လံာ်သိၣ်လီၤသီလီၤတၢ် 28:15 - Sgaw Karen Common Bible

¹⁵ မ့မ့ၢ်, သုမ့ၢ်တစူၢ်ဘၣ်ယွၤ, သုကစၢ်ယွၤဒီးတတိၢ်န့ၢ်ဖံးဃာ် ဘၣ်ကယဲၢ်အဝဲအတၢ်မၤလိာ်တဖၣ်ဒီးတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢယဟ့ၣ်လီၤသုတနံၤအံၤလၢတၢ်သးတီန့ၣ်, ကယဲၢ်တၢ်အၢတၢ် သီတဖၣ်အံၤကလီၤဘၣ်လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 28:15 Iomraidhean Croise

လံာ်တၢ်ကဲထီၣ်အခီၣ်ထံး 3:14

တုၤနုၤတစုယွၤ, ကစၢ်ယွၤစံးဘၣ်ဂုၢ်, “နကဘၣ်တၢ်စံၣ်ညီၣ်လၢ နမၤတၢ်အံၤအဃိလီၤ. လၢကယဲၢ်ဆၣ်ဖိကီၢ်ဖိအကျါန့ၣ်, ထဲနၤဧိၤန့ၣ်, နကဘၣ်တူၢ်တၢ်ဆိၣ်အၢအံၤလီၤ. တုၤအံၤဆူညါနကဘၣ်စွါလၢနဟၢဖၢဒီးနကဘၣ်အီၣ်ဟီၣ်ခိၣ်အကမူၣ် တစိၤနသးသမူန့ၣ်လီၤ.

လံာ်တၢ်ကဲထီၣ်အခီၣ်ထံး 4:11

နဘၣ်တၢ်ပာ်နၤလၢတၢ်ဆိၣ်အၢအဖီလာ်ဒီးနသူၣ်နဖျးတၢ်လၢဟီၣ်ခိၣ် တသ့လၢၤဘၣ်န့ၣ်လီၤ. တၢ်လီၤဂာ်ဒ်ဟီၣ်ခိၣ်အိးထီၣ်အထးခိၣ်လၢကတူၢ်လိာ်ယူၢ်လီၤနပုၢ် အသွံၣ်ဖဲနမၤသံအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 4:12

နမ့ၢ်ဂုာ်ကျဲးစၢးသူၣ်လီၤတၢ်မုၢ်တၢ်ဘိတဖၣ်ဘၣ်ဆၣ်ဒီးဟီၣ်ခိၣ် တဟ့ၣ်ထီၣ်တၢ်နီတမံၤဘၣ်. နကကဲထီၣ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢန့ၣ် လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 12:5

ဝံၡမါယၤလဲၤဃီၤဆူစီၤပၤရဃၤဘၣ်ဒီးယူဒၤဖိအခိၣ်အနၢ်တဖၣ် အအိၣ်န့ၣ်လီၤ. အဝဲသ့ၣ်ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤဒ်သိးကဃ့ၢ်ပူၤ ဖျဲးအသးလၢစီၤပၤၡံၡးအဂီၢ်န့ၣ်လီၤ. ဝံစံးဘၣ်အဝဲသ့ၣ်, “အဝဲအံၤမ့ၢ်ယွၤအတၢ်ကစီၣ်လၢသုဂီၢ်န့ၣ်လီၤ. သုလဲၤသဒၣ်ကွံာ်တ့ၢ်လံယၤအဃိဒီး, ခဲအံၤယလဲၤသဒၣ်သု ဒီးဟ့ၣ်လီၤကွံာ်သုဆူစီၤၡံၡးအစုပူၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 34:24

တၢ်ကစီၣ်ဟဲလၢယွၤအအိၣ်ဒ်လၢလာ်အံၤန့ၣ်လီၤ. “ယကစံၣ်ညီၣ်ဝ့ၢ်ယရူၤၡလ့ၣ်, ဒီးအပှၤဂီၢ်မုၢ်ခဲလၢာ်လၢတၢ် ဆိၣ်အၢတဖၣ်လၢအဘၣ်တၢ်ကွဲးလီၤအီၤလၢလံာ်လၢဘၣ်တၢ်ဖးန့ၢ်စီၤ ပၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:19

ဘၣ်ဆၣ်ဒီး, နၤဒီးနပှၤဂီၢ်မုၢ်မ့ၢ်တစူၢ်ဘၣ်ဖုး, တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်လၢယဟ့ၣ်လီၤ တ့ၢ်နၤ, ဒီးဘူၣ်ထီၣ်ဘါထီၣ်ကစၢ်အဂုၤအဂၤန့ၣ်,

