လံာ်သိၣ်လီၤသီလီၤတၢ် 27:8 - Sgaw Karen Common Bible

⁸ လၢလၢၢ်တဖၣ်လၢတၢ်ဖှူဘၢအီၤဒီးအီကတ့ၣ်အလိၤန့ၣ်ကွဲးလီၤ ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်ကတိၤ အဖျၢၣ်ခဲလၢာ်အိၣ်ဖျါတြၢၢ်ကလာ်တက့ၢ်.”

လံာ်သိၣ်လီၤသီလီၤတၢ် 27:8 Iomraidhean Croise

လံာ်စီၤယိၤဘး 19:24

မ်အဘၣ်တၢ်စိးပျၤအီၤဒီးထးပျၤ, ကွဲးအီၤဒီးစၢၢ်ထံလၢ လၢၢ်အလိၤဒ်သိးကအိၣ်ဂၢၢ်ကျၢၤလီၤထူလီၤယိာ်တက့ၢ်.

လံာ်ဃဘးကူာ် 2:2

ဒီးယွၤဟ့ၣ်တ့ၢ်ယၤတၢ်စံးဆၢဒ်အံၤ, “တၢ်လၢယဒုးထံၣ်နၤန့ၣ် ကွဲးအီၤဖျါဖျါလၢလၢၢ်ဘ့ၣ်ဘၣ်တဖၣ်အလိၤ, ဒ်သိးတၢ်ဖးအီၤကသ့ညီညီအဂီၢ်တက့ၢ်.

လံာ်ယိၤဟၣ် 16:25

ယစံးဘၣ်တဲဘၣ်သုတၢ်သ့ၣ်တဖၣ်အံၤလၢတၢ်ကတိၤ အဒိန့ၣ်လီၤ. ဘၣ်ဆၣ်ဒီးတၢ်ဆၢကတီၢ်ကတုၤဝဲဖဲ ယတသူလၢၤတၢ်ကတိၤအဒိဘၣ်. မ့မ့ၢ်ယကကတိၤတၢ်ဒီး သုဖျါဖျါဘၣ်ဃးဒီးပၢ်အဂ့ၢ်န့ၣ်လီၤ.

၂ ကရံၣ်သူး 3:12

မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.

လံာ်သိၣ်လီၤသီလီၤတၢ် 27:7

ဒီးဖဲန့ၣ်သုကဘၣ်လုၢ်ထီၣ်ပာ်ထီၣ်တၢ်ဒီးအီၣ်သုတၢ်လုၢ်မၤဃူ မၤဖိးတဖၣ်ဒီးစံးဘျုးစံးဖှိၣ်တၢ်အိၣ်ဒီးတၢ်သူၣ်ဖှံသးညီလၢယွၤ, သုကစၢ်ယွၤအမဲာ်ညါန့ၣ်လီၤ.

လံာ်သိၣ်လီၤသီလီၤတၢ် 27:9

အန့ၣ်ဝံၤဒီး, စီၤမိၤၡ့ဃုာ်ဒီးပှၤလ့ၤဝံဖိပှၤလုၢ်တၢ်အခိၣ် တဖၣ်စံးဘၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်, “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပာ်သူၣ်ပာ်သးစီၣ်ဝဲၤ ကဲၤဒီးဒိကနၣ်ယၤလီၤတံၢ်လီၤဆဲးတက့ၢ်. တနံၤအံၤသုကဲထီၣ်လံယွၤ, သုကစၢ်ယွၤအပှၤဂီၢ်မုၢ်လံ,

လံာ်စီၤယိၤၡူ 8:31

အဝဲမၤတၢ်အံၤဒ်ယွၤအခ့အပှၤစီၤမိၤၡ့မၤလိာ်ပှၤအံၣ်စရ့လးဖိတဖၣ်လၢစီၤမိၤၡ့အလံာ်တၢ်သိၣ်တၢ်သီအပူၤအသိးလၢအစံးဝဲ, တၢ်လုၢ်လီၢ်လၢအဘၣ်တၢ်မၤအီၤလၢလၢၢ်တဖၣ်လၢအတဘၣ်တၢ်ဒီၣ်တဲာ် အီၤလၢထး” န့ၣ်လီၤ. ဒီးလၢတၢ်လုၢ်လီၢ်အံၤန့ၣ်အဝဲသ့ၣ်လုၢ်တၢ်လုၢ်မ့ၣ် အူလၢယွၤအဂီၢ်ဒီးလုၢ်တၢ်လုၢ်မၤဃူမၤဖိးတၢ်တဖၣ်လီၤ.