လံာ်သိၣ်လီၤသီလီၤတၢ် 28:68 - Sgaw Karen Common Bible

⁶⁸ ယွၤမ့ၢ်တစံးတ့ၢ်လၢကဆှၢကဒါက့ၤကဒီးသုဆူကီၢ်အဲၤကူပတူး ဒၣ်လဲာ်, အဝဲကဆှၢကဒါက့ၤသုဖဲန့ၣ်လၢကဘီတဖၣ်အပူၤလီၤ. ဖဲန့ၣ်သုကကျဲးစၢးဆါလီၤကွံာ်သုသးဆူသုဒုၣ်သုဒါတဖၣ် အစုပူၤဒ်ကုၢ်တဖၣ်အသိး, ဘၣ်ဆၣ်ပှၤလၢကအဲၣ်ဒိးပှ့ၤသု တအိၣ်ဘၣ်နီတဂၤဘၣ်.”

လံာ်သိၣ်လီၤသီလီၤတၢ် 28:68 Iomraidhean Croise

လံာ်စီၤနဃ့မယၤ 5:8

ဒီးယစံးဘၣ်အဝဲသ့ၣ် “ဖဲပမၤသ့ဝဲအသိးန့ၣ်ပပှ့ၤက့ၤလံ ပဒီပုၢ်ဝဲၢ်သ့ၣ်တဖၣ်လၢအဆါလီၤအသးဆူပှၤကလုာ်ဂၤန့ၣ်လီၤ. ဒီးခဲကနံၣ်အံၤသုမၤဆူၣ်သုဒီပုၢ်ဝဲၢ်သ့ၣ်တဖၣ်လၢကဆါလီၤ အသးလၢသုပှၤယူဒၤဖိကဒဲကဒဲန့ၣ်လီၤ.” ဒီးပှၤခိၣ်ပှၤနၢ်တဖၣ်အိၣ်ဘှီၣ်ဝဲဒီးစံးတၢ်တသ့နီတမံၤဘၣ်န့ၣ်လီၤ.

လံာ်နီၢ်အ့ၤစတၢ် 7:4

ယၤဒီးယပှၤဂီၢ်မုၢ်ဘၣ်တၢ်ဆါလီၤကွံာ်အီၤလၢတၢ်မၤသံ အဂီၢ်န့ၣ်လီၤ. တၢ်န့ၣ်မ့ၢ်တအၢန့ၢ်ဒံးတၢ်ဆါလီၤကွံာ် ဆူတၢ်ကဲကုၢ်အပူၤဘၣ်ဒီး, ယကအိၣ်ဘှီၣ်ကလာ်ဒီးတမၤတံာ်တာ်ဘၣ် နၤလၢတၢ်ဂ့ၢ်န့ၣ်ဘၣ်. မ့မ့ၢ်ခဲအံၤပကဘၣ်တၢ်မၤဟးဂီၤကွံာ်ပှၤတုၤ အလၢာ်တစုန့ၣ်လီၤ.”

လံာ်တၢ်ဟးထီၣ်ကွံာ် 13:17

ဒီးဖဲကီၢ်အဲၤကူပတူးအစီၤပၤပျဲပှၤဂီၢ်မုၢ်လဲၤတၢ်န့ၣ်, ကျဲလၢအလဲၤဆူပှၤဖလ့ၡသးဖိအကီၢ်မ့မ့ၢ်ကျဲလၢအဖုၣ်ဘၣ်ဆၣ် ကစၢ်ယွၤတဆှၢအဝဲသ့ၣ်လၢကျဲအဝဲန့ၣ်ဘၣ်. အဂ့ၢ်ဒ်အံၤ, ကစၢ်ယွၤစံးဝဲဒၣ်, “ယတအဲၣ်ဒိးလၢပှၤဂီၢ်မုၢ် ကလဲလိာ်ကွံာ်အသးဒီးဟဲက့ၤကဒါက့ၤဆူကီၢ်အဲၤကူပတူးဖဲ အဝဲသ့ၣ်ထံၣ်ဝဲဒၣ်လၢအကဘၣ်ဒုးတၢ်န့ၣ်ဘၣ်.”

