လံာ်သိၣ်လီၤသီလီၤတၢ် 28:27 - Sgaw Karen Common Bible

²⁷ ယွၤကဒုးလီၤဘၣ်တၢ်ဝ့တဖၣ်လၢသုလိၤ, ဒ်အမၤတ့ၢ်ဝဲလၢပှၤအဲၤကူပတူးဖိတဖၣ်အလိၤအသိးန့ၣ်လီၤ. အဝဲကမၤပှဲၤသုနီၢ်ခိဒီဂၤညါဒီးတၢ်ပူၤလီၢ်တဖၣ်လီၤ. သုကဘၣ်တၢ်လုၣ်ဘၢသုဒီးတၢ်သးဃ့တဖၣ်ဒီးတၢ်ကသးသု, ဘၣ်ဆၣ်တၢ်မၤဘျါက့ၤသုတအိၣ်ဘၣ်နီတမံၤဘၣ်.

လံာ်သိၣ်လီၤသီလီၤတၢ် 28:27 Iomraidhean Croise

စံးထီၣ်ပတြၢၤ 78:66

အဝဲနီၣ်ကဒါက့ၤအဒုၣ်အဒါတဖၣ် လၢတၢ်မဲာ်ဆှးအတၢ်ဃၣ်ကွံာ်လီၤထူလီၤယိာ်န့ၣ်လီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်တၢ်ဟးထီၣ်ကွံာ် 9:10

လၢတၢ်န့ၣ်အဃိအဝဲသ့ၣ်ဟံးန့ၢ်ဖၣ်ကပူၤအဖၣ်ဆါတနီၤဒီးဆၢထၢၣ် လၢစီၤပၤအမဲာ်ညါန့ၣ်လီၤ. စီၤမိၤၡ့ဖှံထီၣ်အီၤဆူကလံၤကျါဒီးဒုးအိၣ်ထီၣ်တၢ်ဝ့တၢ် ကျူၤလၢအကဲထီၣ်တၢ်ပူၤလီၢ်လၢပှၤဂီၢ်မုၢ်ဒီးဆၣ်ဖိကီၢ်ဖိတဖၣ်အလိၤန့ၣ်လီၤ.

လံာ်တၢ်ဟးထီၣ်ကွံာ် 9:11

ဒီးပှၤမၤကဒါပှၤမဲာ်တဖၣ်န့ၣ်ဟဲထီၣ်ဆူစီၤမိၤၡ့မဲာ်ညါတကဲဘၣ် လၢအဝဲသ့ၣ်ပှဲၤဒီးတၢ်ဝ့တၢ်ကျူၤဒ်ပှၤအဲၤကူပတူးဖိအဂၤတဖၣ်အသိးအဃိန့ၣ်လီၤ.

လံာ်တၢ်ဟးထီၣ်ကွံာ် 9:9

ဒီးကရၤလီၤအသးဒ်တၢ်ကမူၣ်အသိးလၢကီၢ်အဲၤကူပတူးဒီကီၢ်ညါ အဖီခိၣ်, ဒီးကဒုးအိၣ်ထီၣ်တၢ်ဝ့တၢ်ကျူၤလၢအကဲထီၣ်တၢ်ပူၤလီၢ်လၢပှၤ ကညီဒီးဆၣ်ဖိကီၢ်ဖိတဖၣ်အလိၤန့ၣ်လီၤ.”

လံာ်ယၡါယၤ 3:17

ဘၣ်ဆၣ်ဒီးယကစံၣ်ညီၣ်အဝဲသ့ၣ်, ယကလူၤကျိကွံာ်အခိၣ်တဖၣ်ဒီးပာ်အီၤလ့ၤကဒိလီၤ.”

