လံာ်သိၣ်လီၤသီလီၤတၢ် 29:6 - Sgaw Karen Common Bible

⁶ ကိၣ်လၢသုကအီၣ်မ့ၢ်ဂ့ၤ, စပံးထံမ့တမ့ၢ်သံးလၢသုကအီမ့ၢ် ဂ့ၤတအိၣ်ဒီးသုဘၣ်. ဘၣ်ဆၣ်ယွၤမၤပှဲၤထီၣ်သုတၢ်လိၣ်တဖၣ်ဒ်သိးကသိၣ်လိသုလၢအဝဲ မ့ၢ်သုကစၢ်ယွၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 29:6 Iomraidhean Croise

လံာ်စီၤနဃ့မယၤ 9:15

တုၤတၢ်သၣ်ဝံၤအဝဲသ့ၣ်အသးဒီးနဟ့ၣ်အီၤကိၣ်လၢမူခိၣ်ဒီးတုၤ တၢ်သူအဝဲသ့ၣ်အသးလၢထံ ဒီးနဒုးဟဲထီၣ်ထံလၢလၢၢ်တဖျၢၣ်အပူၤန့ၣ်လီၤ. နတဲဘၣ်တ့ၢ်အဝဲသ့ၣ်လၢကပၢထံဧိၤကီၢ်ဧိၤ လၢနအၢၣ်လီၤတ့ၢ်လၢနကဟ့ၣ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 16:35

ပှၤအံၣ်စရ့လးဖိတဖၣ်အီၣ်ဝဲကိၣ်မၤနၤဆူညါအနံၣ်လွံၢ်ဆံတုၤ အဝဲသ့ၣ်လဲၤတုၤကီၢ်ကနၤဧၣ်, တၢ်လီၢ်ဖဲအဝဲသ့ၣ်သူၣ်လီၤဆီလီၤ အသးန့ၣ်လီၤ.

လံာ်တၢ်ဂံၢ် 16:14

နတလဲၤဆှၢဘၣ်ပှၤဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်အိၣ်ဝဲအပူၤ နီၢ်နီၢ်ဘၣ်. ဒီးနတဟ့ၣ်ပှၤစံာ်ပျီတဖၣ်ဒီးစပံးသၣ်အလီၢ်တဖၣ်ဒ်ပတၢ်န့ၢ်သါ အသိးဘၣ်. ဒီးခဲအံၤနကျဲးစၢးလၢနကလီန့ၢ်ပှၤလီၤ. ပတဟဲဘၣ်.”

လံာ်တၢ်ဂံၢ် 20:8

“ဟံးန့ၢ်နီၣ်ထိးဘိတဘိလၢအအိၣ်လၢတၢ်အၢၣ်လီၤအီလီၤ တလါအမဲာ်ညါဝံၤဒီးနဲဒၣ်ဒီးစီၤအၤဟရိၣ်ကိးဖှိၣ်ပှၤဂီၢ်မုၢ်ဒီ ဖုညါတက့ၢ်. ဖဲန့ၣ်လၢအဝဲသ့ၣ်ခဲလၢာ်အမဲာ်ညါန့ၣ်, ကတိၤတၢ်ဆူလ့လၢအအိၣ်ဖဲန့ၣ်အအိၣ်ဒီးထံကပုာ်ထီၣ်ယွၤလီၤလၢ အပူၤန့ၣ်လီၤ. လၢကျဲဒ်သိးအံၤန့ၣ်နကဒုးဖျိးထီၣ်ထံလၢလ့ အအိပူၤလၢပှၤဂီၢ်မုၢ်အဂီၢ်လၢအဝဲသ့ၣ်ဒီးအဆၣ်ဖိကီၢ်ဖိတဖၣ် ကအိဘၣ်ဝဲအဂီၢ်န့ၣ်လီၤ.”

1 ကရံၣ်သူး 10:4

ဒီးအီတၢ်ထံတခါဃီလၢအဘၣ်ဃးဒီးသးန့ၣ်လီၤ. အဝဲသ့ၣ်အီတၢ်လၢသးအလၢၢ်လၢအလဲၤဒီးအီၤတဖျၢၣ်န့ၣ် အပူၤ, ဒီးလၢၢ်န့ၣ် မ့ၢ်ခရံာ်အနီၢ်ကစၢ်ဒၣ်ဝဲလီၤ.

