လံာ်သိၣ်လီၤသီလီၤတၢ် 29:2 - Sgaw Karen Common Bible

² စီၤမိၤၡ့ကိးဖှိၣ်ဃီၤကယဲၢ်ကီၢ်အံၣ်စရ့လးအပှၤဂီၢ်မုၢ်ခဲ လၢာ်ဒီးစံးဘၣ်အဝဲသ့ၣ်, “တၢ်လၢယွၤမၤတ့ၢ်အီၤဆူကီၢ်အဲၤကူပတူးအစီၤပၤ, ဆူအပဒိၣ်ပပှၢ်တဖၣ်, ဒီးဆူအထံအကီၢ်ဒီတဘ့ၣ်ညါန့ၣ်, သုထံၣ်တ့ၢ်အီၤလၢသုနီၢ်ကစၢ်ဒၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 29:2 Iomraidhean Croise

လံာ်တၢ်ဟးထီၣ်ကွံာ် 19:4

“သုထံၣ်လံယၤ, ယွၤအံၤမၤတ့ၢ်ပှၤအဲၤကူပတူးဖိတဖၣ်ဒ်လဲၣ် ဒီးယစိာ်ထီၣ်တ့ၢ်သုဒ်သိးလံာ်ကြီကြာ်အမိၢ်တဘ့ၣ်စိာ်အဖိလၢ အဒံးဆ့တဖၣ်အလိၤဒီးဟဲစိာ်သုဆူယအိၣ်ဖဲအံၤဒ်လဲၣ်န့ၣ်လီၤ.

လံာ်တၢ်ဟးထီၣ်ကွံာ် 8:12

ဒီးစီၤမိၤၡ့ဒီးစီၤအၤဟရိၣ်ဟးထီၣ်ကွံာ်လၢစီၤပၤအအိၣ်, ဒီးစီၤမိၤၡ့ဃ့ကညးယွၤလၢကဒုးဟးထီၣ်ကွံာ်ဒ့ၣ်ဧိၤကွီၣ် ဧိၤတဖၣ်လၢစီၤပၤအအိၣ်န့ၣ်လီၤ.

လံာ်ယၡါယၤ 42:20

ကီၢ်အံၣ်စရ့လးဧၢ, နထံၣ်တ့ၢ်တၢ်အါမးလံ. ဘၣ်ဆၣ်တၢ်အံၤအခီပညီအိၣ်လၢနဂီၢ်ဒ်လဲၣ်. နအိၣ်ဒီးနနၢ်တဖၣ်လၢနကနၢ်ဟူတၢ်အဂီၢ်, ဘၣ်ဆၣ်ဒီးတၢ်လၢနနၢ်ဟူတ့ၢ်နီၢ်နီၢ်န့ၣ် မ့ၢ်တၢ်မနုၤလဲၣ်.”

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

လံာ်သိၣ်လီၤသီလီၤတၢ် 11:7

မ့ၢ်လီၤ. သုမ့ၢ်ပှၤတဖၣ်လၢအထံၣ်ဘၣ်တ့ၢ်တၢ်မၤအဒိၣ်အမုၢ်တဖၣ် အံၤလၢယွၤမၤတ့ၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်သိၣ်လီၤသီလီၤတၢ် 29:3

သုထံၣ်တ့ၢ်တၢ်ဆါသံသတြိာ်လီၤပျံၤလီၤဖုးတဖၣ်, တၢ်ပနီၣ်လီၤလးတဖၣ်ဒီးတၢ်လီၤကမၢကမၣ်ဖးဒိၣ်တဖၣ်လၢယွၤမၤတ့ၢ်ဝဲန့ၣ်လီၤ.

လံာ်စီၤယိၤၡူ 24:17

ယွၤပကစၢ်ယွၤမ့ၢ်ပှၤလၢအဒုးဟဲထီၣ်ပှၤလၢတၢ်ကဲကုၢ်လၢကီၢ်အဲၤကူပတူးအပူၤ, ဒီးပထံၣ်ဘၣ်တၢ်လီၤလးတဖၣ်လၢအမၤဝဲန့ၣ်လီၤ. အဝဲကဟုဘံၣ်ကယာ်ဘၢပှၤဖဲပလဲၤခီဖျိတၢ်လၢပှၤကလုာ်ခဲ လၢာ်အကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:24

စူၢ်ယွၤဒီးမၤအတၢ်မၤလၢတၢ်သူၣ်တီသးလိၤအပူၤလၢသုသးဒီဖျၢၣ်ညါတက့ၢ်. သ့ၣ်နီၣ်တၢ်မၤဖးဒိၣ်လၢအဝဲမၤတ့ၢ်ဝဲလၢသုဂီၢ်တက့ၢ်.