လံာ်သိၣ်လီၤသီလီၤတၢ် 28:8 - Sgaw Karen Common Bible

⁸ ယွၤ, သုကစၢ်ယွၤကဆိၣ်ဂ့ၤသုတၢ်မၤဒီးမၤပှဲၤသုသိၣ်ဧိၤဖီ ဧိၤဒီးသုဘုသၣ်ဘုချံဒီးအဝဲကဆိၣ်ဂ့ၤသုလၢကီၢ်လၢအဝဲ ဟ့ၣ်လီၤသုအပူၤန့ၣ်လီၤ.

လံာ်သိၣ်လီၤသီလီၤတၢ် 28:8 Iomraidhean Croise

လံာ်စီၤပၤခံဘ့ၣ်တဘ့ၣ် 6:27

ကီၢ်အံၣ်စရ့လးအစီၤပၤစံးဆၢဝဲဒၣ်, “ယွၤမ့ၢ်, တမၤစၢၤနၤဘၣ်ဒီးယဟ့ၣ်မၤစၢၤနၤမနုၤကသ့န့ၣ်လဲၣ်. မ့ၢ်ယအိၣ်ဒီးဘုကၠူၣ်မ့ၢ်ဂ့ၤစပံးထံမ့ၢ်ဂ့ၤတမံၤမံၤန့ၣ် ဧါ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 128:2

နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

စံးထီၣ်ပတြၢၤ 133:3

မၤသးဒ်ကစၢၢ်ဃ့ၤရမိၣ်အပစီၤထံ လၢအလီၤဘၣ်လၢစံယိၣ်အကစၢၢ်ကလိအလိၤ အသိးန့ၣ်လီၤ. အဂ့ၢ်ဒ်အံၤ, ယွၤမၤလိာ်တၢ်ဆိၣ်ဂ့ၤ, တၢ်မူအထူအယိာ်ဖဲန့ၣ်လီၤ.

စံးထီၣ်ပတြၢၤ 144:13

မ်ပသိၣ်ဧိၤဖီဧိၤပှဲၤဝဲဒီး တၤသူတၤသၣ်ကိးကလုာ်ဒဲး မ်ပသိကဖှံလီၤအဒုအကထိတဖၣ်, ဒီးအကလးတဖၣ်လၢပပျီပူၤ,

စံးထီၣ်ပတြၢၤ 42:8

ယွၤပာ်ဖျါအတၢ်အဲၣ်ဂၢၢ်ကျၢၤလၢမုၢ်နံၤအကတီၢ် ဒ်သိးတၢ်သးဝံၣ်ကအိၣ်ဒီးယၤလၢမုၢ်နၤ, တၢ်ထုကဖၣ်ဆူယသးသမူ အကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 44:4

နမ့ၢ်ယစီၤပၤဒီးယကစၢ်ယွၤ, နဟ့ၣ်တၢ်မၤနၢၤလၢ နအပှၤဂီၢ်မုၢ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:21

ယွၤကဆိၣ်ဂ့ၤထံကီၢ်လၢဃုနံၣ်တနံၣ်အတီၢ်ပူၤဒ်သိးအကဟ့ၣ်ထီၣ်တၢ်အီၣ်လၢကလၢဝဲသၢနံၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 26:10

သုဘုဧိၤဟုဧိၤတဖၣ်ကအိၣ်အါအါကလဲာ်တုၤဒၣ်လဲာ်သုအီၣ်အီၤ ဒီတနံၣ်ညါတလၢာ်ဘၣ်အဃိသုကဘၣ်စူးကွံာ်အီၤဒ်သိးသုကပာ်ဖှိၣ် က့ၤသုဘုဧိၤဟုဧိၤအသီတဖၣ်အဂီၢ်န့ၣ်လီၤ.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