1 ကရံၣ်သူး 9:25

ပှၤလိာ်ကွဲဖိကိးဂၤဒဲး, ဖဲအမၤလ့ၤအသးအဆၢကတီၢ်န့ၣ်, ဟ့ၣ်လီၤအသးဆူတၢ်ဒိကနၣ်ဃံးဃံးဒ်သိးအကဘၣ်တၢ်ဒုးကုာ် ထီၣ်အီၤဖီကွီၤလၢအတအိၣ်ကၢအိၣ်ခိးဘၣ်တကွီၤလီၤ. မ့မ့ၢ်ပဝဲသ့ၣ် တဖၣ် ပမၤပဝဲလၢဖီကွီၤတကွီၤလၢအအိၣ်ကၢအိၣ်ခိးလီၤထူလီၤယိာ် အဂီၢ်န့ၣ်လီၤ.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

လံာ်သိၣ်လီၤသီလီၤတၢ် 2:33

ဘၣ်ဆၣ် ယွၤပကစၢ်ယွၤဒုးလီၤဘၣ်အီၤဆူ ပတၢ်စိတၢ်ကမိၤအပူၤ, ဒီးပမၤသံကွံာ်အီၤ, အဖိခွါတဖၣ်ဒီး အပှၤကညီတဖၣ်ခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 29:7

ဒီးဖဲပဟဲတုၤဃီၤဆူတၢ်လီၢ်အံၤန့ၣ်, ကီၢ်ဃ့ၡဘိၣ်အစီၤပၤစံ ဃိၣ်ဒီးကီၢ်ဘၤၡၣ်အစီၤပၤဧိာ်ဟဲထီၣ်ဒ်သိးကဒုးတၢ်ထီဒါပှၤ န့ၣ်လီၤ. ဘၣ်ဆၣ်ပမၤနၢၤကွံာ်အဝဲသ့ၣ်,

လံာ်သိၣ်လီၤသီလီၤတၢ် 3:3

မၤသးဒ်န့ၣ်ဒီး, ယွၤဟ့ၣ်လီၤကွံာ်စ့ၢ်ကီးစီၤပၤစီၤဧိာ်ဒီး အပှၤဂီၢ်မုၢ်ဆူပစုပူၤဒီးပကျီသံကွံာ်အီၤခဲလၢာ်လီၤ.

လံာ်သိၣ်လီၤသီလီၤတၢ် 3:6

ပမၤဟးဂီၤကွံာ်ဝ့ၢ်ခဲလၢာ်ဒီးမၤသံကွံာ်ကယဲၢ်ပှၤပိာ်ခွါ, ပှၤပိာ်မုၣ်ဒီးဖိသၣ်တဖၣ်, ဒ်သိးဒၣ်ပမၤတ့ၢ်အီၤလၢဝ့ၢ်တဖၣ် အပူၤလၢအဘၣ်ဃးဒီးဝ့ၢ်ဃ့ၡဘိၣ်အစီၤပၤစီၤစံဃိၣ်အသိးန့ၣ်လီၤ.

လံာ်သိၣ်လီၤသီလီၤတၢ် 8:3

အဝဲဒုးသူၣ်ဝံၤသၣ်စ့ၤသု, အန့ၣ်ဝံၤဒီးဟ့ၣ်လီၤကိၣ်မၤနၤလၢ သုကအီၣ်အဂီၢ်, တၢ်အီၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တအီၣ်တ့ၢ်ဘၣ် ဝဲလၢညါနီတစုဘၣ်န့ၣ်လီၤ. အဝဲမၤတ့ၢ်တၢ်အံၤဒ်သိးကသိၣ်သုလၢ, ပှၤကညီတမူဝဲထဲ လၢအအီၣ်ကိၣ်အဃိဧိၤဘၣ်. မ့မ့ၢ်မူဝဲလၢတၢ်အကလုၢ်ကထါလၢ အထီၣ်ဖျဲးလၢယွၤအထးခိၣ်ကိးထံၣ်ဒဲးန့ၣ်လီၤ.