လံာ်သိၣ်လီၤသီလီၤတၢ် 28:30 - Sgaw Karen Common Bible

³⁰ သုကမၤတၢ်အၢၣ်လီၤအီလီၤဒီးပိာ်မုၣ်သးစၢ်တဂၤလၢတၢ်တ့တၢ်ဖျီအဂီၢ်, ဘၣ်ဆၣ်ပှၤအဂၤတဂၤဒၣ်ကဖျီအသးဒီးအီၤန့ၣ်လီၤ. သုကဘှီထီၣ်ဟံၣ်တဖျၢၣ်, ဘၣ်ဆၣ်သုတအိၣ်တဆိးဘၣ်လၢအပူၤလ့ၤ တက့ၤဘၣ်. သုကသူၣ်လီၤဖျးလီၤစပံးလီၢ်တလီၢ်, ဘၣ်ဆၣ်သုတအီၣ်ဘၣ်အစပံးသၣ်တဖၣ်လ့ၤတက့ၤဘၣ်.

လံာ်သိၣ်လီၤသီလီၤတၢ် 28:30 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:11

ယဆိၣ်တၢ်ဒီးနၤလၢယကဒုးအိၣ်ထီၣ်ပှၤတဂၤဂၤလၢနဟံၣ်ဖိဃီဖိအကျါ လၢကဟဲစိာ်တၢ်ကီတၢ်ခဲလၢနလိၤန့ၣ်လီၤ. နကထံၣ်ဘၣ်တၢ်န့ၣ်ဖဲယဟံးန့ၢ်ကွံာ်နမါတဖၣ်လၢနအိၣ် ဒီးဟ့ၣ်လီၤကွံာ်အဝဲသ့ၣ်ဆူပှၤအဂၤတဂၤအအိၣ်အခါ, ဒီးအဝဲကမံဃုာ်ဂဲၤဃုာ်ဒီးပိာ်မုၣ်တဖၣ်န့ၣ်လၢကမျၢၢ်အမဲာ်ညါ ဖဲမုၢ်ဆါအကတီၢ်န့ၣ်လီၤ.

လံာ်စီၤယိၤဘး 20:18

ကယဲၢ်တၢ်လၢအမၤတ့ၢ်ဝဲလၢအဂီၢ်ခဲလၢာ်န့ၣ် ကဟ့ၣ် လီၤကွံာ်ဝဲဒီး ကမုာ်လၤသးခုလၢအတၢ် ထူးတၢ်တီၤအပူၤအတၢ်ခွဲးတၢ်ယာ်တအိၣ်ဘၣ်

လံာ်စီၤယိၤဘး 3:18

ဖဲန့ၣ်ပှၤဘၣ်တၢ်စၢဃာ်ဖိတဖၣ်ဒၣ်လဲာ်အိၣ်မုာ်အိၣ်ခုၣ်တပူၤဃီ, တနၢ်ဟူဘၣ်တၢ်မၤကိၢ်မၤဂီၤအသီၣ်လၢၤဘၣ်.

လံာ်စီၤယိၤဘး 31:10

မ်ယမါမၤဒုးအီၣ်ဒုးအီပှၤအဂၤတဂၤဒီးမံဃုာ်ဒီးအီၤတ က့ၢ်.

လံာ်ယၡါယၤ 62:8

ယွၤမၤတ့ၢ်တၢ်အၢၣ်လီၤအီလီၤသမှံၤသပှၢ်တမံၤ, ဒီးလၢအစိကမီၤဒၣ်ဝဲန့ၣ်ကဒုးကဲထီၣ်လိၣ်ထီၣ်ဝဲလီၤ. အဝဲစံးဝဲဒၣ်လၢ, နဘုဧိၤဟုဧိၤတကဲထီၣ်လၢၤဘၣ်တၢ်အီၣ် လၢနဒုၣ်နဒါတဖၣ်အဂီၢ်, ဒီးပှၤတခီဘီမုၢ်ဖိတဖၣ်တအီလၢၤဘၣ်နစပံးထံဘၣ်.

လံာ်ယံးရမံယၤ 12:13

ယပှၤဂီၢ်မုၢ်သူၣ်လီၤတ့ၢ်ဘုကၠူၣ်ဘၣ်ဆၣ်ကူး က့ၤနီၣ်ဧိၤမံၤဧိၤလီၤ. အဝဲသ့ၣ်မၤတၢ်ဆူၣ်မးဘၣ်ဆၣ်တမၤန့ၢ် တၢ်နီတမံၤဘၣ်. လၢယတၢ်သးကဲၤထီၣ်အဃိ, အဝဲသ့ၣ်အတၤသူတၤသၣ် တကဲထီၣ်လိၣ်ထီၣ်ဝဲဘၣ်.”

လံာ်ယံးရမံယၤ 6:12

အဝဲသ့ၣ်အဟံၣ်တဖၣ်ကဘၣ်တၢ်ဟ့ၣ်လီၤ ကွံာ်အီၤဆူပှၤဂၤတဖၣ်အစုပူၤ, ဒီးဒ်န့ၣ်အသိး, အစံာ်ပှဲၤတဖၣ်ဒီးအမါတဖၣ်စ့ၢ်ကီး န့ၣ်လီၤ. ယကစံၣ်ညီၣ်ပှၤဂီၢ်မုၢ်လၢကီၢ်အံၤအပူၤလီၤ.

