လံာ်သိၣ်လီၤသီလီၤတၢ် 28:41 - Sgaw Karen Common Bible

⁴¹ သုကအိၣ်ဒီးဖိခွါတဖၣ်ဒီးဖိမုၣ်တဖၣ်, ဘၣ်ဆၣ်ကလီၤမၢ်သဒၣ်ကွံာ်သု, မ့ၢ်လၢအဝဲသ့ၣ်ကဘၣ်တၢ်စိာ်ယံၤကွံာ်အီၤဒ်တၢ်ဒုးတၢ်ယၤအပှၤဘၣ် စၢဃာ်တဖၣ်အသိးအဃိန့ၣ်လီၤ.

လံာ်သိၣ်လီၤသီလီၤတၢ် 28:41 Iomraidhean Croise

လံာ်စီၤပၤခံဘ့ၣ်တဘ့ၣ် 24:14

စီၤနဘူၤကးန့စၢ်စိာ်ထီၣ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်ဒ် ပှၤဘၣ်တၢ်စၢဃာ်တဖၣ်အသိး, ကယဲၢ်စီၤပၤအဖိခွါခဲလၢာ်, ဒီးကယဲၢ်ပှၤတူၢ်ဒိၣ်ကီၤဒိၣ်တဖၣ်, ခဲလၢာ်ပှၤအဂၤတကလးန့ၣ် လီၤ. အဝဲက့ၤကိးဃုာ်စ့ၢ်ကီးဝဲပှၤမၤတၢ်သ့ဂ့ၤဂ့ၤတဖၣ်, အိၣ်ဃုာ်ဒီးပှၤပိာ်ထးဖိတဖၣ်, ပာ်တ့ၢ်ဝဲထဲပှၤဂီၢ်မုၢ်လၢ အဖှီၣ်ကတၢၢ်တဖၣ်လၢကီၢ်ယူဒၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:8

ပှၤယူဒၤဖိတဖၣ်မ့မ့ၢ်ပှၤထံဖိကီၢ်ဖိကဒဲကဒဲဒီးအဝဲသ့ၣ် ဒၣ်လဲာ်, ပှၤအံၣ်စရ့လးအသုးမုၢ်ဖီၣ်န့ၢ်ဝဲပှၤပိာ်မုၣ်ဒီးပှၤဖိသၣ်အ ဂၤခံကလး ဒ်ပှၤဘၣ်တၢ်စၢဃာ်အသိး, ဒီးက့ၤကိးအဝဲသ့ၣ်ဆူ ကီၢ်ၡၤမရံဒီးတၢ်ဂုာ်န့ၢ်အါအါဂီၢ်ဂီၢ်န့ၣ်လီၤ.

လံာ်ယၡါယၤ 65:23

တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်သးသယုၢ်တၢ် 1:5

အဒုၣ်အဒါတဖၣ်မၤနၢၤကွံာ်အီၤဒီးအိၣ်ဝဲဘီၣ်ထီၣ်ညီထီၣ်ဝဲ လီၤ. အဂ့ၢ်ဒ်အံၤ, ကစၢ်ယွၤဒုးတူၢ်ဘၣ်အီၤတၢ်လၢကယဲၢ်အတၢ်ဒဲးဘး တဖၣ်အဃိလီၤ. အဖိအလံၤတဖၣ်ဘၣ်တၢ်ဖီၣ်န့ၢ်အီၤဒီးစိာ်ကွံာ်အီၤဆူတၢ်မၢကဲ ကုၢ်အလီၢ်လီၤ.

လံာ်ဒၤနံးယ့လး 1:3

ဒီးစီၤပၤနဘူၤကးန့စၢ်ဟ့ၣ်လီၤအကလုၢ်ဆူအပဒိၣ်ခိၣ်ကျၢၢ် စီၤအၤၡပနးဒ်သိးကဃုထၢန့ၢ်ပှၤသးစၢ်တနီၤလၢအမ့ၢ် စီၤလိၣ်စီၤပၤဒီးပဒိၣ်ပပှၢ်အဒူၣ်ဖိထၢဖိလၢပှၤအံၣ်စရ့လးဖိ လၢအဘၣ်တၢ်စိာ်မၢကဲကုၢ်အီၤတဖၣ်အကျါန့ၣ်လီၤ.

လံာ်မံကၤ 1:16

ကီၢ်ယူဒၤအပှၤဂီၢ်မုၢ်သ့ၣ်ဧၢ, လူၤကွံာ်သုခိၣ်သူလၢတၢ်ဟီၣ် တၢ်ယၢၤအပူၤလၢဖိလၢသုအဲၣ်တဖၣ်အဂီၢ်တက့ၢ်. မၤသု ခိၣ်လ့ၤကဒိဒ်လီတာ်တဖၣ်အသိးတက့ၢ်. အဂ့ၢ်ဒ်အံၤ, သုဖိ တဖၣ်ကဘၣ်တၢ်စိာ်ထီၣ်ကွံာ်အီၤဆူတၢ်မၢကဲကုၢ်အပူၤလီၤ.

လံာ်သိၣ်လီၤသီလီၤတၢ် 28:32

သုဖိခွါတဖၣ်ဒီးဖိမုၣ်တဖၣ်ကဘၣ်တၢ်ဟ့ၣ်လီၤကွံာ်အီၤဆူပှၤ ထံဂၤကီၢ်ဂၤတဖၣ်အစုပူၤဒ်ကုၢ်တဖၣ်အသိးဖဲသုကွၢ်အီၤအဖၢမုၢ်ဒၣ်လဲာ်လီၤ. ကိးမုၢ်နံၤဒဲးန့ၣ်သုမဲာ်ချံတဖၣ်ကလီၤဘှံးကွံာ်ကလီကလီလၢ တၢ်ခိးကွၢ်တၢ်ကလီကလီလၢသုဖိတဖၣ်အတၢ်ဟဲက့ၤကဒါက့ၤအဂီၢ် န့ၣ်လီၤ.