လံာ်သိၣ်လီၤသီလီၤတၢ် 28:59 - Sgaw Karen Common Bible

⁵⁹ အဝဲကဆှၢလီၤတၢ်ဆူးတၢ်ဆါတဖၣ်လၢတၢ်မၤဘျါအီၤတန့ၢ်ဒီးတၢ် ဆါသံသတြိာ်လၢအလီၤပျံၤလီၤဖုးလၢတၢ်ဆိကတီၢ်အီၤတသ့တဖၣ် ဆူသုလိၤဒီးသုစၢၤသုသွဲၣ်တဖၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 28:59 Iomraidhean Croise

လံာ်သးသယုၢ်တၢ် 1:12

ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်သးသယုၢ်တၢ် 1:9

အတၢ်တကဆှီဘၣ်န့ၣ်ဘၣ်တၢ်ထံၣ်အီၤညီကဒၣ်, ဘၣ်ဆၣ်ဒီးတပာ်သူၣ်ပာ်သးလၢတၢ်ကစံၣ်ညီၣ်အီၤဃါမနၤအဂ့ၢ်ဘၣ်. အတၢ်လီၤပှီၢ်မ့ၢ်တၢ်လီၤပျံၤလီၤဖုးလီၤ. ပှၤမၤမုာ်ထီၣ်အီၤတသ့နီတဂၤဘၣ်. အဒုၣ်အဒါတဖၣ်မၤနၢၤတၢ်လံ. ဒီးကိးပသူထီၣ်ဝဲဆူယွၤအအိၣ်လၢတၢ်သးကညီၤအဂီၢ်လီၤ.

လံာ်သးသယုၢ်တၢ် 4:12

ပှၤအိၣ်လၢတၢ်လီၢ်တပူၤဂ့ၤတပူၤဂ့ၤ, ပှၤပၢတၢ်လၢတခီဘီ မုၢ်အထံကီၢ်တဖၣ်ဒၣ်လဲာ်မ့ၢ်ဂ့ၤ လၢအနာ်တ့ၢ်ဝဲလၢဒုၣ်ဒါတဖုဖုနုာ်လီၤဝ့ၢ်ယရူၤၡလ့ၣ် အတြဲၤတဖၣ်ကန့ၢ်န့ၣ်, တအိၣ်ဘၣ်.

လံာ်ဒၤနံးယ့လး 9:12

နမၤတ့ၢ်တၢ်လၢနစံးတ့ၢ်နကမၤအီၤလၢပလိၤဒီးပပှၤပၢတၢ် တဖၣ်အလိၤန့ၣ်လီၤ. နစံၣ်ညီၣ်တ့ၢ်ဝ့ၢ်ယရူၤၡလ့ၣ်နးဒိၣ်န့ၢ်ဒံး ဝ့ၢ်အဂုၤအဂၤလၢဟီၣ်ခိၣ်ချၢ,

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မၢ်ကူး 13:19

အဂ့ၢ်ဒ်လဲၣ်န့ၣ်, တၢ်နးတၢ်ဖှီၣ်တကလုာ်လၢမုၢ်နံၤမုၢ်သီတဖၣ်န့ၣ်ကမ့ၢ်တၢ်လၢ အနးဒိၣ်မးတကလုာ်လၢအတမၤဒံးဘၣ်အသးနီတစုလၢ ယွၤတ့လီၤပာ်လီၤတၢ်လၢထံးလၢသီတုၤလီၤလၢအခါခဲအံၤ န့ၣ်လီၤ. ဒီးတမ့ၢ်လၢတၢ်ကမၤအသးဒ်သိးအံၤနီတစုလၢၤဘၣ်.

လံာ်သိၣ်လီၤသီလီၤတၢ် 28:46

အဝဲသ့ၣ်ကကဲထီၣ်ကစၢ်ယွၤအတၢ်စံၣ်ညီၣ်အတၢ်အုၣ်အသးတဖၣ်လၢသု လိၤဒီးလၢသုစၢၤသုသွဲၣ်တဖၣ်အလိၤလီၤစိၤလီၤထီန့ၣ်လီၤ.

လံာ်သိၣ်လီၤသီလီၤတၢ် 28:58

သုမ့ၢ်တစူၢ်ဘၣ်ကယဲၢ်ကစၢ်ယွၤအတၢ်သိၣ်လိတဖၣ်လၢအအိၣ်ကွဲးလီၤ အသးလၢလံာ်အံၤအပူၤလၢတၢ်သးတီ, ဒီးသုမ့ၢ်တယူးယီၣ်ပာ်ကဲဘၣ်ယွၤ, သုကစၢ်ယွၤအမံၤလၢအလီၤ လိၢ်လီၤလးဒီးလီၤပျံၤလီၤပာ်ကဲဘၣ်န့ၣ်,

လံာ်သိၣ်လီၤသီလီၤတၢ် 28:60

ကယဲၢ်တၢ်ဆူးတၢ်ဆါလီၤပျံၤလီၤဖုးတဖၣ်လၢသုထံၣ်ဘၣ်တ့ၢ်လံ အီၤလၢကီၢ်အဲၤကူပတူးအပူၤန့ၣ်, အဝဲကဒုးလီၤဘၣ်ကဒါက့ၤကဒီးအီၤလၢသုလိၤတဘျီ, ဒီးသုတဘျါက့ၤဘၣ်နီတစုဘၣ်.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.