လံာ်သိၣ်လီၤသီလီၤတၢ် 3:11 - Sgaw Karen Common Bible

¹¹ (စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်သိၣ်လီၤသီလီၤတၢ် 3:11 Iomraidhean Croise

လံာ်တၢ်ကဲထီၣ်အခီၣ်ထံး 14:5

ဒီးလၢတဆံလွံၢ်နံၣ်တနံၣ်န့ၣ်စီၤပၤစီၤကဒၢ်လဧိမ့ၢ်ဒီးအသိၣ် အမှံၤစီၤပၤအဂၤသ့ၣ်တဖၣ်ဟဲလၢအသုးမုၢ်ဒၣ်ဝဲဒီးမၤနၢၤပှၤ ရၤဖၤဖိအိၣ်လၢဝ့ၢ်ဧၤၡတါရိၤကၢ်နါယံၣ်, ပှၤစူစၤဖိအိၣ်လၢကီၢ်ဟၣ်အပူၤ, ပှၤအ့ၣ်ဖိအိၣ်လၢၡၤဝ့ကးရ ယးသံၣ်အတၢ်ပျီပူၤ,

လံာ်တၢ်ကဲထီၣ်အခီၣ်ထံး 6:15

ဒီးမၤကဘီအထီန့ၣ်အပျၢ်သၢကယၤ, အဒီၣ်ဃီၣ်န့ၣ်အပျၢ်ယဲၢ်ဆံ ဒီးအကစီၤထီၣ်န့ၣ်အပျၢ်သၢဆံန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 11:1

လၢခံတနံၣ်ဖဲတၢ်မဲထီၣ်သီအကတီၢ်, ဖဲတၢ်ဆၢကတီၢ်လၢ စီၤပၤညီနူၢ်လဲၤထီၣ်ဆူတၢ်ဒုးတၢ်ယၤအခါန့ၣ်, စီၤဒၤဝံးဆှၢလီၤစီၤယိၤအာ်ဃုာ်ဒီးအသုးခိၣ်သုးနၢ်တဖၣ် ဒီးကီၢ်အံၣ်စရ့လးအသုးမုၢ်လၢကလဲၤထီၣ်ဒုးတၢ်အဂီၢ်န့ၣ်လီၤ. အဝဲသ့ၣ်မၤနၢၤကွံာ်ပှၤဧၣ်မိၣ်ဖိတဖၣ်, ဒီးကဝီၤဃးဝ့ၢ်ရးဘၤ န့ၣ်လီၤ. ဘၣ်ဆၣ်ဒီးစီၤဒၤဝံးအကစၢ်ဒၣ်ဝဲအိၣ်တ့ၢ်ဒၣ်လၢဝ့ၢ်ယရူၤၡလ့ၣ် အပူၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:26

အခါဖဲန့ၣ်, စီၤယိၤအာ်ထီၣ်ဒုးထွဲဒံးတၢ်ထီဒါပှၤဧၣ်မိၣ်ဖိ အဝ့ၢ်ခိၣ်ဝ့ၢ်ရးဘါဒီးဘူးတ့ၢ်လၢကမၤန့ၢ်အီၤလီၤ.

လံာ်ယံးရမံယၤ 49:2

ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်ယဃ့းစက့လး 21:20

တၢ်ပနီၣ်တမံၤန့ၣ်ကဒုးနဲၣ်စီၤပၤအကျဲဆူပှၤဧၤမိၣ်ဖိအဝ့ၢ် ရးဘးအပူၤ, ဒီးအဂၤတမံၤန့ၣ်မ့ၢ်ဆူကီၢ်ယူဒၤ, ဆူဝ့ၢ်အိၣ်ဒီးအတိာ်ခၢၣ်သနၢၣ်ယရူၤၡလ့ၣ်န့ၣ်လီၤ.