လံာ်ဧၤမိၣ် 4:10

ယမၢလီၤတၢ်သံသတြိာ်လၢသုကျါဒ်ယမၤတ့ၢ်လၢကီၢ်အဲၤကူပတူး အသိးန့ၣ်လီၤ. ယမၤသံကွံာ်သုပှၤသးစၢ်တဖၣ်လၢတၢ်ဒုးတၢ်ယၤ အပူၤဒီးစိာ်ကွံာ်သုကသ့ၣ်တဖၣ်န့ၣ်လီၤ. ယမၤပှဲၤသုနါဒ့တဖၣ်ဒီးတၢ်သံစိၣ်အတၢ်နၢအုၣ်လၢသုသူၣ်ဒဲ လီၢ်တဖၣ်အပူၤလီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်သိၣ်လီၤသီလီၤတၢ် 28:28

ယွၤကမၤလီၤမၢ်ကွံာ်သုသးလၢအသ့ၣ်ညါတၢ်သ့, အဝဲကတီၢ်သုဒီးတၢ်မဲာ်ဘျီၣ်ဒီးတၢ်သးကဒံကဒါလီၤ.

လံာ်သိၣ်လီၤသီလီၤတၢ် 28:35

ယွၤကမၤပှဲၤသုခီၣ်တဖၣ်ဒီးတၢ်ပူၤလီၢ်လၢအဆါမးဒီးတၢ်မၤဘျါအီၤတန့ၢ်တဖၣ်လီၤ. သုကအိၣ်ပှဲၤဒီးတၢ်ဝ့တဖၣ်စးထီၣ်လၢသုခိၣ်တုၤလၢသုခီၣ်န့ၣ်လီၤ.

လံာ်သိၣ်လီၤသီလီၤတၢ် 7:15

ယွၤကအိၣ်ပှိၤဒီဒၣ်သုလၢကယဲၢ်တၢ်ဆူးတၢ်ဆါခဲလၢာ်, ဒီးအဝဲတဒုးလီၤတၢ်ဆါလီၤပျံၤလီၤဖုးတဖၣ်လၢသုလိၤနီ တမံၤဒ်သုလဲၤခီဖျိဘၣ်တ့ၢ်အီၤလၢကီၢ်အဲၤကူပတူးအပူၤအသိး န့ၣ်ဘၣ်. မ့မ့ၢ်အဝဲကဒုးလီၤဘၣ်တၢ်န့ၣ်ခဲလၢာ်လၢသုဒုၣ်သုဒါတဖၣ် အလိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:12

ပှၤလၢအတသံဘၣ်တဖၣ်ဒၣ်လဲာ်န့ၣ်, ဒိးဘၣ်တၢ်ဆါအချံထီၣ်ဒီးညိးတဖၣ်ဒီး ပှၤဂီၢ်မုၢ်ကိးပသူထီၣ်ဆူအကစၢ်တဖၣ်အအိၣ်လၢတၢ်မၤစၢၤ အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:6

ယွၤစံၣ်ညီၣ်ဝ့ၢ်အၤစဒိးအပှၤဂီၢ်မုၢ်တဖၣ်ဆါဆါကလဲာ်ဒီးမၤပျံၤမၤဖုးအီၤလီၤ. ယွၤစံၣ်ညီၣ်အဝဲသ့ၣ်ဒီးကယဲၢ်ပှၤအိၣ်ဝးတရံးဖဲတၢ်လီၢ်န့ၣ် ခီဖျိတၢ်ဒုးလီၤဘၣ်အဝဲသ့ၣ်လၢ ကအိၣ်ဒီးတၢ်ဆါအချံထီၣ်ဒီးညိး တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:9

ဘၣ်ဆၣ်ဒီးဖဲအလဲၤတုၤဃီၤဖဲန့ၣ်န့ၣ်, ယွၤစံၣ်ညီၣ်စ့ၢ်ကီး ဝ့ၢ်အဝဲန့ၣ်, ဒီးဒုးအိၣ်ထီၣ်တၢ်ပျံၤတၢ်ဖုးဖးဒိၣ်လီၤ. အဝဲစံၣ်ညီၣ်အဝဲသ့ၣ်လၢတၢ်ဆါအချံထီၣ်ဒီးညိးတဖၣ်လၢအဘၣ်လၢ ကယဲၢ်ပှၤဝ့ၢ်ဖိခဲလၢာ်သးပှၢ်သးစၢ်ကိးဂၤဒဲးန့ၣ်လီၤ.