လံာ်သိၣ်လီၤသီလီၤတၢ် 28:64 - Sgaw Karen Common Bible

⁶⁴ ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.

လံာ်သိၣ်လီၤသီလီၤတၢ် 28:64 Iomraidhean Croise

လံာ်တၢ်ကဲထီၣ်အခီၣ်ထံး 4:14

နဟီထီၣ်ကွံာ်ယၤလၢတၢ်လီၢ်အံၤဒီးဟီယံၤကွံာ်ယၤလၢနမဲာ်ညါ န့ၣ်လီၤ. ယကမ့ၢ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢဒီးကယဲၢ် ပှၤတဂၤလၢ်လၢ်လၢအထံၣ်ယၤကမၤသံယၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:21

အိၣ်ဝဲလၢကီၢ်ဃမါသးအလီၢ်ကဝီၤပူၤန့ၣ်လီၤ. ဖဲန့ၣ်စီၤပၤမၢပှၤဒိပှၤတီၢ်အဝဲသ့ၣ်ဒီးမၤသံကွံာ်အီၤန့ၣ် လီၤ. လၢတၢ်န့ၣ်အဃိကီၢ်ယူဒၤပှၤဂီၢ်မုၢ်ဘၣ်တၢ်စိာ်ထီၣ်ကွံာ်အီၤလၢ အထံအကီၢ်ဆူတၢ်စိာ်မၢကဲကုၢ်အပူၤန့ၣ်လီၤ.

လံာ်စီၤနဃ့မယၤ 1:8

ဒီးခဲကနံၣ်အံၤသ့ၣ်နီၣ်ထီၣ်က့ၤတၢ်လၢနတဲဘၣ်စီၤမိၤၡ့န့ၣ် တက့ၢ်. “သုဝဲပှၤအံၣ်စရ့လးဖိတဖၣ်မ့ၢ်တတီဒီးယၤန့ၣ်ဘၣ်ဒီးယကမၤ လီၤပြံလီၤပြါသုလၢပှၤကလုာ်အဂၤတဖၣ်အကျါန့ၣ်လီၤ.

စံးထီၣ်ပတြၢၤ 44:11

နပျဲတၢ်မၤသံအီၣ်ပှၤဒ်သိတဖၣ်အသိး, ဒီးမၤလီၤပြံလီၤပြါတ့ၢ်ပှၤလၢ ပှၤကလုာ်သ့ၣ်တဖၣ်အကျါန့ၣ်လီၤ.

လံာ်ယၡါယၤ 6:12

ယကဆှၢကွံာ်ပှၤဂီၢ်မုၢ်ဆူတၢ်လီၢ်ဖးယံၤဒီးဒုးကဲထီၣ်ထံကီၢ် ဒီဘ့ၣ်လၢတၢ်အိၣ်သယုၢ်သညိအလီၢ်န့ၣ်လီၤ.

လံာ်ယံးရမံယၤ 15:14

ယကဒုးမၤအဝဲသ့ၣ်လၢအဒုၣ်အဒါတဖၣ်တဖၣ်အတၢ်မၤလၢ ကီၢ်တဘ့ၣ်လၢအဝဲသ့ၣ်တသ့ၣ်ညါအဂ့ၢ်နီတမံၤအပူၤ, မ့ၢ်လၢ ယတၢ်သးဒိၣ်ထီၣ်န့ၣ်လီၤဂာ်ဒီးမ့ၣ်အူဒီးကအီၣ်တၢ်လီၤစိၤ လီၤထီအဃိန့ၣ်လီၤ.”

လံာ်ယံးရမံယၤ 16:13

လၢတၢ်န့ၣ်အဃိဒီး, ယကဟီထီၣ်ကွံာ်သုလၢကီၢ်တဘ့ၣ်အံၤအပူၤ, ဆူကီၢ်တဘ့ၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတသ့ၣ်ညါ တ့ၢ်အီၤနီတစုဘၣ်န့ၣ်လီၤ. ဒီးဖဲန့ၣ်, သုကမၤကစၢ်အဂၤတဖၣ် အတၢ်လၢမုၢ်ဆါဆဲးလၢမုၢ်နၤဒီးယတဒုးနဲၣ်သုတၢ်သးကညီၤ နီတစဲးဘၣ်လီၤ.”

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယံးရမံယၤ 9:16

ယကမၤပြံ မၤပြါအဝဲသ့ၣ်လၢပှၤကလုာ်တဖၣ်အကျါ, ပှၤကလုာ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤတဖၣ်မ့ၢ်ဂ့ၤတနၢ်ဟူသ့ၣ်ညါဝဲအဂ့ၢ်, ဒီးယကဆှၢလီၤသုးမုၢ်တဖၣ်ထီဒါအဝဲသ့ၣ်တုၤ ယမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တစုန့ၣ်လီၤ.”

လံာ်သးသယုၢ်တၢ် 1:3

ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်ယဃ့းစက့လး 20:23

လၢတၢ်န့ၣ်အဃိ, ယမၤကဒီးတၢ်ဆိၣ်အဂၤတမံၤလၢပှၢ်မုၢ်ကနၢ အပူၤန့ၣ်လီၤ. ယဆိၣ်တၢ်လၢယကမၤလီၤပြံလီၤပြါအဝဲသ့ၣ်လၢဟီၣ်ခိၣ်ဒီ ဘ့ၣ်ညါန့ၣ်လီၤ.