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယံးရမံယၤ 11:8

ဘၣ်ဆၣ်ဒီး, အဝဲသ့ၣ်တဒိကနၣ်တၢ်မ့ၢ်ဂ့ၤတစူၢ်တၢ်မ့ၢ်ဂ့ၤဘၣ်. အခိၣ်တလိာ်, ပှၤကိးဂၤဒဲးအခိၣ်ကိၤဒံးဒၣ်တၢ်ဒီးအၢဒံးသီဒံး ဒၣ်ဒ်လၢညါအဃိန့ၣ်လီၤ. ယမၤလိာ်တ့ၢ်အဝဲသ့ၣ်ကတိၢ်န့ၢ်ဖံး ဃာ်တၢ်အၢၣ်လီၤအီလီၤဘၣ်ဆၣ်ဒီးအဝဲသ့ၣ်တဒိကနၣ်ဝဲဘၣ်. လၢတၢ်န့ၣ်အဃိ, ယဒုးလီၤဘၣ်ကယဲၢ်တၢ်စံၣ်ညီၣ်တဖၣ်လၢ တၢ်ပာ်ဖျါက့ၤအီၤလၢတၢ်အၢၣ်လီၤအီလီၤအပူၤ, လၢအဝဲသ့ၣ်အလိၤန့ၣ်လီၤ.”

လံာ်ယံးရမံယၤ 26:4

ယွၤမၢယစံးဘၣ် အပှၤဂီၢ်မုၢ်, “ယၤ, ယွၤအံၤ, စံးတ့ၢ်ဝဲလၢသုကဘၣ်စူၢ်ယၤခီဖျိသုတၢ်လူၤပိာ်ထွဲ တၢ်သိၣ်လိသီလိလၢယဟ့ၣ်လီၤတ့ၢ်သု,

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ယံးရမံယၤ 36:31

ယကစံၣ်ညီၣ်နၤ, နစၢၤနသွဲၣ်တဖၣ်, ဒီးနပဒိၣ်ပပှၢ်တဖၣ်မ့ၢ်လၢ တၢ်ဒဲးဘးတဖၣ်လၢ သုဝဲခဲလၢာ်မၤတ့ၢ်အီၤအဃိန့ၣ်လီၤ. နၤမ့ၢ်ဂ့ၤ, ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကီၢ်ယူဒၤအပှၤဂီၢ်မုၢ်မ့ၢ်ဂ့ၤ, တကနၣ်ဃုာ်ယတၢ်ဟ့ၣ်ပလီၢ်တဖၣ်နီတမံၤဘၣ်. ဒီးယကဒုးလီၤဘၣ်တၢ်တတၢးတနါလၢ ကမၤပျံၤမၤဖုးတၢ်န့ၣ်လၢ သုလိၤလီၤ.

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယံးရမံယၤ 40:2

သုးခိၣ်ဖးဒိၣ်သုးကစီၤယံၤယၤဒီးစံးဘၣ်ယၤ, “ယွၤနကစၢ်ယွၤမၤပျံၤမၤဖုးတ့ၢ်ထံကီၢ်အံၤလၢတၢ်ဟးဂူာ်ဟး ဂီၤန့ၣ်လီၤ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

လံာ်ဟိၤၡ့ 7:12

ဘၣ်ဆၣ်ယကသလၣ်လီၤစၤတဘ့ၣ်ဒီးဖီၣ်န့ၢ်အဝဲသ့ၣ်ဒ်ထိၣ်တဖၣ်ဖဲ အဝဲသ့ၣ်လဲၤတၢ်အခါန့ၣ်လီၤ. ယကစံၣ်ညီၣ်အဝဲသ့ၣ်လၢတၢ်အၢတၢ်သီလၢအဝဲသ့ၣ်မၤတ့ၢ်ဝဲအဃိ န့ၣ်လီၤ.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

လံာ်သိၣ်လီၤသီလီၤတၢ် 11:28

မ့မ့ၢ်, သုမ့ၢ်တစူၢ်ဘၣ်တၢ်မၤလိာ်တဖၣ်အံၤဒီးဃၣ်ဃီၤသုသးဆူ ကစၢ်အဂၤတဖၣ်လၢသုကဘူၣ်ထီၣ်ဘါထီၣ်အီၤအအိၣ်လၢ သုတဘါထီၣ်ဘၣ်တ့ၢ်အီၤလၢညါနီတစုဘၣ်န့ၣ်, မ့ၢ်တၢ်ဆိၣ်အၢတမံၤန့ၣ်လီၤ.

