လံာ်သိၣ်လီၤသီလီၤတၢ် 28:25 - Sgaw Karen Common Bible

²⁵ ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 28:25 Iomraidhean Croise

လံာ်စီၤပၤအခီၣ်ထံးတဘ့ၣ် 8:33

တုၤနပှၤဂီၢ်မုၢ်အံၣ်စရ့လးဘၣ်တၢ်မၤနၢၤအီၤလၢအဝဲသ့ၣ်အဒုၣ် အဒါတဖၣ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးထီဒါနၤအဃိဒီး, တုၤအဃၣ်က့ၤအသးဆူနအိၣ်ဒီးဟဲက့ၤဆူ ယွၤအတၢ်လုၢ်ဟံၣ်အံၤဒီးဘါထုကဖၣ်ဆူနၤလၢတၢ်ဆီၣ်လီၤသး အပူၤလၢတၢ်ပျၢ်တၢ်ကမၣ်အဂီၢ်န့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 28:8

ပှၤယူဒၤဖိတဖၣ်မ့မ့ၢ်ပှၤထံဖိကီၢ်ဖိကဒဲကဒဲဒီးအဝဲသ့ၣ် ဒၣ်လဲာ်, ပှၤအံၣ်စရ့လးအသုးမုၢ်ဖီၣ်န့ၢ်ဝဲပှၤပိာ်မုၣ်ဒီးပှၤဖိသၣ်အ ဂၤခံကလး ဒ်ပှၤဘၣ်တၢ်စၢဃာ်အသိး, ဒီးက့ၤကိးအဝဲသ့ၣ်ဆူ ကီၢ်ၡၤမရံဒီးတၢ်ဂုာ်န့ၢ်အါအါဂီၢ်ဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:8

လၢတၢ်အံၤအဃိယွၤသးထီၣ်ဘၣ်ကီၢ်ယူဒၤဒီးဝ့ၢ်ယရူၤၡလ့ၣ်, ဒီးတၢ်လၢယွၤမၤဘၣ်အဝဲသ့ၣ်န့ၣ်ဒုးကမၢကမၣ်မၤပျံၤမၤဖုး ပှၤကိးဂၤဒဲးန့ၣ်လီၤ. သုသ့ၣ်ညါတၢ်အံၤဂ့ၤဂ့ၤဘၣ်ဘၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:24

ဖဲနပှၤဂီၢ်မုၢ်အံၣ်စရ့လးဘၣ်တၢ်မၤနၢၤကွံာ်အီၤလၢအဝဲသ့ၣ် အဒုၣ်အဒါတဖၣ်, မ့ၢ်လၢအဝဲသ့ၣ်မၤတၢ်ဒဲးဘးထီဒါနၤအဃိ, ဒီးဖဲအဝဲသ့ၣ်ဃၣ်က့ၤအသးဆူနအိၣ်ဒီးဟဲဆူယွၤအတၢ်လုၢ်ဟံၣ် အံၤ, ဃ့ဘါထုကဖၣ်အိၣ်ဒီးတၢ်ဆီၣ်လီၤသးလၢနကပျၢ်အတၢ်ဒဲးဘးန့ၣ်,

လံာ်ယၡါယၤ 30:17

သုပှၤလၢအကထိတဖၣ်ကဃ့ၢ်ကွံာ်ဝဲဖဲသုထံၣ်သုဒုၣ်သုဒါသုးဖိ ထဲတဂၤဧိၤဒၣ်လဲာ်, ဒီးသုးဖိယဲၢ်ဂၤဧိၤကလၢဝဲလၢတၢ်ဒုးဃ့ၢ်ကွံာ် သုခဲလၢာ်အဂီၢ်န့ၣ်လီၤ. တၢ်တအိၣ်တီၢ်နီတမံၤလၢၤဘၣ်လၢသု သုးမုၢ်ဒီဖုအပူၤဘၣ်. ကအိၣ်တီၢ်ဒၣ်ထဲနီၣ်တယၢ်အတၢၣ်တဘိ ဧိၤလၢကစၢၢ်တဖျၢၣ်အဒီခိၣ်လီၤ.

လံာ်ယံးရမံယၤ 19:7

ဖဲတၢ်လီၢ်အံၤအပူၤန့ၣ်, ယကမၤသဘံၣ်ဘုၣ်ကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်အတၢ်ကူၣ်ကျဲၤခဲလၢာ်န့ၣ်လီၤ. ယကပျဲအဝဲသ့ၣ်အဒုၣ်အဒါတဖၣ်မၤနၢၤအဝဲသ့ၣ်ဒီးမၤသံအဝဲသ့ၣ်လၢ တၢ်ဒုးတၢ်ယၤအပူၤန့ၣ်လီၤ. ယကဟ့ၣ်လီၤအဝဲသ့ၣ်အစိၣ်တဖၣ်ဆူ ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်အအိၣ်ဒ်တၢ်အီၣ်အသိးန့ၣ်လီၤ.

