘၤနိၣ်အကစၢ်ကလိတဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 3:25 Iomraidhean Croise

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်တၢ်ဂံၢ် 32:5

ဝံသးစူၤဟ့ၣ်ပှၤတၢ်လီၢ်အံၤဒ်ပတၢ်စုလီၢ်ခီၣ်ခိၣ်အသိး, ဒီးတဘၣ်ဒုးလဲၤခီဂာ်ပှၤဆူထံကျိယၢ်ဒ့ၣ်အဝၢ်ဘးခီလၢပကသူၣ် လီၤဆီလီၤပသးဖဲန့ၣ်တဂ့ၤ.”

လံာ်သိၣ်လီၤသီလီၤတၢ် 3:26

ဘၣ်ဆၣ်ဒီးမ့ၢ်လၢသုဝဲပှၤဂီၢ်မုၢ်အံၤအဃိ, ယွၤအသးဒိၣ်ထီၣ်ဘၣ်ယၤဒီးတကနၣ်ယၤဘၣ်. အခိၣ်တလိာ်, အဝဲစံးဝဲ, ထဲန့ၣ်ဘၣ်လံ. ယၢၤထီၣ်ကဒီးတၢ်ဂ့ၢ် အံၤလၢၤတဂ့ၤ.