လံာ်သိၣ်လီၤသီလီၤတၢ် 28:2

စူၢ်ယွၤ, သုကစၢ်ယွၤ, ဒီးကယဲၢ်တၢ်ဆိၣ်ဂ့ၤတဖၣ်အံၤကကဲ ထီၣ်သုတၢ်န့ၣ်လီၤ.

လံာ်သိၣ်လီၤသီလီၤတၢ် 28:45

ကယဲၢ်တၢ်တတၢးတနါတဖၣ်အံၤခဲလၢာ်ကဟဲလီၤဘၣ်လၢသုလိၤ, ဒီးကအိၣ်ဒီးသုတုၤလီၤလၢသုဘၣ်တၢ်မၤဟးဂီၤကွံာ်သု, မ့ၢ်လၢသုတစူၢ်ဘၣ်ယွၤ, သုကစၢ်ယွၤဒီးတိၢ်န့ၢ်ဖံးဃာ်ကယဲၢ်တၢ် ဘူၣ်တၢ်ဘါအတၢ်သိၣ်တၢ်သီတဖၣ်လၢအဝဲသ့ၣ်ဟ့ၣ်လီၤတ့ၢ်သုအဃိ န့ၣ်လီၤ.

လံာ်သိၣ်လီၤသီလီၤတၢ် 29:19

မၤလီၤတံၢ်လၢ, ဖဲအံၤ, တနံၤအံၤပှၤလၢအနၢ်ဟူတၢ်မၤလိာ်သမှံၤ သပှၢ်တဖၣ်ဒီးနာ်န့ၢ်လီၤဒံးအသးတုၤကစံးဝဲလၢမ့ၢ်လဲၤတၢ်လၢ အကျဲဒၣ်ဝဲအိၣ်ဒီးတၢ်ခိၣ်ကိၤဒၣ်လဲာ်န့ၣ်, တၢ်ကိးမံၤဒဲးကဘၣ်လီၢ်ဘၣ်စးဒီးအီၤလီၤန့ၣ်, တအိၣ်နီတဂၤဘၣ်တက့ၢ်. တၢ်န့ၣ်ကမၤဟးဂီၤကယဲၢ်သုဝဲခဲလၢာ်, ပှၤအဂ့ၤမ့ၢ်ဂ့ၤ, ပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်စီၤယိၤၡူ 23:15

ဘၣ်ဆၣ်ဒ်အဝဲမၤလၢပှဲၤအတၢ်အၢၣ်လီၤဒီးသုကိးထံၣ်ဒဲး အသိးန့ၣ်, ဒ်န့ၣ်အသိး, အဝဲကမၤလၢပှဲၤအတၢ်မၤပျံၤမၤဖုးကိးထံၣ်ဒဲးလီၤ.

လံာ်စီၤယိၤၡူ 23:16

သုမ့ၢ်လုၣ်သ့ၣ်ခါပတာ်ယွၤသုကစၢ်ယွၤအတၢ် အၢၣ်လီၤအီလီၤလၢအမၤလိာ်တ့ၢ်သုဒီးလဲၤ ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်န့ၣ်, လၢအတၢ်သးဒိၣ်အပူၤကစံၣ်ညီၣ်သု, ဒီးတယံာ်ဘၣ်ဒီးလၢကီၢ်အဂ့ၤလၢအဟ့ၣ်လီၤ တ့ၢ်သုတဘ့ၣ်အံၤအပူၤန့ၣ်, သုကဟးဂီၤကွံာ်ကိးဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:15

ဖဲအဝဲသ့ၣ်လဲၤဒုးတၢ်တဘျီဘျီလၢ်လၢ်န့ၣ်, ယွၤထီဒါအဝဲသ့ၣ်, ဒ်အစံးတ့ၢ်ဝဲအသိးန့ၣ်လီၤ. ဒီးအဝဲသ့ၣ်အိၣ်လၢတၢ်သးဟးဂီၤဖးဒိၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:10

ပှၤဖလ့ၡသးဖိတဖၣ်ဒုးတၢ်ဆူၣ်ဆူၣ်ဒီးမၤနၢၤကွံာ်ပှၤအံၣ်စရ့လးဖိလၢအက့ၤဃ့ၢ်ဆူ အဟံၣ်တဖၣ်အအိၣ်န့ၣ်လီၤ. တၢ်မၤသံမၤဝီဖးဒိၣ်အိၣ်ဝဲဒီးပှၤအံၣ်စရ့လးသုးဖိသၢကလး ဘၣ်တၢ်မၤသံကွံာ်အီၤန့ၣ်လီၤ.