လံာ်သိၣ်လီၤသီလီၤတၢ် 28:22 - Sgaw Karen Common Bible

²² ယွၤကတီၢ်သုဒီးတၢ်ဆူးတၢ်ဆါတဖၣ်လၢအဘၣ်ကူဘၣ်ဂာ်တၢ်သ့, အိၣ်ဒီးတၢ်ညိးထီၣ်ဒီးတၢ်လိၤကိၢ်, အဝဲကဆှၢလီၤတၢ်ယီၤဃ့ဒီးကလံၤကိၢ်တဖၣ်လၢကမၤဟးဂီၤကွံာ် သုတၢ်မုၢ်တၢ်ဘိတဖၣ်န့ၣ်လီၤ. တၢ်တတၢးတနါတဖၣ်အံၤကအိၣ်ဒီးသုတုၤလီၤလၢသုသံတစုန့ၣ်လီၤ.

လံာ်သိၣ်လီၤသီလီၤတၢ် 28:22 Iomraidhean Croise

လံာ်စီၤပၤအခီၣ်ထံးတဘ့ၣ် 17:7

တယံာ်ဘၣ်အလီၢ်ခံန့ၣ်ထံကျိဖိလီၤသံးကွံာ်ဝဲမ့ၢ်လၢတၢ်တဟဲ စူၤဘၣ်အဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:37

လၢကီၢ်အံၤအပူၤဖဲတၢ်သၣ်ဝံၤလီၤဒိအိၣ်ထီၣ်အံၤမ့ၢ်ဂ့ၤ, တၢ်သံသတြိာ်တမံၤမၤအသးမ့ၢ်ဂ့ၤ, တၢ်မုၢ်တၢ်ဘိတဖၣ်ဘၣ်တၢ်မၤဟးဂီၤကွံာ်အီၤလၢကလံၤမုၢ်ကိၢ် အဃိမ့ၢ်ဂ့ၤ, လၢဒွဲၣ်အဖုအဂီၢ်အဃိမ့ၢ်ဂ့ၤ, ဒီးဖဲနပှၤဂီၢ်မုၢ်ဘၣ်တၢ်ထီဒါအီၤလၢအဝဲသ့ၣ်အဒုၣ်အဒါတဖၣ် အခါမ့ၢ်ဂ့ၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 6:28

တုၤတၢ်သၣ်ဝံၤလီၤဒိအိၣ်ထီၣ်လၢထံဧိၤကီၢ်ဧိၤအပူၤမ့ၢ်ဂ့ၤ, တၢ်ဆါသံသတြိာ်တမံၤမ့ၢ်ဂ့ၤ, တၢ်မုၢ်တၢ်ဘိတဖၣ်ဘၣ်တၢ်မၤဟး ဂီၤအီၤလၢကလံၤကိၢ်မ့တမ့ၢ်ဒွဲၣ်ဧိၤတကံၤဧိၤအဖုအဂီၢ်တဖၣ် မ့ၢ်ဂ့ၤ, ဖဲနပှၤဂီၢ်မုၢ်ဘၣ်တၢ်ထီဒါအီၤလၢအဝဲသ့ၣ်အဒုၣ်အဒါတဖၣ်မ့ၢ် ဂ့ၤ, ဖဲတၢ်ဆူးတၢ်ဆါမ့တမ့ၢ်တၢ်ဆိးက့အိၣ်လၢအဝဲသ့ၣ်အကျါမ့ၢ် ဂ့ၤ,

လံာ်ယံးရမံယၤ 14:12

အဝဲသ့ၣ်မ့ၢ်ဒုၣ်တၢ်အီၣ်တၢ်အီဒၣ်လဲာ်, ယတဒိကနၣ်အဝဲသ့ၣ် အတၢ်ကိးထီၣ်လၢတၢ်မၤစၢၤအဂီၢ်ဘၣ်. အဝဲသ့ၣ်မ့ၢ်လုၢ်ထီၣ်ယၤ လၢတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤတဖၣ်ဒၣ်လဲာ်, တမ့ၢ်ယကဘၣ်သူၣ်ဘၣ်သးလၢအဝဲသ့ၣ်န့ၣ်ဘၣ်. အခိၣ်တလိာ်, ယကမၤသံအဝဲသ့ၣ်လၢတၢ်ဒုးတၢ်ယၤအပူၤ, ဒီးခီဖျိတၢ်သၣ်ဝံၤ လီၤဒိဒီးတၢ်ဆူးတၢ်ဆါန့ၣ်လီၤ.”

