လံာ်သိၣ်လီၤသီလီၤတၢ် 28:40 - Sgaw Karen Common Bible

⁴⁰ သ့ၣ်စၤယံးတဖၣ်ကမဲထီၣ်သကုၤသုထံကီၢ်ပူၤ, ဘၣ်ဆၣ်သုတအိၣ်ဘၣ်ဒီးသ့ၣ်စၤယံးအသိနီတစဲးဘၣ်. မ့ၢ်လၢသ့ၣ်စၤယံးအသၣ်တဖၣ်ကလီၤဆှုကွံာ်အဃိန့ၣ်လီၤ.

လံာ်သိၣ်လီၤသီလီၤတၢ် 28:40 Iomraidhean Croise

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

စံးထီၣ်ပတြၢၤ 23:5

နကတဲာ်ကတီၤစီၢ်နီၤခိၣ်လၢယဂီၢ် လၢယဒုၣ်ယဒါတဖၣ်အမဲာ်ညါလီၤ. နဖှူယခိၣ်လၢသိ, ယလီခီတဖျၢၣ်ပှဲၤလုာ်ကွံာ်လီၤ.

လံာ်ယံးရမံယၤ 11:16

တဘျီန့ၣ်ယကိးအဝဲသ့ၣ်လၢသ့ၣ်စၤယံးတထံးလၢအလၣ်အါ, လၢအပှဲၤဒီးအသၣ်အဃံအလၤတဖၣ်န့ၣ်လီၤ. မ့မ့ၢ်ခဲကနံၣ်အံၤ, ယကဒွဲၣ်အူအလၣ်တဖၣ်လၢမ့ၣ်အူဒီးမၤကၢ်ကွံာ်အဒ့တဖၣ် ခီဖျိတၢ်သီၣ်ထီၣ်တမံၤဒ်လီသီၣ်အသိးန့ၣ်လီၤ.

လံာ်မံကၤ 6:15

သုကဖှံတၢ်ချံဒီးသုတကူးဘၣ်တၢ်မုၢ်တၢ်ဘိဘၣ်. သုကယီၢ်န့ၢ်သိလၢသ့ၣ်စၤယံးအသၣ်ဘၣ်ဆၣ်သုတသူဘၣ်အီၤဘၣ်. သုကမၤကဲထီၣ်စပံးထံဘၣ်ဆၣ်သုတအီဘၣ်အီၤနီတစုဘၣ်.