လံာ်သိၣ်လီၤသီလီၤတၢ် 28:4 - Sgaw Karen Common Bible

⁴ ယွၤကဆိၣ်ဂ့ၤသုလၢဖိတဖၣ်အါအါဂီၢ်ဂီၢ်, ဒီးတၢ်မုၢ်တၢ်ဘိ တၤသူတၤသၣ်အါအါဂီၢ်ဂီၢ်, ဒီးဂီၤဘုၣ်ဂီၤဖံးဒီးသိဂီၢ် မုၢ်ဂီၢ်ပၤန့ၣ်လီၤ.

လံာ်သိၣ်လီၤသီလီၤတၢ် 28:4 Iomraidhean Croise

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 39:5

စးထီၣ်ဖဲန့ၣ်, ယွၤဆိၣ်ဂ့ၤပှၤအဲၤကူပတူးဖိအပှၤဟံၣ်ဖိဃီ ဖိဒီးကယဲၢ်တၢ်အိၣ်လၢအဟံၣ်အဃီပူၤဒီးအစံာ်ပူၤပျီပူၤခဲ လၢာ်လၢစီၤယိၤသးအဃိလီၤ.

လံာ်တၢ်ကဲထီၣ်အခီၣ်ထံး 49:25

အအံၤမ့ၢ်နပၢ်အကစၢ်ယွၤလၢအမၤစၢၤနၤ, သ့တၢ်လၢာ်ကစၢ်ယွၤလၢအဆိၣ်ဂ့ၤနၤ, လၢတၢ်ဆိၣ်ဂ့ၤတဖၣ်အတၢ်စူၤ ထံလၢအဟဲလၢထး, လၢတၢ်ယိာ်ပူၤအထံတဖၣ်လၢအဟဲထီၣ်လၢဟီၣ်ခိၣ်လာ်, တၢ်ဆိၣ်ဂ့ၤတဖၣ်လၢဂီၤဘုၣ်ဂီၤဖံးဒီးဖိတဖၣ်အါအါဂီၢ်ဂီၢ်,

စံးထီၣ်ပတြၢၤ 107:38

မ့ၢ်လၢအတၢ်ဆိၣ်ဂ့ၤဆိၣ်ဝါအဃိ, အပှၤဂီၢ်မုၢ်အါထီၣ်ဂီၢ်ထီၣ်ဒိၣ်မး, ဒီးအဝဲတပျဲအဝဲသ့ၣ်အဆၣ်ဖိကီၢ်ဖိ ဆံးလီၤစှၤလီၤန့ၣ်ဘၣ်.

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

စံးထီၣ်ပတြၢၤ 128:3

နမါကမၤအသးဒ်စပံးမုၢ်လၢအသၣ်ထီၣ်တမုၢ်လၢ နဟံၣ်ပူၤအသိး, ဒီးနဖိနလံၤကမၤအသးဒ် သ့ၣ်စၤယံးအထံးသ့ၣ်တဖၣ် အိၣ်ဝးတရံးနစီၢ်နီၤခိၣ်အသိးန့ၣ်လီၤ.

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 20:7

ဖိတဖၣ်လၢအအိၣ်ဒီးအပၢ်တဂၤလၢအတီအလိၤဒီးမၤတၢ်အဘၣ်န့ၣ်, ဘၣ်ဆိၣ်ဂ့ၤဝဲလီၤ.

လံာ်တၢ်ဘူၣ်ထီၣ်ဘါထီၣ် 26:9

ဒီးယကဆိၣ်ဂ့ၤသုဒီးဟ့ၣ်သုလၢဖိတဖၣ်အါအါဂီၢ်ဂီၢ်လီၤ. ယကဟံးဃာ်ယတၢ်အၢၣ်လီၤအီလီၤလၢယမၤဒီးသုန့ၣ်လီၤ.

လံာ်သိၣ်လီၤသီလီၤတၢ် 28:11

ယွၤကဟ့ၣ်သုလၢဖိတဖၣ်အါအါဂီၢ်ဂီၢ်, ဂီၤဘုၣ်ဂီၤဖံးအါအါ ဂီၢ်ဂီၢ်, ဒီးတၢ်မုၢ်တၢ်ဘိတၤသူတၤသၣ်အါအါကလဲာ်လၢကီၢ် တဘ့ၣ်လၢအဝဲအၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်လၢ ကဟ့ၣ်လီၤသု, အပူၤန့ၣ်လီၤ.

လံာ်သိၣ်လီၤသီလီၤတၢ် 28:18

ယွၤကဆိၣ်အၢသုခီဖျိဟ့ၣ်သုလၢဖိတဖၣ်ထဲစှၤဂၤ, တၢ်မုၢ်တၢ်ဘိ, တၤသူတၤသၣ်ထဲတဆံးတက့ၢ်ဒီးဂီၤဘုၣ်ဂီၤဖံး ဒီးသိထဲစှၤကိာ်ဧိၤန့ၣ်လီၤ.

လံာ်သိၣ်လီၤသီလီၤတၢ် 28:3

ယွၤကဆိၣ်ဂ့ၤသုခူဧိၤဝ့ၢ်ဧိၤတဖၣ်ဒီးသုစံာ်ဧိၤပှဲၤဧိၤ တဖၣ်န့ၣ်လီၤ.

လံာ်သိၣ်လီၤသီလီၤတၢ် 28:5

ယွၤကဆိၣ်ဂ့ၤသုဘုဧိၤဟုဧိၤတဖၣ်ဒီးတၢ်အီၣ်လၢသုကတဲာ်ကတီၤ အီၤလၢတၢ်န့ၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.