လံာ်သိၣ်လီၤသီလီၤတၢ် 3:17 - Sgaw Karen Common Bible

¹⁷ လၢမုၢ်နုာ်တခီန့ၣ်အဝဲသ့ၣ်အလီၢ်ကဝီၤလဲၤတုၤဝဲတုၤဆူ ထံကျိယၢ်ဒ့ၣ်စးထီၣ်လၢပီၣ်လဲၣ်ကၤလံၤလါလၢကလံၤစိးတခီ, တုၤလီၤဆူပီၣ်လဲၣ်သံလၢကလံၤထံးတခီ, ဒီးဆူကစၢၢ်ပံးစကၤ အခီၣ်ထံးလၢမုၢ်ထီၣ်တခီန့ၣ်လီၤ.

လံာ်သိၣ်လီၤသီလီၤတၢ် 3:17 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

လံာ်တၢ်ကဲထီၣ်အခီၣ်ထံး 14:3

စီၤပၤယဲၢ်ဂၤအံၤကရၢကရိထီၣ်အသးဒ်ပှၤဒီသိၣ်ဒီမှံၤအသိး ဒီးပာ်ဖှိၣ်ထီၣ်အသုးမုၢ်တဖၣ်လၢစံးဒံၣ်တၢ်တြီၤပူၤ, ဒ်ပစံးတၢ်အသိး, ခဲကနံၣ်အံၤမ့ၢ်ဝဲပီၣ်လဲၣ်သံန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:25

အဝဲဒုးန့ၢ်ကဒါက့ၤကယဲၢ်လီၢ်ကဝီၤလၢအဘၣ်ဃးဒီးကီၢ်အံၣ်စရ့ လးခဲလၢာ်, စးထီၣ်လၢတၢ်လဲၤနုာ်ဆူဝ့ၢ်ဃမါသးလၢကလံၤစိးတခီတုၤလၢ ပီၣ်လဲၣ်သံလၢကလံၤထံးတခီန့ၣ်လီၤ. အအံၤမ့ၢ်တၢ်လၢယွၤ, အံၣ်စရ့လးအကစၢ်ယွၤအၢၣ်လီၤတ့ၢ်ဝဲခီဖျိအဝဲအခ့အပှၤဝံယိၤနါ, လၢအမ့ၢ်စီၤအမံးတဲၤအဖိခွါလၢဝ့ၢ်ကၤသးဃ့ဖ့ၢ်တခီန့ၣ်လီၤ.

လံာ်ယဃ့းစက့လး 47:8

အဝဲစံးဘၣ်ယၤ, “ထံအံၤယွၤလီၤခီဖျိတၢ်လီၢ်တၢ်ကျဲဆူမုၢ်ထီၣ်တကပၤဒီး ဆူယၢ်ဒ့ၣ်အတၢ်တြီၤပူၤ, ဒီးဆူပီၣ်လဲၣ်သံအပူၤန့ၣ်လီၤ. တုၤအယွၤနုာ်လီၤဆူပီၣ်လဲၣ်သံအပူၤန့ၣ်မၤပှဲၤ က့ၤပီၣ်လဲၣ်န့ၣ်အအံသၣ်ထံအလီၢ်ဒီးထံအဘျါန့ၣ်လီၤ.

လံာ်တၢ်ဂံၢ် 23:14

အဝဲလဲၤကိးအီၤဆူစိဖံၣ်အပျီပူၤလၢအအိၣ်လၢကစၢၢ်ပံးစကၤ အဒီခိၣ်န့ၣ်လီၤ. ဖဲန့ၣ်အဝဲမၤထီၣ်စ့ၢ်ကီးတၢ်လုၢ်လီၢ်နွံခါဒီးလုၢ်ထီၣ်ဝဲ ကျီၢ်ဖါတဒုဒီးသိဖါတဒုစုာ်စုာ်လၢတၢ်လုၢ်လီၢ်တခါစုာ်စုာ်အဖီခိၣ်န့ၣ်လီၤ.

