လံာ်သိၣ်လီၤသီလီၤတၢ် 27:3 - Sgaw Karen Common Bible

³ ဒီးလၢအဝဲသ့ၣ်အလိၤန့ၣ်ကွဲးလီၤကယဲၢ်တၢ်ဘူၣ်တၢ်ဘါအတၢ်သိၣ် တၢ်သီတဖၣ်အံၤဒီးတၢ်သိၣ်လိတဖၣ်အံၤတက့ၢ်. ဖဲသုလဲၤနုာ်ဃီၤဆူထံကီၢ်လၢအထူးအတီၤဒီးအဟီၣ်ခိၣ်ညၣ်ထ့ၣ် ဂ့ၤဝဲလၢယွၤ, သုမိၢ်ပၢ်ဖံဖုလၢပျၢၤအကစၢ်ယွၤအၢၣ်လီၤတ့ၢ်သု,

လံာ်သိၣ်လီၤသီလီၤတၢ် 27:3 Iomraidhean Croise

လံာ်ယံးရမံယၤ 11:5

အန့ၣ်ဒီး, ယကဟံးဃာ်ကျၢၤတၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, လၢယကဟ့ၣ်လီၤအဝဲသ့ၣ်လၢကီၢ်တဘ့ၣ်လၢခဲအံၤအဝဲသ့ၣ်အိၣ်ဆိး ဝဲလၢအပူၤလၢအမ့ၢ်ကီၢ်တဘ့ၣ်လၢအထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲန့ၣ်လီၤ.” ယစံး “မ့ၢ်လီၤ. ယွၤဧၢ.”

လံာ်ယံးရမံယၤ 32:22

နဟ့ၣ်လီၤတ့ၢ် အဝဲသ့ၣ်လၢ ကီၢ်တဘ့ၣ်လၢ အထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲ, ဒ်နအၢၣ်လီၤတ့ၢ် အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:24

ဒီးယအၢၣ်လီၤအီလီၤတၢ်ဒီးသုလၢကီၢ်လၢအယွၤဝဲဒီးတၢ်နုၢ် ထံဒီးကနဲစီန့ၣ်ကမ့ၢ်သုတၢ်န့ၢ်သါန့ၣ်လီၤ. ယဲဒၣ်အံၤယမ့ၢ်ယွၤသုကစၢ်ယွၤလၢအပာ်လီၤဆီသုဒီးပှၤကလုာ် ဂၤတဖၣ်န့ၣ်လီၤ.

လံာ်တၢ်ဂံၢ် 13:27

အဝဲသ့ၣ်စံးဘၣ်စီၤမိၤၡ့, “ပလဲၤဃုထံၣ်သ့ၣ်ညါတ့ၢ်ကီၢ်န့ၣ် ဒီးပထံၣ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲလီၤ. ဒီးအအံၤမ့ၢ်အတၤသူတၤသၣ်တနီၤန့ၣ်လီၤ.

လံာ်တၢ်ဂံၢ် 14:8

ယွၤမ့ၢ်ဘၣ်အသးလၢပှၤဒီးအဝဲကဆှၢပှၤဆူန့ၣ်, ဒီးဟ့ၣ်ပှၤလၢကီၢ်အထူးအတီၤဒီးကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ န့ၣ်လီၤ.

လံာ်သိၣ်လီၤသီလီၤတၢ် 26:9

အဝဲဆှၢဃီၤပှၤဖဲအံၤဒီးဟ့ၣ်ပှၤကီၢ်တဘ့ၣ်လၢအထူးအတီၤဒီး ဟီၣ်ခိၣ်ညၣ်ထ့ၣ်ဂ့ၤဝဲန့ၣ်လီၤ.

လံာ်သိၣ်လီၤသီလီၤတၢ် 6:3

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်တဖၣ်န့ၣ်, ဒီးစူၢ်အီၤတက့ၢ်. အန့ၣ်တစု, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢသုဂီၢ်, ဒီးသုကကဲထီၣ်ပှၤတကလုာ်ဖးဒိၣ်ဒီးအိၣ်ဆိးလၢကီၢ်တဘ့ၣ်အပူၤ လၢအထူးအတီၤဒီးပှဲၤဝဲဒီးဟီၣ်ခိၣ်ညၣ်ထ့ၣ်အဂ့ၤ, ဒ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအၢၣ်လီၤတ့ၢ်ဝဲ အသိးန့ၣ်လီၤ.

လံာ်သိၣ်လီၤသီလီၤတၢ် 6:8

စၢထီၣ်အီၤလၢသုစုဒုၣ်တဖၣ်အလိၤဒီးဖျီၣ်ထီၣ်အီၤလၢသုခိၣ် တိသၣ်တဖၣ်အလိၤဒ်တၢ်မၤသ့ၣ်နီၣ်ထီၣ်တၢ်တမံၤအသိးတက့ၢ်.

ဧ့ၤဘြံၤ 10:16

“အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအဝဲသ့ၣ် လၢမုၢ်နံၤလၢအကဟဲတဖၣ်, ကစၢ်စံးဝဲဒၣ်, ယကဒၢနုာ်ယတၢ်သိၣ်တၢ်သီတဖၣ်လၢ အဝဲသ့ၣ်အသးကံၢ်ပူၤ, ဒီးကွဲးအီၤလၢအဝဲသ့ၣ်အခိၣ်နူာ်အလိၤလီၤ.”

လံာ်စီၤယိၤၡူ 5:6

အဂ့ၢ်မ့ၢ်လၢ, အံၣ်စရ့လးဖိတဖၣ်လဲၤတၢ်အနံၣ်လွံၢ်ဆံ လၢပှၢ်မုၢ်ကနၢအပူၤ တုၤလၢပှၤသုးဖိလၢအဟးထီၣ်လၢကီၢ်အဲၤကူပတူးသံကွံာ်ဝဲခဲလၢာ်မ့ၢ်လၢအဝဲသ့ၣ်တစူၢ်ဘၣ်ကစၢ်အကလုၢ်အဃိန့ၣ်လီၤ. ယွၤဆိၣ်လီၤအသးလၢအတပျဲအဝဲသ့ၣ်ကထံၣ်ဘၣ်ကီၢ်တဘ့ၣ်လၢအယွၤဝဲ ဒီးတၢ်နုၢ်ထံဒီးကနဲစီလၢယွၤဆိၣ်လီၤတ့ၢ်အသး လၢအကဟ့ၣ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်ဘၣ်.

လံာ်စီၤယိၤၡူ 8:32

ဒီးဖဲန့ၣ်, ဖဲပှၤအံၣ်စရ့လးဖိတဖၣ်အမဲာ်ညါန့ၣ်, စီၤယိၤၡူကွဲးလီၤစီၤမိၤၡ့အတၢ်သိၣ်တၢ်သီလၢလၢၢ်တဖၣ်အလိၤ တၢ်သိၣ်တၢ်သီလၢစီၤမိၤၡ့အကစၢ်ဒၣ်ဝဲကွဲးတ့ၢ်ဝဲန့ၣ်လီၤ.