လံာ်ယံးရမံယၤ 43:7

အဝဲသ့ၣ်တစူၢ်ယွၤအတၢ်မၤလိာ်ဘၣ်ဒီးလဲၤနုာ်ဆူကီၢ်အဲၤကူပတူးအပူၤ, ပၢၢ်တုၤလၢဝ့ၢ်တၤပါန့ၤန့ၣ်လီၤ.

လံာ်ယံးရမံယၤ 44:12

မ့မ့ၢ်ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီး ပာ်လီၤတ့ၢ်အသးလၢကလဲၤအိၣ်လဲၤ ဆိးလၢ ကီၢ် အဲၤကူပတူးအပူၤတဖၣ်န့ၣ်, ယကမၤတုၤအဝဲသ့ၣ် ခဲလၢာ်ဟးဂီၤကွံာ်ဝဲန့ၣ်လီၤ. အဝဲသ့ၣ်ခဲလၢာ်, ဒိၣ်မ့ၢ်ဂ့ၤဆံးမ့ၢ်ဂ့ၤ. ကသံလၢကီၢ်အဲၤကူပတူးအပူၤ, ခီဖျိလၢ တၢ်ဒုးတၢ်ယၤအပူၤ မ့တမ့ၢ် လၢတၢ်သၣ်ဝံၤလီၤဒိအဃိန့ၣ်လီၤ. အဝဲသ့ၣ် ကကဲထီၣ်တၢ်ထံၣ်ဘၣ်အလီၢ်တတီၤလၢ အလီၤပျံၤလီၤဖုးလီၤ. ပှၤဂီၢ်မုၢ်ကနံၤဘၣ်ဖၣ်လဲ အီၤဒီးသူအမံၤဒ် တၢ်ဆိၣ်အၢတမံၤအသိးန့ၣ်လီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဟိၤၡ့ 9:3

ကီၢ်အံၣ်စရ့လးအပှၤဂီၢ်မုၢ်တအိၣ်တ့ၢ်ဘၣ်လၢယွၤအကီၢ် ပူၤလၢၤဘၣ်. မ့မ့ၢ်ကဘၣ်က့ၤကဒါက့ၤဆူကီၢ်အဲၤကူပတူးဒီးကဘၣ်အီၣ်တၢ်အီၣ် လၢတၢ်တြီအဝဲသ့ၣ်တဖၣ်လၢကဘၣ်ဟးဆှဲးဝဲလၢကီၢ်အၤၡူၢ်အပူၤ န့ၣ်လီၤ.

လံာ်လူၤကၣ် 12:45

ဘၣ်ဆၣ်ဒီးတၢ်ခ့တၢ်ပှၤအဝဲန့ၣ်မ့ၢ်စံးလီၤက့ၤအသး, ‘ယကစၢ်ကဟဲက့ၤအဆၢကတီၢ်ယံာ်ဒံးဝဲလီၤ. ဒီးဒိတီၢ်တၢ်ခ့တၢ်ပှၤပိာ်မုၣ်ပိာ်ခွါခဲလၢာ်, ဒီးအီၣ်တၢ်ဒီးအီတၢ်ဒီးအီမူၤအသးန့ၣ်,

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:67

သုသးတဖၣ်ကဘၣ်တၢ်မၤလီၤသဘှံးအီၤဒီးကပျံၤဘၣ်ကယဲၢ်တၢ်တမံၤ လၢ်လၢ်လၢသုထံၣ်အီၤလီၤ. ကိးမုၢ်နံၤဒဲးန့ၣ်သုကဆၢလၢမုၢ်ဟါကဟဲတုၤ, ကိးမုၢ်ဟါဒဲးန့ၣ်သုကဆၢလၢမုၢ်ဂီၤကဟဲတုၤလီၤ.

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.