လံာ်ယံးရမံယၤ 24:9

ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.

လံာ်ယံးရမံယၤ 29:18

ယကလူၤအဝဲသ့ၣ်လၢ တၢ်ဒုးတၢ်ယၤ, တၢ်သၣ်ဝံၤ လီၤဒိ, ဒီးတၢ်ဆူးတၢ်ဆါဒီး ကယဲၢ်ပှၤကလုာ်လၢ ဟီၣ်ခိၣ်ချၢကဘၣ် တၢ်မၤပျံၤမၤဖုးအီၤလၢ တၢ်လၢ အဝဲသ့ၣ်ထံၣ်ဘၣ်ဝဲအဃိန့ၣ်လီၤ. တပူၤလၢ်လၢ် ဖဲယမၤလီၤပြံလီၤပြါအဝဲသ့ၣ်န့ၣ် ပှၤဂီၢ်မုၢ်ကကမၢကမၣ်ဒီး အိၣ်ဒီးတၢ်ပျံၤတၢ်ဖုးလၢ တၢ်လၢအမၤတ့ၢ်အသးဒီး အဝဲသ့ၣ်အဃိန့ၣ်လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်ဒီး သူအဝဲသ့ၣ်အမံၤဒ် တၢ်ဆိၣ်အၢ တမံၤအသိးန့ၣ်လီၤ.

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်ယဃ့းစက့လး 23:46

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “ဟဲစိာ်ပှၤဂီၢ်မုၢ်တဖုလၢအတၢထီၣ်တၢလီၤဒ်သိးကမၤပျံၤမၤ ဖုးအဝဲသ့ၣ်ဒီးဂုာ်န့ၢ်ဆူၣ်အဝဲသ့ၣ်န့ၣ်တက့ၢ်.

လံာ်ဟိၤၡ့ 8:3

အဝဲသ့ၣ်စူးကွံာ်ညိကွံာ်တၢ်လၢအဂ့ၤလီၤ. လၢတၢ်အံၤအဃိ, အဒုၣ်အဒါတဖၣ်ကလူၤသဖှိအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်သိၣ်လီၤသီလီၤတၢ် 28:7

ယွၤကမၤနၢၤကွံာ်သုဒုၣ်သုဒါတဖၣ်ဖဲအဝဲသ့ၣ်ဟဲထီၣ်ဒုးသု န့ၣ်လီၤ. အဝဲသ့ၣ်ကဟဲထီၣ်ဒုးသုထဲလၢကျိၤကျဲတကျိၤဧိၤ, ဘၣ်ဆၣ်အဝဲသ့ၣ်ကဃ့ၢ်ကွံာ်လၢသုအိၣ်လၢကျိၤကျဲခဲလၢာ်အပူၤ န့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.

လံာ်စီၤယိၤၡူ 7:4

အန့ၣ်ဒီး, ပှၤအံၣ်စရ့လးဖိသၢကထိဃၣ်ဃၣ်လဲၤထီၣ်ဒုးတၢ်, ဘၣ်ဆၣ်ဒီးအဝဲသ့ၣ်ဘၣ်ဃ့ၢ်ဝဲလၢပှၤဝ့ၢ်ဂဲဖိအမဲာ်ညါန့ၣ်လီၤ.

လံာ်ပှၤစံၣ်ညီၣ်ကွီၢ် 2:14

လၢတၢ်န့ၣ်အဃိယွၤအသးကဲၤထီၣ်ဘၣ်ပှၤအံၣ်စရ့လးဖိဒီးပျဲပှၤ ဂုာ်ဆူၣ်ပျီဆူၣ်တၢ် တဖၣ်ဒုးအီၤဒီးဂုာ်ဆူၣ်န့ၢ်အတၢ်လီၤ. ဒီးယွၤပျဲဒုၣ်ဒါအိၣ်ဝးတရံးတဖၣ်ဒိၣ်စိလၢအဝဲသ့ၣ်အဖီခိၣ် န့ၣ်လီၤ. ဒီးပှၤအံၣ်စရ့လးဖိတဖၣ်ဒီဒၣ်အိၣ်ပှိၤလီၤက့ၤအသးတန့ၢ်လၢၤဘၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:10

ပှၤဖလ့ၡသးဖိတဖၣ်ဒုးတၢ်ဆူၣ်ဆူၣ်ဒီးမၤနၢၤကွံာ်ပှၤအံၣ်စရ့လးဖိလၢအက့ၤဃ့ၢ်ဆူ အဟံၣ်တဖၣ်အအိၣ်န့ၣ်လီၤ. တၢ်မၤသံမၤဝီဖးဒိၣ်အိၣ်ဝဲဒီးပှၤအံၣ်စရ့လးသုးဖိသၢကလး ဘၣ်တၢ်မၤသံကွံာ်အီၤန့ၣ်လီၤ.