လံာ်လူၤကၣ် 5:1

ဘၣ်တနံၤဖဲယ့ၣ်ၡူးအိၣ်ဆၢထၢၣ်လၢနိၣ်ကံးန့ရ့ၤသးအကၢၢ်ခိၣ်န့ၣ်, ပှၤဂီၢ်မုၢ်တဖၣ်သနံးလိာ်အသးဒ်သိးအကနၢ်ဟူဘၣ်ကစၢ်ယွၤ အကလုၢ်ကထါအဂီၢ်လီၤ.

လံာ်သိၣ်လီၤသီလီၤတၢ် 4:49

ကီၢ်န့ၣ်အိၣ်စ့ၢ်ကီးဒီးကယဲၢ်လီၢ်ကဝီၤလၢထံကျိယၢ်ဒ့ၣ် အမုၢ်ထီၣ်တခီ, ယံၤဝဲလၢကလံၤထံးတခီတုၤဆူပီၣ်လဲၣ်သံ, ဒီးလၢမုၢ်ထီၣ်တကပၤန့ၣ်တုၤဆူကစၢၢ်ပံးစကၤအခီၣ်ထံးန့ၣ်လီၤ.

လံာ်စီၤယိၤၡူ 12:3

ဒီးပၣ်ဃုာ်ဒီးထံကျိယၢ်ဒ့ၣ် အတၢ်ပၢၤခိၣ်စးထီၣ်လၢပီၣ်လဲၣ်ကၤလံၤလါကလံၤထံး ဆူဘ့ၤသၤယၡံမိး (ပီၣ်လဲၣ်အံသၣ်အမုၢ်ထီၣ်) ဒီးတုၤဆူကစၢၢ်ပံးစကၤအခီၣ်ထံးန့ၣ်လီၤ.

လံာ်စီၤယိၤၡူ 13:27

လၢထံကျိယၢ်ဒ့ၣ်အတၢ်ပၢၤခိၣ်အံၤအိၣ်ဒီးဝ့ၢ်ဘ့ၤသဟၤရၣ်, ဝ့ၢ်ဘ့ၤသနံးမရၤ, ဝ့ၢ်စူးကိၤသး, ဝ့ၢ်စၤဖိၣ်ဒီးဃ့ၡဘိၣ်အစီၤပၤစံဃိၣ် အဘီမုၢ်လၢအအိၣ်လီၤတဲာ်တဖၣ်န့ၣ်လီၤ. အမုၢ်နုာ်ကီၢ်ဆၢမ့ၢ်ဝဲထံကျိယၢ်ဒ့ၣ်ဒီးတုၤလၢ ပီၣ်လဲၣ်ကၤလံၤလါလၢကလံၤစိးန့ၣ်လီၤ.

လံာ်စီၤယိၤၡူ 15:2

ကလံၤထံးကီၢ်ဆၢအံၤစးထီၣ်အသးဖဲပီၣ်လဲၣ်အံသၣ်အကလံၤထံးအကတၢၢ်,

လံာ်စီၤယိၤၡူ 15:5

ဒီးကီၢ်ဆၢလၢမုၢ်ထီၣ်တခီမ့ၢ်ဝဲပီၣ် လဲၣ်အံသၣ်ဒီးတရဲၣ်ဃီတုၤလီၤလၢထံကျိယၢ်ဒ့ၣ်အထံထၣ်န့ၣ်လီၤ. ကီၢ်ဆၢလၢကလံၤစိးတခီစးထီၣ်အသးဖဲန့ၣ်,

လံာ်စီၤယိၤၡူ 18:19

ဝံၤဒီးကီၢ်ဆၢန့ၣ်လဲၤဆူဝ့ၢ်ဘ့ၤသဃါကလၤအဃၢၤလၢက လံၤစိးတခီ, ဒီးကတၢၢ်ဝဲဖဲပီၣ်လဲၣ်အံသၣ်ဖဲထံကျိယၢ်ဒ့ၣ် ကလံၤထံးအကတၢၢ်န့ၣ်လီၤ. အဝဲအံၤမ့ၢ်ကလံၤထံးအကီၢ်ဆၢန့ၣ်လီၤ.

လံာ်စီၤယိၤၡူ 19:35

ဝ့ၢ်အိၣ်ခၢၣ်အနၢၣ်တဖၣ်မ့ၢ်ဝဲစံးဒံၣ်, စ့ၢ်, ဃးမး, ရကး, ကံးနရ့း,

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.