လံာ်သိၣ်လီၤသီလီၤတၢ် 28:53 - Sgaw Karen Common Bible

⁵³ ဖဲသုဒုၣ်သုဒါတဖၣ်ဟဲကဝီၤဃာ်သုဝ့ၢ်တဖၣ်န့ၣ်, သုကထံၣ်ဘၣ်တၢ်ကီတၢ်ခဲဒိၣ်မးတုၤတၢ်မုၢ်လၢ်ကလၢာ်ကွံာ်လၢတၢ် အီၣ်တၢ်အီအဃိဒီးတုၤသုကဘၣ်အီၣ်ကွံာ်ဒၣ်လဲာ်သုဖိတဖၣ်လၢ ယွၤ, သုကစၢ်ယွၤဟ့ၣ်လီၤတ့ၢ်သုန့ၣ်လီၤ.

လံာ်သိၣ်လီၤသီလီၤတၢ် 28:53 Iomraidhean Croise

လံာ်ယံးရမံယၤ 19:9

ဒုၣ်ဒါတဖၣ်ကကဝီၤဃာ်ဝ့ၢ်အံၤဒီးကကျဲးစၢးမၤသံအပှၤဂီၢ်မုၢ် န့ၣ်လီၤ. တၢ်ကဝီၤဃာ်အံၤကလီၤပျံၤလီၤဖုးဝဲဒိၣ်မးတုၤဒၣ်လဲာ် ပှၤဂီၢ်မုၢ်လၢဝ့ၢ်ပူၤကအီၣ်လိာ်အညၣ်တဂၤဒီးတဂၤတုၤဒၣ်လၢ အဖိဒၣ်ဝဲတဖၣ်အညၣ်ဒၣ်လဲာ်န့ၣ်လီၤ.”

လံာ်သးသယုၢ်တၢ် 2:20

ယွၤဧၢ, ဘၣ်မနုၤနစံၣ်ညီၣ်ပှၤဒ်သိးအံၤလဲၣ်, ကွၢ်ဆိကမိၣ်တၢ်တက့ၢ်. ပိာ်မုၣ်တဖၣ်အီၣ်က့ၤအဖိဆံးတဖၣ်လၢအအဲၣ်ဝဲအဖံးအညၣ်အနီၢ်ခိ ကသ့ဒ်လဲၣ်. ပှၤလုၢ်တၢ်အခိၣ်တဖၣ်ဒီးဝံတဖၣ်ဘၣ်တၢ်မၤသံအီၤလၢတၢ်လုၢ်ဟံၣ် ဒၣ်ဝဲအပူၤကကြၢးဝဲဒ်လဲၣ်.

လံာ်သးသယုၢ်တၢ် 4:10

တၢ်နးတၢ်ဖှီၣ်လၢအဟဲတုၤဘၣ်ဆူယပှၤဂီၢ်မုၢ်အအိၣ်န့ၣ်ဟဲစိာ် တၢ်လီၤပျံၤလီၤဖုးဖးဒိၣ်လီၤ. မိၢ်လၢအအဲၣ်တၢ်ကွံတၢ်တဖၣ်ချီထီၣ်အဖိဒၣ်ဝဲ တဖၣ်လၢတၢ်အီၣ်အဂီၢ်လီၤ.

လံာ်ယဃ့းစက့လး 5:10

မၤသးဒ်န့ၣ်ဒီး, မိၢ်ပၢ်တဖၣ်လၢဝ့ၢ်ယရူၤရှလ့ၣ်အပူၤကအီၣ်အဖိ တဖၣ်, ဒီးအဖိတဖၣ်ကအီၣ်အမိၢ်ပၢ်တဖၣ်န့ၣ်လီၤ. ယကစံၣ်ညီၣ်နၤဒီးပှၤလၢအအိၣ်မူလီၤတဲာ်တဖၣ်န့ၣ်, ယကမၤလီၤပြံလီၤပြါအီၤဆူကလံၤကျိၤကိးကျိၤဒဲးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:29

ဒီးတၢ်ကသၣ်ဝံၤသုသးတုၤဒၣ် လဲာ်သုကအီၣ်က့ၤသုဖိဒၣ်သုဝဲလီၤ.

