လံာ်သိၣ်လီၤသီလီၤတၢ် 29:15 - Sgaw Karen Common Bible

¹⁵ အဝဲမၤတၢ်န့ၣ်ဒီးကယဲၢ်ပဝဲခဲလၢာ်လၢတနံၤအံၤဆၢထၢၣ်ဖဲအံၤ, လၢအဝဲအမဲာ်ညါဒီးမ့ၢ်စ့ၢ်ကီးလၢပစၢၤပသွဲၣ်တဖၣ်လၢတအိၣ် ဖျဲၣ်ထီၣ်ဒံးဘၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 29:15 Iomraidhean Croise

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်ယံးရမံယၤ 50:5

အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.

မၤတၢ် 2:39

ကစၢ်ယွၤအတၢ်အၢၣ်လီၤအီလီၤအံၤမ့ၢ်ဝဲလၢသုဂီၢ်ဒီးလၢ သုဖိသုလံၤအဂီၢ်, ဒီးကယဲၢ်ပှၤအိၣ်လၢထံယံၤကီၢ်ယံၤတဖၣ်ခဲလၢာ် အဂီၢ်, ပှၤခဲလၢာ်လၢပကစၢ်ယွၤကိးန့ၢ်ဆူအအိၣ်န့ၣ်လီၤ.”

1 ကရံၣ်သူး 7:14

အဂ့ၢ်ဒ်အံၤ, ဝၤလၢအတစူၢ်က့ၤနာ်က့ၤတၢ်တဂၤဘၣ်တၢ်ကတဲာ်ကတီၤအီၤဒ်သိး အကဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤအမဲာ်ညါ ခီဖျိတၢ်ပာ်ဖှိၣ်ဃုာ်အီၤဒီးအမါ, ဒီးအမါလၢအတစူၢ်တနာ်တၢ်တဂၤဘၣ်တၢ်ကတဲာ်ကတီၤအီၤဒ်သိး အကဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤအမဲာ်ညါ ခီဖျိတၢ်ပာ်ဖှိၣ်ဃုာ်အီၤဒီးအဝၤ, ပှၤခရံာ်ဖိတဂၤန့ၣ်လီၤ. မ့တမ့ၢ်ဒ်န့ၣ်ဘၣ်ဒီး, အဝဲသ့ၣ်အဖိအလံၤတဖၣ်ကလီၤဂာ်ဒ်ပှၤသူခိၣ်ဖိအဖိအလံၤ အသိးလီၤ. ဘၣ်ဆၣ်ဒီး, ဒ်တၢ်မၤအသးအသိးန့ၣ်, အဝဲသ့ၣ်ဘၣ်တၢ်တူၢ်လိာ်ပာ်တီပာ်လိၤအီၤလၢကစၢ်ယွၤ အမဲာ်ညါလီၤ.

လံာ်သိၣ်လီၤသီလီၤတၢ် 29:16

သုသ့ၣ်နီၣ်ထီၣ်လၢတၢ်အိၣ်မူလၢကီၢ်အဲၤကူပတူးအပူၤမ့ၢ်တၢ်ဒ်လဲၣ်, ဒီးတၢ်လဲၤတၢ်က့ၤခီဖျိပှၤကလုာ်ဂၤတဖၣ်အလီၢ်ကဝီၤမ့ၢ်တၢ်ဒ် လဲၣ်န့ၣ်လီၤ.

လံာ်သိၣ်လီၤသီလီၤတၢ် 5:3

တမ့ၢ်ထဲဒၣ်ဆူဒီးပပၢ်တဖၣ်ဧိၤဘၣ်, မ့မ့ၢ်ဃုာ်ဒီးပဝဲကိးဂၤ ဒဲးလၢအအိၣ်မူမုၢ်မဆါတနံၤအံၤန့ၣ်လီၤ.