လံာ်သိၣ်လီၤသီလီၤတၢ် 28:46 - Sgaw Karen Common Bible

⁴⁶ အဝဲသ့ၣ်ကကဲထီၣ်ကစၢ်ယွၤအတၢ်စံၣ်ညီၣ်အတၢ်အုၣ်အသးတဖၣ်လၢသု လိၤဒီးလၢသုစၢၤသုသွဲၣ်တဖၣ်အလိၤလီၤစိၤလီၤထီန့ၣ်လီၤ.

လံာ်သိၣ်လီၤသီလီၤတၢ် 28:46 Iomraidhean Croise

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

လံာ်ယံးရမံယၤ 19:8

ယကဟဲစိာ်တၢ်မၤဟးဂီၤလီၤပျံၤလီၤဖုးဒ်န့ၣ်သိးလၢဝ့ၢ်အံၤအဖီခိၣ် ဒ်သိးပှၤခဲလၢာ်လၢအလဲၤခီဘၣ်ဝ့ၢ်အံၤကပျံၤတၢ်ဖုးတၢ်ဒီး ကကမၢကမၣ်ဝဲန့ၣ်လီၤ.

လံာ်ယံးရမံယၤ 25:18

ဝ့ၢ်ယရူၤၡလ့ၣ်ဒီး ကီၢ်ယူဒၤအဝ့ၢ်တဖၣ်ခဲလၢာ်, ဃုာ်ဒီး အစိကမီၤတဖၣ်ဒီး အခိၣ်အနၢ်တဖၣ် ဘၣ်တၢ်မၢအီၤလၢ ကအီဝဲ, ဒ်သိးအဝဲသ့ၣ် ကကဲထီၣ်မဲးမုၢ်ခိၣ်တတီၤ, တၢ်ထံၣ်ဘၣ်အလီၢ်လၢအလီၤပျံၤလီၤဖုးဒီး လီၤကမၢကမၣ်သတးဒီး ပှၤဂီၢ်မုၢ်ကသူအဝဲသ့ၣ်အမံၤဒ်တၢ်ဆိၣ်အၢဒ် အဝဲသ့ၣ်မၤဒံးဝဲခဲအံၤအသိးန့ၣ်လီၤ.

လံာ်ယဃ့းစက့လး 14:8

ယကထီဒါအီၤလီၤ. ယကဒုးကဲထီၣ်အီၤလၢတၢ်အဒိအတဲာ်တမံၤလီၤ. ယကသုးကွံာ်အီၤလၢယပှၤဂီၢ်မုၢ်အတၢ်အိၣ်မူကရူၢ်အပူၤဒ်သိးသု ကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 36:20

ဖဲအဝဲသ့ၣ်လဲၤတပူၤလၢ်လၢ်န့ၣ်အဝဲသ့ၣ်ဒုးအိၣ်ထီၣ်တၢ်မၤမဲာ်ဆှး ယမံၤစီဆှံမ့ၢ်လၢ, ပှၤဂီၢ်မုၢ်ကစံးလၢ, ပှၤဂီၢ်မုၢ်တဖၣ်အံၤဘၣ်ဟးထီၣ်ကွံာ်လၢကီၢ်လၢ အဝဲသ့ၣ်အကစၢ်ဒၣ်ဝဲအကစၢ်ယွၤဟ့ၣ်လီၤတ့ၢ်အီၤအဃိန့ၣ်လီၤ.

လံာ်ယဃ့းစက့လး 5:15

ဖဲယသးဒိၣ်ထီၣ်ဒီးသးကဲၤထီၣ်ဘၣ်သုဒီးစံၣ်ညီၣ်သုန့ၣ်, ကယဲၢ်ပှၤကလုာ်အိၣ်ဝးတရံးသုတဖၣ်ကပျံၤတၢ်ဖုးတၢ်လီၤ. အဝဲသ့ၣ်ကကွၢ်ဃီၤသုလၢတၢ်သးဘၣ်အၢသုအပူၤဒီးကဒုၣ်ဒွဲၣ်စံး အၢသုန့ၣ်လီၤ.

လံာ်တၢ်ဂံၢ် 26:10

ဟီၣ်ခိၣ်အိးထီၣ်အသးဒီးယူၢ်လီၤကွံာ်အဝဲသ့ၣ်ဒီးအဝဲသ့ၣ်သံဃုာ် ဒီးစီၤကိၤရးဒီးပှၤပိာ်အခံတဖၣ်, ဖဲမ့ၣ်အူမၤဟးဂီၤကွံာ် ပှၤပိာ်ခွါအဂၤခံကယၤယဲၢ်ဆံ န့ၣ်လီၤ. အဝဲသ့ၣ်ကဲထီၣ်တၢ်ဟ့ၣ်ပလီၢ်တမံၤလၢပှၤဂီၢ်မုၢ်အဂီၢ်န့ၣ်လီၤ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

လံာ်သိၣ်လီၤသီလီၤတၢ် 28:37

လၢထံကီၢ်တဖၣ်ဖဲယွၤကမၤလီၤပြံလီၤပြါသုအပူၤန့ၣ်, ပှၤဂီၢ်မုၢ်တဖၣ်ကဖုးဘၣ်အသးလၢတၢ်လၢအမၤအသးဒီးသု အဃိန့ၣ်လီၤ. အဝဲသ့ၣ်ကလိာ်လ့သုဒီးနံၤဘၣ်ဖၣ်လဲသုန့ၣ်လီၤ.

လံာ်သိၣ်လီၤသီလီၤတၢ် 28:59

အဝဲကဆှၢလီၤတၢ်ဆူးတၢ်ဆါတဖၣ်လၢတၢ်မၤဘျါအီၤတန့ၢ်ဒီးတၢ် ဆါသံသတြိာ်လၢအလီၤပျံၤလီၤဖုးလၢတၢ်ဆိကတီၢ်အီၤတသ့တဖၣ် ဆူသုလိၤဒီးသုစၢၤသုသွဲၣ်တဖၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

လံာ်သိၣ်လီၤသီလီၤတၢ် 29:28

ယွၤအတၢ်သးဒိၣ်ကဲၤထီၣ်တ့ၢ်ဝဲဒီးလၢအဝဲအတၢ်သးဒိၣ်ဖးဒိၣ် အပူၤန့ၣ်, အဝဲထဲးထီၣ်ကွံာ်တ့ၢ်အဝဲသ့ၣ်လၢအဝဲသ့ၣ်အထံအကီၢ်အပူၤ, ဒီးကွံာ်လီၤကွံာ်အဝဲသ့ၣ်ဆူထံကီၢ်အဂၤတဘ့ၣ်အပူၤ, ဒီးတနံၤအံၤအဝဲသ့ၣ်အိၣ်ဝဲဖဲန့ၣ်လီၤ.