လံာ်သိၣ်လီၤသီလီၤတၢ် 3:10 - Sgaw Karen Common Bible

¹⁰ ပဟံးန့ၢ်ကွံာ်ကီၢ်ဘၤၡၣ်အစီၤပၤစီၤဧိာ်အလီၢ်ကဝီၤခဲလၢာ်လၢ အမ့ၢ်ဝ့ၢ်တဖၣ်လၢအအိၣ်လၢတၢ်လူၢ်ဒီခိၣ်အတၢ်ပၢၤခိၣ်အလိၤ, ကီၢ်ကံးလဧးဒီးကီၢ်ဘၤၡၣ်အလီၢ်ကဝီၤတဖၣ်, ယံၤဝဲလၢမုၢ်ထီၣ်တုၤဆူဝ့ၢ်တဖၣ်လၢအမ့ၢ်စၤလကးဒီးအ့ဒြံၤ န့ၣ်လီၤ.

လံာ်သိၣ်လီၤသီလီၤတၢ် 3:10 Iomraidhean Croise

လံာ်စီၤပၤအခီၣ်ထံးတဘ့ၣ် 4:13

စီၤက့ဘ့ၢ်အဖိခွါလၢဝ့ၢ်ရၤမိးလၢကီၢ်ကံးလဧးအပူၤ, ဒီးသဝီတဖၣ်လၢကီၢ်ကံးလဧးအပူၤလၢအဘၣ်ဃးဒီးစီၤယၤအံၢ်, ပှၤတဂၤလၢအလီၤစၢၤလၢစီၤမနၤၡ့ၤအဒူၣ်ထၢ, ဒီးတၢ်လီၢ်အိၣ်လၢအၢ်ကိးလၢအအိၣ်လၢကီၢ်ဘၤၡၣ်အပူၤ, ဝ့ၢ်ဖးဒိၣ်အဖျၢၣ်ဃုဆံလၢအဘၣ်တၢ်မၤကျၢၤအီၤဒီးဝ့ၢ်ခိၣ်ဒူ တဖၣ်ဒီးတြဲၤဖးဒိၣ်တဖၣ်လၢအအိၣ်ဒီးတိၢ်ဘီနီၣ်တြီတဖၣ်လၢအ လိၤ,

လံာ်ကွဲးနီၣ်တၢ်အခီၣ်ထံးတဘ့ၣ် 5:11

ပှၤကးအဒူၣ်ဖိတဖၣ်အိၣ်ဝဲဆိးဝဲဖဲပှၤရူၤဘ့ၣ်ဖိအဒူၣ်အကလံၤ စိးလၢကီၢ်ဘၤၡၣ်အပူၤဒီးလၢမုၢ်ထီၣ်ယံၤဝဲတုၤလၢဝ့ၢ်စၤ လကးန့ၣ်လီၤ.

လံာ်တၢ်ဂံၢ် 21:33

အန့ၣ်ဝံၤဒီး, ပှၤအံၣ်စရ့လးဖိတဖၣ်ဃၣ်အသးဒီးပိာ်အကျဲ တဘိဆူကီၢ်ဘၤၡၣ်, ဒီးကီၢ်ဘၤၡၣ်အစီၤပၤဧိာ်ဟဲထီၣ်ဒီးအသုးမုၢ်လၢကဒုးအဝဲ သ့ၣ်ဖဲအ့ဒရ့ဧံၤန့ၣ်လီၤ.

လံာ်သိၣ်လီၤသီလီၤတၢ် 4:43

လၢပှၤရူၤဘ့ၣ်ဖိအဒူၣ်အဂီၢ်န့ၣ်, ဝ့ၢ်ဘ့စ့ၢ်လၢအမ့ၢ်ဝ့ၢ်အိၣ် လၢပှၢ်မုၢ်ကနၢ, လၢတၢ်လူၢ်ခိၣ်ထိးန့ၣ်လီၤ. လၢပှၤကးဖိအဒူၣ်အဂီၢ်န့ၣ်, ဝ့ၢ်ရၤမိးမ့ၢ်ဝ့ၢ်လၢအအိၣ်လၢကီၢ် ကံးလဧးလီၢ်ကဝီၤအပူၤန့ၣ်လီၤ. ဒီးလၢပှၤမနၤၡ့ၤဖိအဒူၣ်အဂီၢ်, မ့ၢ်ဝ့ၢ်ကိလၣ်အိၣ်ဝဲလၢကီၢ် ဘၤၡၣ်အလီၢ်ကဝီၤအပူၤန့ၣ်လီၤ.

လံာ်သိၣ်လီၤသီလီၤတၢ် 4:49

ကီၢ်န့ၣ်အိၣ်စ့ၢ်ကီးဒီးကယဲၢ်လီၢ်ကဝီၤလၢထံကျိယၢ်ဒ့ၣ် အမုၢ်ထီၣ်တခီ, ယံၤဝဲလၢကလံၤထံးတခီတုၤဆူပီၣ်လဲၣ်သံ, ဒီးလၢမုၢ်ထီၣ်တကပၤန့ၣ်တုၤဆူကစၢၢ်ပံးစကၤအခီၣ်ထံးန့ၣ်လီၤ.

လံာ်စီၤယိၤၡူ 13:16

အဝဲသ့ၣ်အထံအကီၢ်လဲၤတုၤလၢဧရိၤဧ့ၢ် (လၢအၢ်နိၣ်အတၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်အဝဲန့ၣ်အခၢၣ်သးဒီး ပၣ်ဃုာ်ဒီးတၢ်ပၢၤခိၣ်ထီၣ်ထီဝးတရံးမ့ဒဘၤလီၤ.

လံာ်စီၤယိၤၡူ 13:30

အတၢ်လီၢ်လဲၤတုၤဝဲလၢဝ့ၢ်မၤဃန့ၤ, ပၣ်ဃုာ်ဒီးဘၤၡၣ်ဒီကီၢ်, ဘၤၡၣ်အစီၤပၤစီၤဧိာ်အဘီမုၢ်ဒီဘ့ၣ်ညါဃုာ်ဒီးစီၤယၤအံၢ် အဝ့ၢ်အဖျၢၣ်ဃုဆံလၢကီၢ်ဘၤၡၣ်အပူၤန့ၣ်လီၤ.

လံာ်စီၤယိၤၡူ 13:31

ပၣ်ဃုာ်ဒီးကီၢ်ကံးလဧးတဝာ်, ဃုာ်ဒီးဧၤၡတြိးဒီးအ့ဒြံၤ, လၢအမ့ၢ်ဝ့ၢ်ခိၣ်တဖၣ်လၢစီၤပၤစီၤဧိာ်အဘီအမုၢ်လၢ ကီၢ်ဘၤၡၣ်အပူၤန့ၣ်လီၤ. တၢ်ခဲလၢာ်အံၤဘၣ်တၢ်ဟ့ၣ်လီၤအီၤဆူစီၤမနၤၡ့ၤအဖိခွါစီၤ မၤက့ၢ်အဖိအလံၤအဒူၣ်ဖိထၢဖိတဝာ်န့ၣ်လီၤ.