လံာ်သိၣ်လီၤသီလီၤတၢ် 29:25 - Sgaw Karen Common Bible

²⁵ ဒီးတၢ်စံးဆၢကမ့ၢ်ဝဲ, တၢ်န့ၣ်မ့ၢ်လၢယွၤအပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤဒီးအီၤ, ယွၤ, လၢအမ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဖဲ အဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအခါအဃိန့ၣ်လီၤ.

လံာ်သိၣ်လီၤသီလီၤတၢ် 29:25 Iomraidhean Croise

လံာ်စီၤပၤအခီၣ်ထံးတဘ့ၣ် 9:8

ယွၤအတၢ်လုၢ်ဟံၣ်အံၤကကဲထီၣ်တၢ်ဟးဂီၤအပူၣ်တပူၣ်, ဒီးကယဲၢ်ပှၤတဂၤလၢ်လၢ်လၢအလဲၤခီဂာ်အီၤန့ၣ်ကသူၣ်ပျံၤသးဖုး ဒီးကမၢကမၣ်ဝဲဒီးကစံးဝဲ, ယွၤမၤကီၢ်အံၤဒီးယွၤအတၢ်လုၢ်ဟံၣ်အံၤဒ်သိးအံၤ, ဘၣ်မနုၤလဲၣ်.

လံာ်စီၤပၤအခီၣ်ထံးတဘ့ၣ် 9:9

ပှၤဂီၢ်မုၢ်ကစံးဆၢဝဲ, တၢ်အံၤ, မ့ၢ်လၢအဝဲသ့ၣ်ပာ်လီၤတဲာ်ကွံာ်ယွၤ, အဝဲသ့ၣ်အကစၢ်ယွၤလၢအထုးထီၣ်အဝဲသ့ၣ်အမိၢ်ပၢ်ဖံဖုလၢပျၢၤ တဖၣ်လၢကီၢ်အဲၤကူပတူးအပူၤအဃိန့ၣ်လီၤ. အဝဲသ့ၣ်ဟ့ၣ်လီၤတ့ၢ်အသးဆူတၢ်သးစဲဒီးကစၢ်အဂၤတဖၣ်ဒီးဘူၣ် ထီၣ်ဘါထီၣ်အဝဲသ့ၣ်န့ၣ်လီၤ. လၢတၢ်န့ၣ်အဃိ, ယွၤဒုးလီၤဘၣ်တၢ်တတၢးတနါဒ်သိးအံၤလၢအဝဲ သ့ၣ်အလိၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 17:15

အဝဲသ့ၣ်ဂ့ၢ်လိာ်လၢကစူၢ်အဝဲအတၢ်မၤလိာ်တဖၣ်, အဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢယွၤမၤဝဲ ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်တပာ်လ့ၢ်ပာ်ကါဘၣ်ယွၤအတၢ်ဟ့ၣ်ပလီၢ်တဖၣ်န့ၣ်ဘၣ်. အဝဲသ့ၣ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလုၢ်အပှ့ၤတအိၣ် ဒီးအနီၢ်ကစၢ်ဒၣ်ဝဲကဲထီၣ်ပှၤတဖၣ်လၢအလုၢ်အပှ့ၤတအိၣ်ဒီးအဝဲ သ့ၣ်ပိာ်ထွဲလုၢ်လၢ်တဖၣ်လၢအအိၣ်ဒီးပှၤကလုာ်တဖၣ်လၢအအိၣ်ဝး တရံးအီၤ, ဒီးတစူၢ်ဘၣ်ယွၤအတၢ်မၤလိာ်လၢအသု တမၤဒိးအဝဲသ့ၣ်တဖၣ်တဂ့ၤ, န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 17:9