လံာ်မးသဲ 24:19

လၢမုၢ်နံၤအဝဲန့ၣ်တဖၣ်အကတီၢ်န့ၣ်, တၢ်ကနးကဖှီၣ်ဝဲဒိၣ်မးလၢပိာ်မုၣ်တဖၣ်လၢအအိၣ်ဟုးအိၣ်သး, ဒီးမိၢ်လၢအအိၣ်ဒီးဖိဆံးအီနုၢ်ထံတဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 28:18

ယွၤကဆိၣ်အၢသုခီဖျိဟ့ၣ်သုလၢဖိတဖၣ်ထဲစှၤဂၤ, တၢ်မုၢ်တၢ်ဘိ, တၤသူတၤသၣ်ထဲတဆံးတက့ၢ်ဒီးဂီၤဘုၣ်ဂီၤဖံး ဒီးသိထဲစှၤကိာ်ဧိၤန့ၣ်လီၤ.

လံာ်သိၣ်လီၤသီလီၤတၢ် 28:54

ပှၤအိၣ်ဖျဲၣ်လၢတူၢ်ဒိၣ်ကီၤဒိၣ်, ပှၤပိာ်ခွါလၢအလုၢ်ဂ့ၤလၢ်ဝါ ကတၢၢ်တဂၤဒၣ်လဲာ်, ကဘၣ်ကီဘၣ်ခဲနးမးလၢတၢ်မုၢ်လၢ်လၢာ်ကွံာ်လၢတၢ်အီၣ်အဃိဖဲတၢ် ကဝီၤဃာ်ဝ့ၢ်အဆၢကတီၢ်အံၤတုၤအဝဲကအီၣ်ကွံာ်အဖိဒၣ်ဝဲတဖၣ် အကျါတနီၤ, မ့ၢ်လၢအဝဲတအိၣ်ဒီးတၢ်အီၣ်အဂ့ၤနီတမံၤဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:55

တမ့ၢ်အဝဲကဟ့ၣ်ဒၣ်လဲာ်တၢ်အီၣ်န့ၣ်နီတစဲးဆူအဒီပုၢ်ဝဲၢ်ခွါ မ့ၢ်ဂ့ၤ, အမါလၢအဝဲအဲၣ်ဝဲမ့ၢ်ဂ့ၤ, အဝဲဖိတဂၤလၢ်လၢ်လၢအအိၣ်မူ တ့ၢ်ဒံးမ့ၢ်ဂ့ၤန့ၣ်ဘၣ်.

လံာ်သိၣ်လီၤသီလီၤတၢ် 28:57

ဖဲဒုၣ်ဒါတဖၣ်ဟဲကဝီၤဃာ်အဝဲအဝ့ၢ်န့ၣ်, အဝဲကအိၣ်လၢတၢ်ကီတၢ် ခဲနးမးလၢတၢ်မုၢ်လၢ်လၢာ်ကွံာ်အပူၤလၢတၢ်အီၣ်အဃိ, တုၤဒၣ်လဲာ်အဝဲကအီၣ်ကွံာ်ခူသူၣ်အဖိဆံးလၢအအိၣ်ဖျဲၣ်ထီၣ်သီ သီဒီးအဟံၣ်လီၢ်စ့ၢ်ကီးန့ၣ်လီၤ. အဝဲတနီၤဟ့ၣ်ဘၣ်တၢ်တဖၣ်န့ၣ်ဆူအဝၤလၢအအဲၣ်ဝဲမ့ၢ်ဂ့ၤ, ဆူအဖိတဂၤဂၤမ့ၢ်ဂ့ၤန့ၣ်ဘၣ်.