လံာ်ယဃ့းစက့လး 36:19

ယစံၣ်ညီၣ်ဃၣ်အဝဲသ့ၣ်လၢတၢ်အိၣ်မူအကျဲလၢအဝဲသ့ၣ်အိၣ်မူ တ့ၢ်ဒီးမၤတ့ၢ်ဝဲအဃိဒီးယမၤလီၤပြံလီၤပြါကွံာ်အဝဲသ့ၣ်သကုၤ ပှၤတခီဘီမုၢ်ဖိအထံအကီၢ်တဖၣ်အပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်ဧၤမိၣ် 9:9

ယကဟ့ၣ်လီၤတၢ်မၤလိာ်ဒီးဂံၤဂုၤကီၢ်အံၣ်စရ့လးအပှၤဂီၢ်မုၢ်ဒ် ဘုဧိၤဟုဧိၤဘၣ်တၢ်ဂုၤအီၤလၢကီၢ်လဲၢ်ပူၤအသိးန့ၣ်လီၤ. ယကဂံၤဂုၤအဝဲသ့ၣ်လၢပှၤကလုာ်တဖၣ်ဒီးတၢၤကွံာ်ပှၤ လၢတဂိာ်တသီၣ်တၢ်တဖၣ်လီၤ.

လံာ်စကၤရယၤ 2:10

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, သးဝံၣ်တၢ်လၢတၢ်သးခုအဃိတက့ၢ်. ယကဟဲအိၣ်ဆိးလၢသုသိးသုကျါလီၤ.”

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်သိၣ်လီၤသီလီၤတၢ် 13:8

ဘၣ်ဆၣ်ဒီးပျဲအဝဲကတိၤလွဲန့ၢ်သုတဂ့ၤ. ဒိကနၣ်အီၤဒၣ်လဲာ် တဂ့ၤ. ဒုးနဲၣ်အီၤသုတၢ်သူၣ်ကညီၤသးကညီၤမ့ၢ်ဂ့ၤသုတၢ်သးအိၣ်အီၤမ့ၢ်ဂ့ၤ, န့ၣ်တဂ့ၤ. ဒီးဒီဒၣ်အိၣ်ပှိၤအီၤတဂ့ၤ.

လံာ်သိၣ်လီၤသီလီၤတၢ် 28:36

ယွၤကစိာ်ယံၤကွံာ်သုဒီးသုစီၤပၤဆူထံကီၢ်အဂၤတဘ့ၣ်, ဖဲသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတအိၣ်ဆိး တ့ၢ်ဘၣ်လၢအပူၤကွံာ်နီတဘျီဘၣ်န့ၣ်လီၤ. ဖဲန့ၣ်သုကမၤကစၢ်တဖၣ်လၢတၢ်ဘှီအီၤလၢသ့ၣ်ဒီးလၢၢ်အတၢ်န့ၣ် လီၤ.

လံာ်သိၣ်လီၤသီလီၤတၢ် 29:26

အဝဲသ့ၣ်မၤတ့ၢ်ကစၢ်အဂၤတဖၣ်လၢအဝဲသ့ၣ်တဘါထီၣ်တ့ၢ်ဘၣ်လၢပျၢၤ နီတစုအတၢ်, ကစၢ်တဖၣ်လၢ, ယွၤတြီတ့ၢ်အဝဲသ့ၣ်လၢကဘူၣ်ထီၣ်ဘါထီၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 30:1

ခဲအံၤယဟ့ၣ်လီၤသုတၢ်ဃုထၢတမံၤလၢတၢ်ဆိၣ်ဂ့ၤတမံၤဒီးတၢ် ဆိၣ်အၢတမံၤအဘၢၣ်စၢၤန့ၣ်လီၤ. တုၤကယဲၢ်တၢ်ခဲလၢာ်အံၤမၤအသးဒီးသု, ဒီးသုအိၣ်သုဆိးလၢပှၤကလုာ်တဖၣ်အကျါ, ဖဲယွၤ, သုကစၢ်ယွၤမၤလီၤပြံ လီၤပြါတ့ၢ်သုန့ၣ်, သုကသ့ၣ်နီၣ်ထီၣ်က့ၤတၢ်ဃုထၢလၢယဟ့ၣ်လီၤ တ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 32:17

အဝဲသ့ၣ်လုၢ်ထီၣ်ပာ်ထီၣ်တၢ်ဆူကစၢ်တဖၣ်လၢတမ့ၢ်တတီဘၣ်, ကစၢ်အသီတဖၣ်လၢအဝဲသ့ၣ်အမိၢ်ပၢ်ဖံဖုလၢပျၢၤတဖၣ်တသ့ၣ်ညါတ့ၢ်ဝဲ, ကစၢ်တဖၣ်လၢကီၢ်အံၣ်စရ့လးတစူၢ်တ့ၢ်ဘၣ်အီၤနီတစုန့ၣ်လီၤ.

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.

လံာ်သိၣ်လီၤသီလီၤတၢ် 4:32

ဃုကွၢ်တၢ်မၤအသးလၢအလဲၤပူၤကွံာ်, တချုးဒံးဘၣ်လၢသုအိၣ်ဖျဲၣ်ထီၣ်ဒံးအကတီၢ်ဘၣ်, ဃုကွၢ်ကဒါက့ၤအီၤတုၤဆူတၢ်ဆၢကတီၢ်, ဖဲကစၢ်ယွၤတ့လီၤပှၤကညီလၢဟီၣ်ခိၣ်ချၢန့ၣ်တက့ၢ်. ဃုကွၢ်ဟီၣ်ခိၣ်ဒီဘ့ၣ်ညါတက့ၢ်. မ့ၢ်တၢ်အဒိၣ်အမုၢ်ထဲသိးအံၤတမံၤမံၤမၤတ့ၢ်အသးလၢညါတဘျီ ဘျီဧါ. မ့ၢ်ပှၤတဂၤဂၤနၢ်ဟူဘၣ်တ့ၢ်တၢ်ဒ်သိးအံၤတမံၤမံၤန့ၣ်တစုစု ဧါ.