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:16

ယကစံၣ်ညီၣ်သုလီၤ. ယကဟဲစိာ်တၢ်နးတၢ်ဖှီၣ်လၢသုလိၤဒ်တၢ်ဆါလၢအဘျါတသ့, တၢ်လိၤကိၢ်လၢအကမၤဘျီၣ်သုမဲာ်, ဒီးဟံးထီၣ်ကွံာ်သုသးသမူန့ၣ်လီၤ. သုကသူၣ်လီၤဖျးလီၤဘုဧိၤဟုဧိၤဘၣ်ဆၣ်ကကဲထီၣ်တၢ်ကလီကလီလီၤ. အဂ့ၢ်ဒ်အံၤ, သုဒုၣ်သုဒါကမၤနၢၤသုဒီးအီၣ်ကွံာ်တၢ်လၢသုသူၣ်လီၤတဖၣ်န့ၣ်လီၤ.

လံာ်ဧၤမိၣ် 4:9

ယဆှၢလီၤကလံၤကိၢ်လၢကအူဃ့ထီကွံာ်သုဘုဧိၤဟုဧိၤတဖၣ်လီၤ. ဒွဲၣ်ကၤစၣ်တဖၣ်အီၣ်လၢာ်ကွံာ်ကယဲၢ်သုတၤသၣ်အလီၢ်တဖၣ်, သုစပံးမုၢ်, သုချၢၣ်ဒၢဒီးသုသ့ၣ်စၤယံးအလီၢ်န့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်ဃးကဲ 1:11

ယမၢလီၤတ့ၢ်တၢ်ယီၤဃ့လီၤဘၣ်လၢထံဧိၤကီၢ်ဧိၤအလိၤ, လၢအတၢ်လူၢ်တဖၣ်အလိၤ, စံာ်ဧိၤပျီဧိၤ, စပံးလီၢ်တဖၣ်ဒီးသ့ၣ်စၤယံးအကရၢၢ်တဖၣ်အလိၤ, လၢကယဲၢ်တၢ်မုၢ်တၢ်ဘိလၢဟီၣ်ခိၣ်ဒုးမဲထီၣ်တဖၣ်အလိၤ, လၢပှၤကညီတဖၣ်ဒီးဆၣ်ဖိကီၢ်ဖိတဖၣ်အလိၤ, လၢတၢ်ကိးမံၤဒဲးလၢသုကျဲးစၢးသူၣ်လီၤဖျးလီၤအလိၤန့ၣ်လီၤ.”

လံာ်ဃးကဲ 2:17

ယမၢလီၤတ့ၢ်ကလံၤကိၢ်တဖၣ်ဒီးသူၣ်, ဒ်သိးကမၤဟးဂီၤတၢ်တမံၤလၢ်လၢ်လၢသုကျဲးစၢးသူၣ်လီၤဖျး လီၤအီၤ, ဘၣ်ဆၣ်သုတပီၢ်ယၢ်လီၤက့ၤတ့ၢ်ဒံးသုသးဘၣ်.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

လံာ်စကၤရယၤ 14:12

ယွၤကဒုးလီၤဘၣ်တၢ်ဆါလီၤပျံၤလီၤဖုးတမံၤဆူပှၤကလုာ်ခဲ လၢာ်လၢအဟဲဒုးတၢ်ဒီးဝ့ၢ်ယရူၤၡလ့ၣ်လီၤ. ဖဲအအိၣ်မူဒံးအဖၢမုၢ်ဒၣ်လဲာ်, အဝဲသ့ၣ်အဖံးအညၣ်ကအုၣ်သံကျၣ်သံ, ဒီးအမဲာ်ချံတဖၣ်ဒီးအပျ့ၤတဖၣ်ကအုၣ်ကကျၣ်ကွံာ်ဝဲဒၣ် န့ၣ်လီၤ.

လံာ်သိၣ်လီၤသီလီၤတၢ် 28:23

တၢ်တဟဲစူၤလီၤဘၣ်နီတစဲးဘၣ်, ဒီးသုဟီၣ်ခိၣ်တဖၣ်ကကိၤထီၣ် ဝဲဒ်ထးအသိးန့ၣ်လီၤ.

လံာ်သိၣ်လီၤသီလီၤတၢ် 32:24

အဝဲသ့ၣ်ကသံဝဲလၢတၢ်သၣ်ဝံၤလီၤဒိဒီးတၢ်လိၤကိၢ်အဃိ, အဝဲသ့ၣ်ကသံဝဲလၢတၢ်ဆူးတၢ်ဆါတဖၣ်လၢအလီၤပျံၤလီၤဖုးအဃိ န့ၣ်လီၤ. ယကမၢလီၤဆၣ်ဖိကီၢ်ဖိအမံၤတဖၣ်လၢကဟဲထီၣ်အ့ၣ်ဖှီအဝဲသ့ၣ်, ဒီးဂုၢ်တဖၣ်လၢအစုၣ်အၢန့ၣ်ကအ့ၣ်အဝဲသ့ၣ်လီၤ.

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.