လံာ်မးသဲ 13:30

ပျဲအဝဲသ့ၣ်ခံကလုာ်လၢာ်ဒိၣ်ထီၣ်တပူၤဃီတက့ၢ်. တုၤကူးဘုအကတီၢ်ဘၣ်ဒီးယကစံးဘၣ်ပှၤကူးဘုဖိတဖၣ်လၢ အကထဲးထီၣ်ဆိနီၣ်စံစၣ်, စၢကဒိၣ်အီၤတကဒိၣ်ဘၣ်တကဒိၣ် ဒီးဆူးထီၣ်ကွံာ်အီၤလၢမ့ၣ်အူအပူၤလီၤ. မ့မ့ၢ်ဘုဧိၤဟုဧိၤန့ၣ်ယကမၢအထၢဖှိၣ်ဝဲဒီးဂၢ်ဖှိၣ်လၢယဖီပူၤလီၤ.’ ”

လံာ်မးသဲ 6:26

ကွၢ်ထိၣ်ဖိလံာ်ဖိလၢတၢ်ဖးဖီတဖၣ်တက့ၢ်. အဝဲသ့ၣ်တဖှံတၢ်ချံဘၣ်. တကူးတၢ်ဘၣ်ဒီးတဂၢ်ဖှိၣ်တၢ်လၢသိၣ်ပူၤဖီပူၤဘၣ်. ဘၣ်ဆၣ်ဒီးသုပၢ်အိၣ်လၢမူခိၣ်အံးထွဲကွၢ်ထွဲလုၢ်အီၣ်လုၢ်အီအဝဲသ့ၣ်လီၤ. သုဝဲဒၣ်အံၤသုလုၢ်ဒိၣ်ပှ့ၤဒိၣ်အါန့ၢ်အဝဲသ့ၣ်တမ့ၢ်ဘၣ်ဧါ.

လံာ်လူၤကၣ် 12:18

အဝဲဒၣ်စံးလီၤက့ၤအသး, ‘ယကမၤယဲဒ်အံၤလီၤ. ယကမၤလီၤပှီၢ်ကွံာ်ယဘုသိၣ်ဘုဖီတဖၣ်ဒီးဘှီထီၣ်က့ၤယဲ အဂၤလၢအဒိၣ်န့ၢ်အလီၢ်တက့ၢ်, ဖဲယကဂၢ်ဖှိၣ်ပာ်ယဘုဧိၤဟုဧိၤဒီးယတၢ်ဖိတၢ်လံၤခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 15:10

ဟ့ၣ်အီၤတၢ်လၢတၢ်သဘျ့ဒီးလၢတၢ်တအဲၣ်လီၤသးအပူၤ, ဒီးယွၤကဆိၣ်ဂ့ၤသုလၢကယဲၢ်တၢ်လၢသုမၤအီၤခဲလၢာ်အပူၤန့ၣ်လီၤ.

လံာ်သိၣ်လီၤသီလီၤတၢ် 15:4

ယွၤသုကစၢ်ယွၤကဆိၣ်ဂ့ၤသုလၢကီၢ်တဘ့ၣ်လၢအဟ့ၣ်လီၤသု အပူၤန့ၣ်လီၤ. ပှၤတဖှီၣ်ဘၣ်ယာ်ဘၣ်လၢသုပှၤဂီၢ်မုၢ်အကျါနီ တဂၤဘၣ်.

လံာ်သိၣ်လီၤသီလီၤတၢ် 28:20

သုမ့ၢ်မၤတၢ်အၢဒီးစူးကွံာ်ညိကွံာ်ယွၤန့ၣ်, အဝဲကဒုးလီၤဘၣ်တၢ်တတၢးတနါ, တၢ်သဘံၣ်ဘုၣ်လၢသုလိၤဒီးတၢ် ကိၢ်တၢ်ဂီၤလၢတၢ်တမံၤလၢ်လၢ်လၢသုမၤအီၤအပူၤလီၤ.

လံာ်သိၣ်လီၤသီလီၤတၢ် 28:7

ယွၤကမၤနၢၤကွံာ်သုဒုၣ်သုဒါတဖၣ်ဖဲအဝဲသ့ၣ်ဟဲထီၣ်ဒုးသု န့ၣ်လီၤ. အဝဲသ့ၣ်ကဟဲထီၣ်ဒုးသုထဲလၢကျိၤကျဲတကျိၤဧိၤ, ဘၣ်ဆၣ်အဝဲသ့ၣ်ကဃ့ၢ်ကွံာ်လၢသုအိၣ်လၢကျိၤကျဲခဲလၢာ်အပူၤ န့ၣ်လီၤ.