ပှၤအံၣ်စရ့လးဖိတဖၣ်မၤတ့ၢ်တၢ်တဖၣ်လၢယွၤ, အဝဲသ့ၣ်အကစၢ်ယွၤတဘၣ်အသးန့ၣ်လီၤ. အဝဲသ့ၣ်ဘှီထီၣ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် အလီၢ်တဖၣ်လၢကယဲၢ်အဝဲသ့ၣ်အဝ့ၢ်ခဲလၢာ်အပူၤ, စးထီၣ်လၢသဝီအဆံးကတၢၢ်ဖိတုၤလီၤလၢဝ့ၢ်အဒိၣ်ကတၢၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:17

အဝဲသ့ၣ်ညိကွံာ်တ့ၢ်ယၤ, ဒီးလုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိထိၣ်ဂဲၤထီၣ်ယတၢ်သးကဲၤထီၣ်ခီဖျိ, တၢ်ခဲလၢာ်လၢအဝဲသ့ၣ်မၤတ့ၢ်ဝဲန့ၣ်လီၤ. ယတၢ်သးဒိၣ်ဘၣ်တၢ်ထိၣ်ဂဲၤအီၤထီဒါဝ့ၢ်ယရူၤၡလ့ၣ် ဒီးတလီၤပံာ်ဝဲဒၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 36:13

စီၤပၤစံးဒကံယၤပူထီၣ်ထီဒါစီၤပၤနဘူၤကးန့စၢ်, လၢအမၢဆူၣ်အီၤဒ်သိးအကဆိၣ်လီၤအသးလၢကစၢ်ယွၤအမံၤအပူၤ, လၢအဝဲကဘၣ်အိၣ်ဒီးတၢ်သူၣ်တီသးရၤန့ၣ်လီၤ. အဝဲဂ့ၢ်လိာ်ဝဲဆူၣ်ဆူၣ်ကလဲာ်လၢကပီၢ်ယၢ်လီၤက့ၤအသးဒီးဃၣ် က့ၤအသးဆူယွၤ, အံၣ်စရ့လးအကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 106:36

ကစၢ်ယွၤအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ် ဒီးတၢ်အံၤဒုးအိၣ်ထီၣ်အဝဲသ့ၣ် အတၢ်ဟးဂီၤန့ၣ်လီၤ.

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်ယၡါယၤ 65:11

မ့မ့ၢ်သုဝဲလၢအလဲၤသဒၣ်ယၤ, ပှၤလၢအတပာ်ကဲဘၣ် ယကစၢၢ်စီဆှံစံယိၣ်, ဒီးဘူၣ်ထီၣ်ဘါထီၣ်ကးဒီးမနံး, ကစၢ်တဖၣ်လၢအဟဲစိာ်တၢ်ဘူၣ်ဂ့ၤတီၢ်ဘၣ်ဒီးတၢ်ဟဲဝံဟဲစိာ်န့ၣ်, ကမ့ၢ်တၢ်လီၤဆီလၢအဂီၢ်လီၤ.

လံာ်ယံးရမံယၤ 16:11

အန့ၣ်ဒီးတဲဘၣ်အဝဲသ့ၣ်လၢယွၤစံးဝဲဒၣ်, သုမိၢ်ပၢ်ဖံဖုလၢ ပျၢၤတဖၣ်ဃၣ်ကွံာ်အသးလၢယၤဒီးဘူၣ်ထီၣ်ဘါထီၣ်ဒီးမၤကစၢ်အဂၤ တဖၣ်အတၢ်လီၤ. အဝဲသ့ၣ်ပာ်လီၤတဲာ်ကွံာ်ယၤ, ဒီးတစူၢ်ဘၣ်ယတၢ်သိၣ်လိသီလိတဖၣ်ဘၣ်.

လံာ်ယံးရမံယၤ 22:8

တၢ်န့ၣ်အလီၢ်ခံ, ပှၤတခီဘီမုၢ်ဖိအါဂၤကလဲၤခီဂာ်တၢ်ဒီး သံကွၢ်လိာ်သးတဂၤဒီးတဂၤ, ဘၣ်မနုၤအဃိလၢယၤ, ယွၤအံၤ, ယမၤဘၣ်တ့ၢ်ဝ့ၢ်ဖးဒိၣ်အံၤလၢတၢ်ဒ်သိးအံၤတမံၤလဲၣ်န့ၣ်လီၤ.

