လံာ်သိၣ်လီၤသီလီၤတၢ် 28:7 - Sgaw Karen Common Bible

⁷ ယွၤကမၤနၢၤကွံာ်သုဒုၣ်သုဒါတဖၣ်ဖဲအဝဲသ့ၣ်ဟဲထီၣ်ဒုးသု န့ၣ်လီၤ. အဝဲသ့ၣ်ကဟဲထီၣ်ဒုးသုထဲလၢကျိၤကျဲတကျိၤဧိၤ, ဘၣ်ဆၣ်အဝဲသ့ၣ်ကဃ့ၢ်ကွံာ်လၢသုအိၣ်လၢကျိၤကျဲခဲလၢာ်အပူၤ န့ၣ်လီၤ.

လံာ်သိၣ်လီၤသီလီၤတၢ် 28:7 Iomraidhean Croise

လံာ်စီၤပၤခံဘ့ၣ်တဘ့ၣ် 7:5

တုၤနုၤတစု, ဖဲတၢ်စးထီၣ်ခံးလီၤဝဲန့ၣ်, အဝဲသ့ၣ်လဲၤဆူ ပှၤစူၤရံဖိသူၣ်ဒဲအလီၢ်, ဘၣ်ဆၣ်ဖဲအဝဲသ့ၣ်လဲၤတုၤဝဲန့ၣ်, ပှၤတအိၣ်ဖဲန့ၣ်နီတဂၤလၢၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 19:4

စီၤပၤယဟိၡၤဖးမ့ၢ်အိၣ်ဝဲဆိးဝဲလၢဝ့ၢ်ယရူၤၡလ့ၣ်အပူၤဒၣ် လဲာ်, အဝဲလဲၤတၢ်က့ၤတၢ်တဘျီဘၣ်တဘျီလၢပှၤဂီၢ်မုၢ်အကျါစးထီၣ်လၢ ဝ့ၢ်ဘ့ၤၡဘၤလၢကလံၤထံးတခီ, တုၤဆူအ့ဖရဲၣ်အကစၢၢ်ကလိအကီၢ်အကတၢၢ်လၢကလံၤစိးတခီ, ဒ်သိးကကိးကဒါက့ၤပှၤဂီၢ်မုၢ်ဆူယွၤ, မိၢ်ပၢ်ဖံဖုလၢပျၢၤ တဖၣ်အကစၢ်ယွၤအအိၣ်အဂီၢ်န့ၣ်လီၤ.

စံးထီၣ်ပတြၢၤ 18:38

ယကျီကွံာ်အဝဲသ့ၣ်ဒီးဂဲၤဆၢထၢၣ်က့ၤတန့ၢ်ဘၣ်. အဝဲသ့ၣ်လီၤဃံၤဝဲလၢယခီၣ်အဖီလာ်လီၤ.

စံးထီၣ်ပတြၢၤ 89:23

ယကမၤဟးဂီၤအဒုၣ်အဒါလၢအမဲာ်ညါ ဒီးယကမၤလီၤဃံၤပှၤလၢအသးဟ့အီၤလီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 28:6

ယွၤကဆိၣ်ဂ့ၤတၢ်ကိးမံၤဒဲးလၢသုမၤအီၤန့ၣ်လီၤ.

လံာ်သိၣ်လီၤသီလီၤတၢ် 28:8

ယွၤ, သုကစၢ်ယွၤကဆိၣ်ဂ့ၤသုတၢ်မၤဒီးမၤပှဲၤသုသိၣ်ဧိၤဖီ ဧိၤဒီးသုဘုသၣ်ဘုချံဒီးအဝဲကဆိၣ်ဂ့ၤသုလၢကီၢ်လၢအဝဲ ဟ့ၣ်လီၤသုအပူၤန့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်စီၤယိၤၡူ 23:10

ပှၤလၢသုကျါတဂၤဒုးဃ့ၢ်ပှၤအဂၤတကထိသ့လီၤ. အဂ့ၢ်မ့ၢ်လၢယွၤသုကစၢ်ယွၤဒုးတၢ်လၢသုဂီၢ်ဒ်အအၢၣ်လီၤတ့ၢ်ဝဲအသိးအဃိန့ၣ်လီၤ.

လံာ်စီၤယိၤၡူ 8:22

ပှၤအံၣ်စရ့လးဖိလၢဝ့ၢ်ပူၤတဖၣ်ဟးထီၣ်ဒီးဒုးတၢ်စ့ၢ်ကီးန့ၣ်လီၤ. သတးဒီးပှၤဝ့ၢ်ဂဲဖိတဖၣ်ထံၣ်ဘၣ်ဝဲလၢအဘၣ်တၢ်ကဝီၤဃာ်အီၤလၢ ပှၤအံၣ်စရ့လးဖိတဖၣ်ဒီးအဝဲသ့ၣ်ဘၣ်တၢ်မၤသံကွံာ်အီၤခဲလၢာ် န့ၣ်လီၤ. ပှၤတပူၤဖျဲးနီတဂၤဒီးပှၤတအိၣ်လီၤတဲာ်နီတဂၤဘၣ်န့ၣ်လီၤ.