လံာ်သိၣ်လီၤသီလီၤတၢ် 28:13 - Sgaw Karen Common Bible

¹³ ယွၤ, သုကစၢ်ယွၤကဒုးကဲထီၣ်သုလၢပှၤခိၣ်ပှၤနၢ်လၢပှၤကလုာ် တဖၣ်အဖီခိၣ်ဒီးတမ့ၢ်ဘၣ်ပှၤတဖုလၢအပိာ်ပှၤအခံဘၣ်န့ၣ်လီၤ. သုမ့ၢ်စူၢ်ကယဲၢ်အဝဲအတၢ်မၤလိာ်တဖၣ်လၢယဟ့ၣ်လီၤသုတနံၤအံၤ လၢတၢ်သးတီန့ၣ်, ထီဘိသုကဘီၣ်ထီၣ်ညီထီၣ်ဒီးတဆံးလီၤစှၤလီၤနီတစုဘၣ်န့ၣ် လီၤ.

လံာ်သိၣ်လီၤသီလီၤတၢ် 28:13 Iomraidhean Croise

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်ယံးရမံယၤ 31:7

ယွၤစံးဝဲဒၣ်, “သးဝံၣ်တၢ်လၢ တၢ်သးခုလၢ ကီၢ်အံၣ်စရ့လး, ပှၤအဒိၣ်ကတၢၢ် လၢပှၤကလုာ်တဖၣ် အဂီၢ်န့ၣ်တက့ၢ်. သးဝံၣ်သုတၢ်သးဝံၣ် စံးထီၣ်ပတြၢၤဒီးစံး, ‘ယွၤအုၣ်က့ၤခီၣ်က့ၤ အပှၤဂီၢ်မုၢ်လံ, အဝဲမၤပူၤဖျဲးလံ ပှၤလၢအအိၣ်လီၤတဲာ်ခဲလၢာ်လံ.’

လံာ်သိၣ်လီၤသီလီၤတၢ် 15:6

ယွၤကဆိၣ်ဂ့ၤသုဒ်အဝဲအၢၣ်လီၤတ့ၢ်ဝဲအသိးန့ၣ်လီၤ. သုကဒုးလိၢ်လီၤစ့ဆူပှၤအါကလုာ်အအိၣ်, ဘၣ်ဆၣ်ဒီးသုတလိၢ်ဘၣ် လၢပှၤအအိၣ်နီတဂၤဘၣ်. သုကပၢတၢ်လၢပှၤအါကလုာ်အဖီခိၣ်, ဘၣ်ဆၣ်ပှၤလၢကပၢတၢ်လၢသုဖီ ခိၣ်တအိၣ်နီတကလုာ်ဘၣ်.

လံာ်သိၣ်လီၤသီလီၤတၢ် 26:19

ယွၤကမၤဒိၣ်ထီၣ်သုဒိၣ်န့ၢ်ဒံးပှၤကလုာ်ဂၤတဖၣ်လၢအတ့လီၤဝဲခဲလၢာ်, ဒီးသုကဟဲစိာ်တၢ်စံးထီၣ်ပတြၢၤဒီးတၢ်ယူးယီၣ်အမံၤန့ၣ်လီၤ. သုကမ့ၢ်အဝဲအပှၤဂီၢ်မုၢ်ဒၣ်ဝဲဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.”

လံာ်သိၣ်လီၤသီလီၤတၢ် 28:1

သုမ့ၢ်စူၢ်ယွၤ, သုကစၢ်ယွၤဒီးတိၢ်န့ၢ်ဖံးဃာ်အဝဲအတၢ်မၤလိာ် တဖၣ်လၢယဟ့ၣ်လီၤသုတနံၤအံၤ, လၢတၢ်သးတီအပူၤန့ၣ်, အဝဲကမၤဒိၣ်ထီၣ်သုအါန့ၢ်ဒံးပှၤကလုာ်အဂၤလၢဟီၣ်ခိၣ်ချၢအံၤ တကလုာ်လၢ်လၢ်တက့ၢ်န့ၣ်လီၤ.

လံာ်သိၣ်လီၤသီလီၤတၢ် 28:43

ပှၤထံဂၤကီၢ်ဂၤဖိတဖၣ်လၢအအိၣ်ဆိးလၢသုထံလီၢ်ကီၢ်ပူၤကမၤ န့ၢ်တၢ်စိတၢ်ကမီၤဒံးယံာ်ဒံးဒိၣ်ထီၣ်, ဖဲသုဝဲတခီသုတၢ်စိတၢ်ကမီၤကစှၤလီၤကွံာ်ပှီၢ်ပှီၢ်အခါန့ၣ်လီၤ.

လံာ်သိၣ်လီၤသီလီၤတၢ် 28:44

အဝဲသ့ၣ်ကအိၣ်ဒီးကျိၣ်ဧိၤစ့ဧိၤလၢကဒုးလိၢ်သု, မ့မ့ၢ်သုဝဲသုတအိၣ်ဘၣ်ဒီးကျိၣ်ဧိၤစ့ဧိၤနီတစဲးလၢသု ကဒုးလိၢ်လီၤအဝဲသ့ၣ်ဘၣ်. လၢခံကတၢၢ်အဝဲသ့ၣ်ကမ့ၢ်ပှၤပၢဘၣ်သုတဖၣ်န့ၣ်လီၤ.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.