လံာ်ယံးရမံယၤ 22:9

အန့ၣ်ဒီး, အဝဲသ့ၣ်ကစံးဆၢဝဲဒၣ်လၢ, တၢ်အံၤမ့ၢ်လၢနၤလဲၤ သဒၣ်ကွံာ်နတၢ်အၢၣ်လီၤအီလီၤဒီးယၤ, နကစၢ်ယွၤဒီးဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ် အဃိန့ၣ်လီၤ.”

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ယံးရမံယၤ 44:3

အဂ့ၢ်ဒ်အံၤ, အဝဲသ့ၣ်အပှၤဂီၢ်မုၢ် မၤတ့ၢ်တၢ်အၢတၢ်သီ ဒီး မၤသးဒိၣ်ထီၣ်တ့ၢ်ယၤအဃိလီၤ. အဝဲသ့ၣ် လုၢ်ထီၣ် တ့ၢ်တၢ်ဆူ ကစၢ်အဂၤတဖၣ်ဒီး မၤတ့ၢ်ကစၢ်တဖၣ်လၢ အဝဲသ့ၣ်မ့ၢ်ဂ့ၤ, သုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ် ဂ့ၤတဘူၣ်ထီၣ်ဘါထီၣ်နီတဘျီနီတစုဘၣ် အတၢ်မၤန့ၣ်လီၤ.

လံာ်ယံးရမံယၤ 50:7

အဝဲသ့ၣ်ဘၣ်တၢ်ဒုးအီၤလၢပှၤလၢအထံၣ်န့ၢ်အီၤခဲလၢာ်လီၤ. အဝဲသ့ၣ်အဒုၣ်အဒါတဖၣ် စံးဝဲလၢ, အဝဲသ့ၣ်မၤတ့ၢ်တၢ်ဒဲးဘး ထီဒါယွၤအဃိ, တၢ်လၢပမၤတ့ၢ်န့ၣ်တကမၣ်ဘၣ်. အဝဲသ့ၣ်အမိၢ်ပၢ်ဖံဖုလၢပျၢၤတဖၣ် နာ်ယွၤဒီးအဝဲသ့ၣ် အကစၢ်ဒၣ်ဝဲစ့ၢ်ကီး ကြၢးသးတီတ့ၢ်ဒံးဒီးအီၤန့ၣ်လီၤ.

လံာ်သိၣ်လီၤသီလီၤတၢ် 29:26

အဝဲသ့ၣ်မၤတ့ၢ်ကစၢ်အဂၤတဖၣ်လၢအဝဲသ့ၣ်တဘါထီၣ်တ့ၢ်ဘၣ်လၢပျၢၤ နီတစုအတၢ်, ကစၢ်တဖၣ်လၢ, ယွၤတြီတ့ၢ်အဝဲသ့ၣ်လၢကဘူၣ်ထီၣ်ဘါထီၣ်ဝဲန့ၣ်လီၤ.

ဧ့ၤဘြံၤ 8:9

တမ့ၢ်ဘၣ်ဒ်တၢ်အၢၣ်လီၤအီလီၤလၢယမၤတ့ၢ်ဒီး အဝဲသ့ၣ်အပၢ်တဖၣ် ဖဲမုၢ်နံၤလၢယဟံးအဝဲသ့ၣ်အစုဒီးထုးထီၣ်အဝဲသ့ၣ် လၢကီၢ်အဲၤကူပတူးအပူၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်တဟံးဃာ် ယတၢ်အၢၣ်လီၤအီလီၤဘၣ်. ဒီးမ့ၢ်လၢတၢ်န့ၣ်အဃိ ယတကနၣ်ဃုာ်အဝဲသ့ၣ်ဘၣ်, ကစၢ်စံးဝဲဒၣ်.