လံာ်သိၣ်လီၤသီလီၤတၢ် 29:9 - Sgaw Karen Common Bible

⁹ စူၢ်ကယဲၢ်တၢ်အၢၣ်လီၤအီလီၤအံၤအတၢ်ဂ့ၢ်တၢ်ကျိၤတဖၣ်လၢ တၢ်ပာ်လီၤအီၤန့ၣ်လၢတၢ်သူၣ်တီသးရၤအပူၤဒ်သိးသုကအိၣ်ဒီးတၢ်ကဲ ထီၣ်လိၣ်ထီၣ်လၢတၢ်ခဲလၢာ်လၢသုမၤအီၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 29:9 Iomraidhean Croise

လံာ်စီၤပၤအခီၣ်ထံးတဘ့ၣ် 2:3

ဒီးမၤတၢ်လၢယွၤ, နကစၢ်ယွၤမၤလိာ်နၤလၢနကဘၣ်မၤန့ၣ်တက့ၢ်. စူၢ်ကယဲၢ်အဝဲအတၢ်ဘူၣ်ထီၣ်ဘါထီၣ်အတၢ်သိၣ်တၢ်သီဒီးအတၢ်မၤလိာ် တဖၣ်လၢအအိၣ်ကွဲးအသးလၢစီၤမိၤၡ့အတၢ်သိၣ်တၢ်သီအလံာ်ပူၤဒ် သိးဖဲနလဲၤတၢ်တပူၤလၢ်လၢ်န့ၣ်, နကဘီၣ်ထီၣ်ညီထီၣ်လၢကယဲၢ်တၢ်လၢနမၤခဲလၢာ်အပူၤန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 20:13

ကယဲၢ်ပှၤပိာ်ခွါလၢကီၢ်ယူဒၤအပူၤခဲလၢာ်ဃုာ်ဒီးအမါတဖၣ်ဒီး အဖိတဖၣ်န့ၣ်, ဆၢထၢၣ်ဝဲဖဲန့ၣ်, လၢယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:21

အဝဲမၤတၢ်ကဲထီၣ်လိၣ်ထီၣ်ဝဲ, မ့ၢ်လၢကယဲၢ်တၢ်ကိးမံၤဒဲးလၢ အမၤတ့ၢ်ဝဲလၢယွၤအတၢ်လုၢ်ဟံၣ်အဂီၢ်မ့ၢ်ဂ့ၤ, လၢတၢ်လူၤပိာ်ထွဲယူဒၤအတၢ်သိၣ်တၢ်သီမ့ၢ်ဂ့ၤန့ၣ်, အဝဲမၤတ့ၢ်ဝဲအိၣ်ဒီးသးလၢအတီဝဲလၢလၢပှဲၤပှဲၤဒီးတၢ်ဟ့ၣ် လီၤအးလီၤသးဆူအကစၢ်ယွၤအစုပူၤအဃိန့ၣ်လီၤ.

စံးထီၣ်ပတြၢၤ 25:10

ပှၤလၢအပၢၤဃာ်ယွၤအတၢ်အၢၣ်လီၤဒီး ဒိကနၣ်အတၢ်မၤလိာ်တဖၣ်န့ၣ်, အဝဲဆှၢဝဲလၢတၢ်သးတီဒီးတၢ်အဲၣ်အပူၤန့ၣ်လီၤ.

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်သိၣ်လီၤသီလီၤတၢ် 29:10

တနံၤအံၤသုအိၣ်ဆၢထၢၣ်လၢယွၤ, သုကစၢ်ယွၤအမဲာ်ညါ, ကယဲၢ်သုဝဲခဲလၢာ်လၢအမ့ၢ်သုပှၤခိၣ်ပှၤနၢ်တဖၣ်ဒီးပဒိၣ်ပပှၢ်တဖၣ်, သုပှၤပိာ်ခွါတဖၣ်,

လံာ်သိၣ်လီၤသီလီၤတၢ် 31:12

ကိးဖှိၣ်ဃီၤကယဲၢ်ပှၤပိာ်ခွါတဖၣ်, ပှၤပိာ်မုၣ်တဖၣ်, ပှၤဖိသၣ်တဖၣ်ဒီးပှၤတခီဘီမုၢ်ဖိတဖၣ်လၢအအိၣ်ဝဲဆိးဝဲလၢ သုဝ့ၢ်တဖၣ်အပူၤ, ဒ်သိးပှၤကိးဂၤဒဲးကနၢ်ဟူဘၣ်တၢ်အံၤဒီးမၤလိန့ၢ်လၢကယူးယီၣ်ပာ်ကဲယွၤ, သုကစၢ်ယွၤဒီးကစူၢ်အဝဲ အတၢ်သိၣ်လိတဖၣ်လၢတၢ်သူၣ်တီသးရၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 4:6

စူၢ်အီၤလၢတၢ်သူၣ်တီသးရၤအပူၤ, ဒီးတၢ်အံၤကဒုးနဲၣ်ပှၤ ကလုာ်ဂၤအပှၤဂီၢ်မုၢ်တဖၣ်လၢသုကူၣ်တၢ်သ့ဆံးအါလဲၣ်န့ၣ်လီၤ. ဖဲအဝဲသ့ၣ်နၢ်ဟူဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤအဂ့ၢ်န့ၣ်အဝဲသ့ၣ်ကစံးဝဲ, (တၢ်ကူၣ်သ့ဒီးတၢ်သ့ၣ်ညါ နၢ်ပၢၢ်လၢအအိၣ်ဒီးပှၤကလုာ်ဖးဒိၣ်တကလုာ်အံၤ, မ့ၢ်တၢ်လၢအဒိၣ်နီၢ်မးလဲၣ်.)

လံာ်သိၣ်လီၤသီလီၤတၢ် 5:3

တမ့ၢ်ထဲဒၣ်ဆူဒီးပပၢ်တဖၣ်ဧိၤဘၣ်, မ့မ့ၢ်ဃုာ်ဒီးပဝဲကိးဂၤ ဒဲးလၢအအိၣ်မူမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 1:7

ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.

လံာ်စီၤယိၤၡူ 1:8

ပလီၢ်နသးလၢလံာ်တၢ်သိၣ်တၢ်သီအံၤကဘၣ်တၢ်ဖးအီၤထီ ဘိလၢသုတၢ်ဘူၣ်တၢ်ဘါအပူၤတက့ၢ်. မၤလိဆိကမိၣ်အီၤမုၢ်ဆါဆဲးလၢမုၢ်နၤ, ဒီးမၤလီၤတံၢ်လၢ နကစူၢ်တၢ်ကွဲးအသးလၢအပူၤကိးထံၣ်ဒဲးန့ၣ်တက့ၢ်. အန့ၣ်ဒီးနကဘီၣ်ထီၣ်ညီထီၣ်ဒီးနမၤတၢ်ခဲလၢာ်ကကဲထီၣ်လိၣ်ထီၣ် ဝဲလီၤ.

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.

လံာ်စီၤယိၤၡူ 8:35

စီၤယိၤၡူဖးထီၣ်စီၤမိၤၡ့အတၢ်မၤလိာ်ကိးထံၣ်ကိးဘီဒဲး လၢပှၤလၢအပာ်ဖှိၣ်သးခဲလၢာ်အမဲာ်ညါ, လၢအပၣ်ဃုာ်ဒီးပိာ်မုၣ်တဖၣ်ဒီးဖိသၣ်တဖၣ်, ဃုာ်ဒီးပှၤတခီဘီမုၢ်ဖိတဖၣ်လၢအအိၣ်လၢအဝဲသ့ၣ်အကျါန့ၣ်လီၤ.