လံာ်သိၣ်လီၤသီလီၤတၢ် 29:16 - Sgaw Karen Common Bible

¹⁶ သုသ့ၣ်နီၣ်ထီၣ်လၢတၢ်အိၣ်မူလၢကီၢ်အဲၤကူပတူးအပူၤမ့ၢ်တၢ်ဒ်လဲၣ်, ဒီးတၢ်လဲၤတၢ်က့ၤခီဖျိပှၤကလုာ်ဂၤတဖၣ်အလီၢ်ကဝီၤမ့ၢ်တၢ်ဒ် လဲၣ်န့ၣ်လီၤ.

လံာ်သိၣ်လီၤသီလီၤတၢ် 29:16 Iomraidhean Croise

လံာ်ယဃ့းစက့လး 20:7

ယတဲဘၣ်တ့ၢ်အဝဲသ့ၣ်လၢကစူးကွံာ်ညိကွံာ်တၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢလၢအဝဲသ့ၣ်အဲၣ်ဝဲဒီးသုတမၤဘၣ်အၢအသးဒီးကီၢ် အဲၤကူပတူးအယွၤတဖၣ်လၢအကဘျံးကဘျၣ်န့ၣ်တဂ့ၤ. ယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 2:19

အန့ၣ်တစု, သုကဘူးထီၣ်ဒီးပှၤဧၣ်မိၣ်ဖိတဖၣ်, လၢအမ့ၢ်စီၤလိာ်အစၢၤအသွဲၣ်တဖၣ်အကီၢ်န့ၣ်လီၤ. မၤကီမၤခဲအဝဲသ့ၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ, ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယတဟ့ၣ်ဘၣ်သုလၢကီၢ်လၢယဟ့ၣ်လီၤတ့ၢ်အဝဲသ့ၣ်န့ၣ်နီတစဲးဘၣ်.

လံာ်သိၣ်လီၤသီလီၤတၢ် 2:24

ဖဲပခီဂာ်ကီၢ်မိၤအးဝံၤန့ၣ်, ယွၤစံးဘၣ်ပှၤ, ခဲအံၤစးထီၣ်လဲၤတၢ်ဒီး ခီဂာ်ထံကျိာ်အၢ်နိၣ်တက့ၢ်, ယဟ့ၣ်လီၤပှၤအမိၢ်ဖိလၢ ဝ့ၢ်ဃ့ၡဘိၣ်အစီၤပၤစံဃိၣ်ဃုာ်ဒီး အထံအကီၢ်ဆူသုတၢ်စိတၢ်ကမီၤအပူၤလံ. ဒုးတၢ်ထီဒါအီၤဒီး စးထီၣ်ဟံးန့ၢ်ကွံာ်အထံအကီၢ်တက့ၢ်.

လံာ်သိၣ်လီၤသီလီၤတၢ် 2:4

အဝဲတဲဘၣ်ယၤလၢယကဟ့ၣ်လီၤသုတၢ်သိၣ်လိနဲၣ်ယုၤတဖၣ်ဒ်လၢလာ် အံၤအသိးန့ၣ်လီၤ. ဘူးထီၣ်လၢသုကလဲၤခီဂာ်ဘၣ်ကီၢ်အဒိၣ်လၢအပှဲၤဒီးတၢ်လူၢ်တၢ်တြီၤ, လၢအမ့ၢ်စီၤဧ့ၡီၤအစၢၤအသွဲၣ်တဖၣ်, သုဘူးသုတံၢ်လၢသုတသ့ၣ်ညါသ့ၣ်ခိးအီၤအလီၢ်ကဝီၤန့ၣ်လံ. အဝဲသ့ၣ်ကပျံၤဘၣ်ဖုးဘၣ်သု,

လံာ်သိၣ်လီၤသီလီၤတၢ် 2:9

ယွၤစံးဘၣ်ယၤ, မၤကီမၤခဲပှၤဂီၢ်မုၢ်လၢကီၢ်မိၤအး, လၢအမ့ၢ်စီၤလိာ်အစၢၤအသွဲၣ်တဖၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. ယဟ့ၣ်လီၤတ့ၢ်အဝဲသ့ၣ်လၢဝ့ၢ်ဧၢ်, ဒီးယတဟ့ၣ်သုလၢအဝဲသ့ၣ်အကီၢ် နီတစဲးဘၣ်.

လံာ်သိၣ်လီၤသီလီၤတၢ် 29:15

အဝဲမၤတၢ်န့ၣ်ဒီးကယဲၢ်ပဝဲခဲလၢာ်လၢတနံၤအံၤဆၢထၢၣ်ဖဲအံၤ, လၢအဝဲအမဲာ်ညါဒီးမ့ၢ်စ့ၢ်ကီးလၢပစၢၤပသွဲၣ်တဖၣ်လၢတအိၣ် ဖျဲၣ်ထီၣ်ဒံးဘၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 29:17

သုထံၣ်ဘၣ်တ့ၢ်အဝဲသ့ၣ်အတၢ်ဂီၤတၢ်ဖီၣ်လီၤသးဘၣ်အၢတဖၣ်လၢအဘၣ်တၢ်ဘှီအီၤလၢသ့ၣ်, လၢၢ်, စ့ဒီးထူန့ၣ်လီၤ.