လံာ်သိၣ်လီၤသီလီၤတၢ် 28:26 - Sgaw Karen Common Bible

²⁶ ဖဲသုသံန့ၣ်, ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်ကဟဲဒီးအီၣ် ကွံာ်သုစိၣ်တဖၣ်, ဒီးပှၤတအိၣ်ဘၣ်နီတဂၤလၢကမၤပျံၤမၤဖုးဒီးဃါကွံာ်အဝဲသ့ၣ် န့ၣ်ဘၣ်.

လံာ်သိၣ်လီၤသီလီၤတၢ် 28:26 Iomraidhean Croise

တၢ်ကတိၤဒိ. 30:17

ပှၤတဂၤလၢ်လၢ်လၢအမၤကလိာ်ကလာ်အပၢ်ဒီးသးဘၣ်အၢ အမိၢ်ဖဲအသးပှၢ်ထီၣ်အဆၢကတီၢ်န့ၣ်, ကြၢးလီတာ်တဖၣ်အီၣ်အီၤမ့ၢ်ဂ့ၤ, ကြၢးလၢအမဲာ်ချံတဖၣ်ဘၣ်တၢ် အူခွဲးထီၣ်အီၤလၢစိးဝၣ်ဃးအမံၤတဖၣ်မ့ၢ်ဂ့ၤန့ၣ်လီၤ.

လံာ်ယၡါယၤ 34:3

အဝဲသ့ၣ်အစိၣ်တဖၣ်တဘၣ်တၢ်ခူၣ်လီၤအီၤဘၣ်. ကအိၣ်ဒၣ်ဖဲန့ၣ်, အုၣ်သံကျၣ်သံနၢအုၣ်နၢပူး, ဒီးကစၢၢ်ကလိ တဖၣ်ကဂီၤဝဲဒီးတၢ်သွံၣ်လီၤ.

လံာ်ယံးရမံယၤ 15:3

ယၤယွၤအံၤ, စံၣ်ညီၣ်တဲာ်တ့ၢ်လံလၢတၢ်လီၤပျံၤလီၤဖုးလွံၢ်မံၤ ကမၤသးဒီးအဝဲသ့ၣ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤလၢ တၢ်ဒုးတၢ်ယၤအပူၤ, အဝဲသ့ၣ်အစိၣ်တဖၣ်ကဘၣ်တၢ်တွံၢ်ကွံာ်အီၤ လၢထွံၣ်တဖၣ်, ထိၣ်တဖၣ်ကအီၣ်ကွံာ်အဝဲသ့ၣ်, ဒီးဆၣ်ဖိကီၢ်ဖိ အမံၤတဖၣ်ကအီၣ်ကွံာ်တၢ်လၢအအိၣ်လီၤတဲာ်န့ၣ်လီၤ.

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်ယံးရမံယၤ 19:7

ဖဲတၢ်လီၢ်အံၤအပူၤန့ၣ်, ယကမၤသဘံၣ်ဘုၣ်ကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်အတၢ်ကူၣ်ကျဲၤခဲလၢာ်န့ၣ်လီၤ. ယကပျဲအဝဲသ့ၣ်အဒုၣ်အဒါတဖၣ်မၤနၢၤအဝဲသ့ၣ်ဒီးမၤသံအဝဲသ့ၣ်လၢ တၢ်ဒုးတၢ်ယၤအပူၤန့ၣ်လီၤ. ယကဟ့ၣ်လီၤအဝဲသ့ၣ်အစိၣ်တဖၣ်ဆူ ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်အအိၣ်ဒ်တၢ်အီၣ်အသိးန့ၣ်လီၤ.

လံာ်ယံးရမံယၤ 34:20

ယကဟ့ၣ်လီၤအဝဲသ့ၣ်ဆူ အဒုၣ်အဒါတဖၣ်လၢအသးအိၣ်မၤသံကွံာ် အဝဲသ့ၣ်အစုပူၤ, ဒီးအဝဲသ့ၣ်အစိၣ်တဖၣ်န့ၣ်, ထိၣ်ဒီး ဆၣ်ဖိကီၢ်ဖိ အမံၤတဖၣ်ကအီၣ်ကွံာ်အီၤန့ၣ်လီၤ.

လံာ်ယံးရမံယၤ 7:33

တၢ်စိၣ်တဖၣ်ကကဲထီၣ်တၢ်အီၣ်လၢထိၣ်တဖၣ်ဒီးဆၣ်ဖိကီၢ်ဖိအမံၤ တဖၣ်အဂီၢ်, ဒီးပှၤလၢကဃါပျံၤဃါဖုးကွံာ်အီၤတအိၣ်နီတဂၤဘၣ်.

လံာ်ယံးရမံယၤ 8:1

ဖဲဆၢကတီၢ်အဝဲန့ၣ်, ကီၢ်ယူဒၤအစီၤပၤတဖၣ်ဒီး အပဒိၣ်ပပှၢ်အဃံတဖၣ်, ဒီးဒ်န့ၣ်အသိး, ပှၤလုၢ်တၢ်အခိၣ်တဖၣ်, ဝံတဖၣ်, ဒီးပှၤဂီၢ်မုၢ်အဂၤလၢအအိၣ်လၢ ဝ့ၢ်ယရူၤၡလ့ၣ်အပူၤအဃံတဖၣ်, ကဘၣ်တၢ်ဟံးထီၣ်ကွံာ်အီၤလၢအ ဝဲသ့ၣ်အသွၣ်ခိၣ်တဖၣ်အပူၤန့ၣ်လီၤ.