လံာ်သိၣ်လီၤသီလီၤတၢ် 28:45 - Sgaw Karen Common Bible

⁴⁵ ကယဲၢ်တၢ်တတၢးတနါတဖၣ်အံၤခဲလၢာ်ကဟဲလီၤဘၣ်လၢသုလိၤ, ဒီးကအိၣ်ဒီးသုတုၤလီၤလၢသုဘၣ်တၢ်မၤဟးဂီၤကွံာ်သု, မ့ၢ်လၢသုတစူၢ်ဘၣ်ယွၤ, သုကစၢ်ယွၤဒီးတိၢ်န့ၢ်ဖံးဃာ်ကယဲၢ်တၢ် ဘူၣ်တၢ်ဘါအတၢ်သိၣ်တၢ်သီတဖၣ်လၢအဝဲသ့ၣ်ဟ့ၣ်လီၤတ့ၢ်သုအဃိ န့ၣ်လီၤ.

လံာ်သိၣ်လီၤသီလီၤတၢ် 28:45 Iomraidhean Croise

လံာ်တၢ်ကဲထီၣ်အခီၣ်ထံး 19:13

အဂ့ၢ်ဒ်အံၤ, ပကမၤဟးဂီၤကွံာ်တၢ်လီၢ်အံၤန့ၣ်လီၤ. ယွၤနၢ်ဟူလံတၢ်ဆှိးထီၣ်လီၤပျံၤလီၤဖုးထီဒါပှၤဂီၢ်မုၢ် အံၤဒီးမၢလီၤပှၤလၢပကမၤဟးဂီၤကွံာ်ဝ့ၢ်စဒိၣ်အဂီၢ်လီၤ.”

လံာ်စီၤပၤခံဘ့ၣ်တဘ့ၣ် 17:20

ယွၤညိကွံာ်ကယဲၢ်ပှၤအံၣ်စရ့လးဖိခဲလၢာ်စံၣ်ညီၣ်အဝဲသ့ၣ်ဒီး ဟ့ၣ်လီၤကွံာ်အဝဲသ့ၣ်ဆူဒုၣ်အၢဒါသီတဖၣ်အစုပူၤ, တုၤလၢ, လၢခံကတၢၢ်အဝဲနီၣ်ထီၣ်ကွံာ်အဝဲသ့ၣ်လၢအမဲာ်ညါတစု န့ၣ်လီၤ.

စံးထီၣ်ပတြၢၤ 119:21

ပှၤလၢအပာ်ထီၣ်ထီအသး, လၢအဘၣ်တၢ်ဆိၣ်အၢလၢ အဟးဖျိးလၢ နတၢ်မၤလိာ်တဖၣ်အကျဲန့ၣ်, နသိၣ်ဃီၣ်လံအီၤလံ.

တၢ်ကတိၤဒိ. 13:21

တၢ်ကီတၢ်ခဲလူၤပိာ်ထွဲပှၤတၢ်ဒဲးဘးဖိတဖၣ်အခံသကုၤဆးဒးလီၤ. မ့မ့ၢ်ပှၤတီပှၤလိၤတဖၣ်ကဘၣ်တၢ်ဟ့ၣ်ဘျုးက့ၤအီၤလၢတၢ်ဂ့ၤ တဖၣ်လီၤ.

လံာ်ယၡါယၤ 1:20

ဘၣ်ဆၣ်သုမ့ၢ်ခီၣ်ဆၢယၤဒီး, သုကဘၣ်တၢ်စံၣ်ညီၣ်ဃါမနၤ ဆူတၢ်သံလီၤ. ယၤ, ယွၤန့ၣ်, ကတိၤလံတၢ်လံ.”

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 7:15

တၢ်ဒုးတၢ်ယၤအိၣ်ဝဲလၢကျဲဘိတဖၣ်အပူၤ, ဒီးတၢ်ဆူးတၢ်ဆါ ဒီးတၢ်သၣ်ဝံၤလီၤဒိလၢဟံၣ်ဃီတဖၣ်အပူၤလီၤ. ပှၤတဂၤဂ့ၤတဂၤ ဂ့ၤလၢအအိၣ်လၢခိန့ၣ်, ကသံဝဲလၢတၢ်ဒုးတၢ်ယၤအပူၤ, ဒီးပှၤတဂၤဂ့ၤတဂၤဂ့ၤလၢအအိၣ်လၢဝ့ၢ်ပူၤန့ၣ်, တၢ်ဆူးတၢ်ဆါဒီးတၢ်သၣ်ဝံၤလီၤဒိကမၤန့ၢ်မၤနၢၤအီၤလီၤ.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်သိၣ်လီၤသီလီၤတၢ် 28:15

မ့မ့ၢ်, သုမ့ၢ်တစူၢ်ဘၣ်ယွၤ, သုကစၢ်ယွၤဒီးတတိၢ်န့ၢ်ဖံးဃာ် ဘၣ်ကယဲၢ်အဝဲအတၢ်မၤလိာ်တဖၣ်ဒီးတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢယဟ့ၣ်လီၤသုတနံၤအံၤလၢတၢ်သးတီန့ၣ်, ကယဲၢ်တၢ်အၢတၢ် သီတဖၣ်အံၤကလီၤဘၣ်လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 28:5

ယွၤကဆိၣ်ဂ့ၤသုဘုဧိၤဟုဧိၤတဖၣ်ဒီးတၢ်အီၣ်လၢသုကတဲာ်ကတီၤ အီၤလၢတၢ်န့ၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:25

ဖဲသုအိၣ်လၢကီၢ်န့ၣ်အပူၤဖးယံာ်ဒီးသုအိၣ်ဒီးသုဖိတဖၣ် ဒီးသုလံၤတဖၣ်လံဒၣ်လဲာ်န့ၣ်, မၤတၢ်ဒဲးဘၣ်ခီဖျိတၢ်မၤတၢ်ဂီၤတၢ်ဖီၣ်တခါလၢအိၣ်ဒီး အက့ၢ်အဂီၤတမံၤလၢသုဂီၢ်နီတစုတဂ့ၤ. အအံၤမ့ၢ်တၢ်အၢတၢ်သီလၢယွၤအမဲာ်ညါဒီးတၢ်န့ၣ်ကမၤဒိၣ်ထီၣ် အဝဲအသးန့ၣ်လီၤ.

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.