လံာ်သိၣ်လီၤသီလီၤတၢ် 28:50 - Sgaw Karen Common Bible

⁵⁰ အဝဲသ့ၣ်ကမ့ၢ်ပှၤတဖၣ်လၢအအၢဝဲသီဝဲဒီးတဒုးနဲၣ်ဘၣ်အတၢ်သး ကညီၤဆူပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤနီတဂၤဘၣ်န့ၣ်လီၤ.

လံာ်သိၣ်လီၤသီလီၤတၢ် 28:50 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

တၢ်ကတိၤဒိ. 7:13

ပိာ်မုၣ်အံၤဖိးဟုဃီၤပိာ်ခွါသးစၢ်န့ၣ်, နၢမူအီၤ, ကွၢ်အမဲာ်လိၤလိၤဒီးစံးဝဲ,

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ယၡါယၤ 33:19

သုတထံၣ်ဘၣ်လၢၤပှၤတခီဘီမုၢ်ဖိလၢအပာ်ထီၣ်ထီ အသးဒီးကတိၤကျိာ်လၢသုတနၢ်ပၢၢ်အီၤန့ၣ်နီတစုလၢၤဘၣ်.

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 7:7

ဒ်ယအိၣ်ခိးကွၢ်တၢ်အသိးန့ၣ်, ဆၣ်ဖိကီၢ်ဖိအၢအၢသီသီ လွံၢ်ဒုတဒုအိၣ်ဖျါထီၣ်ဝဲဒၣ်န့ၣ်လီၤ. အဝဲအဂံၢ်အဘါဆူၣ်ဒိၣ် မး, အၢဝဲသီဝဲဒိၣ်ဒိၣ်ကလဲာ်ဒီးလီၤပျံၤလီၤဖုးဒိၣ်မးန့ၣ်လီၤ. လၢအမဲထးဖးဒိၣ်တဖၣ်န့ၣ်အ့ၣ်လီၤကလဲကွံာ်တၢ်ဒီးယီၢ်တံၢ် ဝဲတၢ်အိၣ်လီၤတဲာ်တဖၣ်န့ၣ်လီၤ. အဝဲဒၣ်လီၤဆီန့ၢ်ဆၣ်ဖိကီၢ် ဖိအဂၤတဖၣ်ဒီးအနၢၤအိၣ်အဘိတဆံန့ၣ်လီၤ.

လံာ်ဒၤနံးယ့လး 8:23

ဘီမုၢ်တဖၣ်န့ၣ်အကတၢၢ်ဘူးထီၣ်ဝဲ, ဒီးအဝဲသ့ၣ်အၢထီၣ်သီထီၣ် နးနးကလဲာ်တုၤကဘၣ်တၢ်စံၣ်ညီၣ်အကတီၢ်န့ၣ်စီၤပၤလၢအခိၣ် ကိၤ, အၢတူာ်ကိာ်ဒီးကူၣ်လီတၢ်သ့တဂၤကအိၣ်ထီၣ်ဝဲလီၤ.

လံာ်ဟိၤၡ့ 13:16

ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်လူၤကၣ် 19:44

အဝဲသ့ၣ်ကမၤဟးဂီၤကွံာ်နၤလၢာ်လၢာ်ဆ့ဆ့ဃုာ်ဒီးပှၤဂီၢ်မုၢ်အိၣ်ဝဲလၢ နခိၣ်ဒူအပူၤတဖၣ်လီၤ. အဝဲသ့ၣ်တပာ်လီၤတဲာ်တ့ၢ်လၢၢ်လၢအလီၢ်နီ တဖျၢၣ်ဘၣ်. အဂ့ၢ်မ့ၢ်လၢနတပာ်သူၣ်ပာ်သးတၢ်ဆၢကတီၢ်ဖဲ ယွၤဟဲတ့ၢ်ဝဲဒ်သိးအကအုၣ်က့ၤခီၣ်က့ၤနၤဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:51

အဝဲသ့ၣ်ကအီၣ်ကွံာ်သုဆၣ်ဖိကီၢ်ဖိလၢသုဘုၣ်အီၤတဖၣ်ဒီးသု တၢ်မုၢ်တၢ်ဘိ, တၤသူတၤသၣ်တဖၣ်, ဒီးသုကသၣ်ဝံၤလီၤဒိသံကွံာ်န့ၣ်လီၤ. အဝဲသ့ၣ်တပာ်တ့ၢ်န့ၢ်သုလၢဘုဧိၤဟုဧိၤ, စပံးထံ, သ့ၣ်စၤယံးအသိ, ဆၣ်ဖိကီၢ်ဖိလၢသုဘုၣ်အီၤမ့ၢ်ဂ့ၤ, သိမ့ၢ်ဂ့ၤနီတမံၤဘၣ်, ဒီးသုကဘၣ်သံန့ၣ်လီၤ.