လံာ်သိၣ်လီၤသီလီၤတၢ် 28:44 - Sgaw Karen Common Bible

⁴⁴ အဝဲသ့ၣ်ကအိၣ်ဒီးကျိၣ်ဧိၤစ့ဧိၤလၢကဒုးလိၢ်သု, မ့မ့ၢ်သုဝဲသုတအိၣ်ဘၣ်ဒီးကျိၣ်ဧိၤစ့ဧိၤနီတစဲးလၢသု ကဒုးလိၢ်လီၤအဝဲသ့ၣ်ဘၣ်. လၢခံကတၢၢ်အဝဲသ့ၣ်ကမ့ၢ်ပှၤပၢဘၣ်သုတဖၣ်န့ၣ်လီၤ.

လံာ်သိၣ်လီၤသီလီၤတၢ် 28:44 Iomraidhean Croise

လံာ်သးသယုၢ်တၢ် 1:5

အဒုၣ်အဒါတဖၣ်မၤနၢၤကွံာ်အီၤဒီးအိၣ်ဝဲဘီၣ်ထီၣ်ညီထီၣ်ဝဲ လီၤ. အဂ့ၢ်ဒ်အံၤ, ကစၢ်ယွၤဒုးတူၢ်ဘၣ်အီၤတၢ်လၢကယဲၢ်အတၢ်ဒဲးဘး တဖၣ်အဃိလီၤ. အဖိအလံၤတဖၣ်ဘၣ်တၢ်ဖီၣ်န့ၢ်အီၤဒီးစိာ်ကွံာ်အီၤဆူတၢ်မၢကဲ ကုၢ်အလီၢ်လီၤ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.