လံာ်ယဃ့းစက့လး 25:5

ယကဒုးကဲထီၣ်ကွံာ်ဝ့ၢ်ရးဘးဆူတၢ်လီၢ်တတီၤလၢပှၤကပာ်ကီၤလၤ အူးတဖၣ်အဂီၢ်, ဒီးကီၢ်ဧၣ်မိၣ်ဒီတကီၢ်န့ၣ်, ယကဒုးကဲထီၣ်အီၤလၢတၢ်လီၢ်တတီၤလၢပှၤကပာ်သိအဂီၢ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 2:9

ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်သိၣ်လီၤသီလီၤတၢ် 2:11

ဒ်ပှၤဧနးဖိတဖၣ်အသိး, အဝဲသ့ၣ်ဘၣ်တၢ်သ့ၣ်ညါအီၤဒ်ရးဘးဖိ အသိးန့ၣ်လီၤ. မ့မ့ၢ်ပှၤမိၤအးဖိတဖၣ်ကိးအဝဲသ့ၣ်လၢပှၤအ့ၣ်မ့းဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 2:20

(လီၢ်ကဝီၤအံၤဘၣ်တၢ်သ့ၣ်ညါစ့ၢ်ကီးအီၤဒ်ပှၤရၤဖၤဖိ, အထံအကီၢ်, ဒ်ပှၤဂီၢ်မုၢ်လၢအအိၣ်ဆိးဖဲန့ၣ်အမံၤအိၣ်ဝဲအသိး န့ၣ်လီၤ. ပှၤဧၣ်မိၣ်ဖိတဖၣ်ကိးအဝဲသ့ၣ်လၢပှၤစၤမစူၣ်ဖိန့ၣ်လီၤ.

လံာ်စီၤယိၤၡူ 12:4

အဝဲသ့ၣ်မၤနၢၤကီၢ်ဘၤၡၣ်အစီၤပၤစ့ၢ်ကီး, လၢအမ့ၢ်ပှၤနီၢ်ဒိၣ်ဖိလၢအအိၣ်လီၤတဲာ် အကျါတဂၤဒီးအဝဲပၢတၢ်ဖဲဝ့ၢ်ဧၤၡတြိးဒီးဝ့ၢ်အ့ဒြံၤန့ၣ်လီၤ.

လံာ်စီၤယိၤၡူ 13:12

ပၣ်ဃုာ်ဒီးစီၤပၤဧိာ်အဘီမုၢ်, ပှၤနီၢ်ဒိၣ်ဖိလၢအအိၣ်လီၤတဲာ်လၢအပၢတၢ်ဖဲဝ့ၢ်ဧၤၡတြိးဒီး အ့ဒြံၤန့ၣ်လီၤ. စီၤမိၤၡ့မၤနၢၤတ့ၢ်ပှၤတဖၣ်အံၤဒီးဟီထီၣ်ကွံာ်လံအဝဲသ့ၣ် န့ၣ်လီၤ.

လံာ်လီၣ်ဖျါ 21:17

ကလူးန့ၣ်ထိၣ်ကွၢ်စ့ၢ်ကီးတၢ်ဒူၣ်, ဒီးအတီၣ်အိၣ်တကယၤ လွံၢ်ဆံလွံၢ်ပျၢ်ဒ်နီၣ်ထိၣ်လၢအဝဲဒၣ်သူ, နီၣ်ထိၣ်လၢအဘၣ်တၢ်သူညီနုၢ်အီၤပာ်ဖျါဝဲအသိး န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:4

ပှၤလၢအမံၤမ့ၢ်စီၤကၤလယးလၢဝ့ၢ်ကၤသးတဂၤန့ၣ်ဟဲထီၣ်လၢပှၤ ဖလ့ၡသးဖိတဖၣ်အသူၣ်ဒဲအလီၢ်ပူၤဒ်သိးကတၤပှၤအံၣ်စရ့လးဖိ တဖၣ်န့ၣ်လီၤ. အဝဲအဂီၤအထီအိၣ်ဝဲဃုပျၢ်အဘျဲၣ်,