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်သးသယုၢ်တၢ် 5:11

ပမါတဖၣ်ဘၣ်တၢ်မၤဆူၣ်မၤစိးအီၤလၢကစၢၢ်စံယိၣ်အလိၤဒၣ်ဝဲ, လၢကီၢ်ယူဒၤအဒူသဝီခဲလၢာ်အပူၤ, ဒီးပဖိမုၣ်တဖၣ်ဘၣ်တၢ်မၤ နၢၤတရီတပါအီၤလီၤ.

လံာ်သးသယုၢ်တၢ် 5:2

ပတၢ်စုလီၢ်ခီၣ်ခိၣ်န့ၣ်အိၣ်လၢပှၤတခီဘီမုၢ်ဖိတဖၣ် အစုပူၤလီၤ. ပှၤတခီဘီမုၢ်ဖိတဖၣ်အိၣ်ဆိးဝဲလၢ ပဟံၣ်တဖၣ်အပူၤလီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်ဧၤမိၣ် 5:11

သုမၤအၢမၤနးတ့ၢ်လံပှၤဖှီၣ်ဖိယာ်ဖိဒီးဂုာ် ဆူၣ်ပျီဆူၣ်အဘုဧိၤဟုဧိၤလီၤ. မၤသးဒ်န့ၣ်ဒီး, သုတအိၣ်ဘၣ်လၢဟံၣ်တဖၣ်လၢသုမၤအီၤလၢလၢၢ်ဂ့ၤ မ့ၢ်ဂ့ၤ, သုတအီဘၣ်စပံးထံဟဲလၢစပံးလီၢ်အဃံအလၤလၢသုသူၣ်လီၤဖျး လီၤမ့ၢ်ဂ့ၤန့ၣ်ဘၣ်.

လံာ်မံကၤ 6:15

သုကဖှံတၢ်ချံဒီးသုတကူးဘၣ်တၢ်မုၢ်တၢ်ဘိဘၣ်. သုကယီၢ်န့ၢ်သိလၢသ့ၣ်စၤယံးအသၣ်ဘၣ်ဆၣ်သုတသူဘၣ်အီၤဘၣ်. သုကမၤကဲထီၣ်စပံးထံဘၣ်ဆၣ်သုတအီဘၣ်အီၤနီတစုဘၣ်.

လံာ်ဃဘးကူာ် 3:17

ချၢၣ်ဒၢမ့ၢ်တဆှိးဘၣ်ဆၣ်, တၤသၣ်မ့ၢ်တအိၣ်လၢ စပံးမုၢ်အလိၤဘၣ်ဆၣ်, သ့ၣ်စၤယံးအသၣ်မ့ၢ်လီၤဘီဘၣ်ဆၣ်, ဒီးစံာ်ဧိၤပှဲၤဧိၤမ့ၢ်တဟ့ၣ်ထီၣ်ဘုဧိၤဟုဧိၤဘၣ်ဆၣ်, ကယဲၢ်သိတဖၣ်ဒၣ်လဲာ်မ့ၢ်သံကွံာ် ဒီးဂီၤဘုၣ်ဂီၤဖံးတအိၣ်လၢကပိၤတဖၣ်အပူၤဘၣ်ဆၣ်,

လံာ်စဖါနယၤ 1:13

အတၢ်ဖိတၢ်လံၤဒီးအဟံၣ်အဃီသ့ၣ်တဖၣ်ကဘၣ်တၢ်ဂုာ်ဆူၣ်ပျီဆူၣ် ဒီးမၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်ဘၣ်လၢၤလၢဟံၣ်လၢအသူၣ်ထီၣ်ဝဲမ့ၢ်ဂ့ၤ, တအီဘၣ် လၢၤစပံးထံလၢစပံးမုၢ်လၢအသူၣ်လီၤဝဲသ့ၣ်တဖၣ်မ့ၢ်ဂ့ၤနီတဘျီဘၣ်.”

လံာ်သိၣ်လီၤသီလီၤတၢ် 28:31

သုဂီၤဘုၣ်ဂီၤဖံးကဘၣ်တၢ်မၤသံကွံာ်အီၤဖဲဒၣ်သုမဲာ်ညါ, ဘၣ်ဆၣ်သုတအီၣ်ဘၣ်တၢ်ညၣ်နီတစဲးဘၣ်. သုကသ့ၣ်ယီၤတဖၣ်ကဘၣ်တၢ်မိၤကွံာ်အီၤဖဲသုကွၢ်အီၤအဖၢမုၢ်ဒၣ် လဲာ်, ဒီးအဝဲသ့ၣ်တဘၣ်တၢ်ဟ့ၣ်ကဒါက့ၤဘၣ်အီၤဆူသု အိၣ်ဘၣ်. သုသိတဖၣ်ကဘၣ်တၢ်ဟ့ၣ်ကွံာ်အီၤဆူသုဒုၣ်သုဒါတဖၣ်, ဒီးပှၤလၢအကမၤစၢၤသုတအိၣ်ဘၣ်နီတဂၤဘၣ်.