လံာ်သိၣ်လီၤသီလီၤတၢ် 27:24 - Sgaw Karen Common Bible

²⁴ “ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤသံတၢ်လၢတၢ်ခူသူၣ်အပူၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 27:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤပၤအခီၣ်ထံးတဘ့ၣ် 2:5

တၢ်အိၣ်ဒံးအဂၤတမံၤန့ၣ်လီၤ. နသ့ၣ်နီၣ်ထီၣ်တၢ်လၢစီၤယိၤအာ် မၤဘၣ်တ့ၢ်ယၤခီဖျိမၤသံသုးခိၣ်ဖးဒိၣ်ခံဂၤလၢအံၣ်စရ့လး အသုးမုၢ်အပူၤလၢအမ့ၢ်ဝဲ, စီၤန့ၢ်အဖိခွါစီၤအဘံန့ၢ်, ဒီးစီၤယ့သ့ၢ်အဖိခွါစီၤဧမါစၤလီၤ. နသ့ၣ်နီၣ်ထီၣ်လၢအဝဲမၤသံတ့ၢ်အဝဲသ့ၣ်လၢတၢ်မုာ်တၢ်ခုၣ်အကတီၢ် ဒ်လဲၣ်, ဒ်တၢ်ဟ့ၣ်ကၣ်အသိးလၢတၢ်သံတဖၣ်လၢအဝဲသ့ၣ်မၤဘၣ်တ့ၢ်ဝဲဖဲတၢ် ဒုးတၢ်ယၤအကတီၢ်အဃိန့ၣ်လီၤ. အဝဲမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးယဟံးန့ၢ်မူဒါလၢတၢ်လၢအဝဲအမၤတ့ၢ်ဝဲအဂီၢ်အဃိ, ခဲကနံၣ်အံၤယတူၢ်ဘၣ်က့ၤယဲတၢ်မၤအသးတဖၣ်လၢအပိာ်ထွဲထီၣ်အခံ န့ၣ်လီၤ.

လံာ်တၢ်ဟးထီၣ်ကွံာ် 20:13

မၤသံတၢ်တဂ့ၤ.

လံာ်တၢ်ဘူၣ်ထီၣ်ဘါထီၣ် 24:17

ဒီးကယဲၢ်ပှၤတဂၤလၢ်လၢ်လၢအမၤသံပှၤတဂၤဂၤန့ၣ်ကဘၣ်တၢ်မၤသံအီၤန့ၣ်လီၤ.

လံာ်တၢ်ဂံၢ် 35:30

ပှၤတဂၤလၢပှၤပာ်ဒ့ၣ်ပာ်ကမၣ်အီၤလၢအမၤသံတၢ်န့ၣ်, တၢ်ကထံၣ်ဘၣ်လၢအဝဲအတၢ်ကမၣ်အိၣ်ဝဲဒီးကဘၣ်တၢ်မၤသံဒၣ်အီၤဖဲ ဒၣ်ပှၤအုၣ်အသးအိၣ်ဝဲခံဂၤမ့တမ့ၢ်အါန့ၢ်ခံဂၤအဃိန့ၣ်လီၤ. ပှၤအုၣ်အသးအိၣ်ဝဲထဲတဂၤဧိၤန့ၣ်တလၢတပှဲၤလၢကဆီၣ်ထွဲတၢ် ကတိၤပာ်ဒ့ၣ်ပာ်ကမၣ်ဘၣ်ဃးတၢ်မၤသံအဂ့ၢ်န့ၣ်ဘၣ်.

လံာ်တၢ်ဂံၢ် 35:31

ပှၤမၤသံတၢ်တဂၤန့ၣ်ကဘၣ်တၢ်မၤသံအီၤလီၤ. အဝဲပူၤဖျဲးဒီးတၢ်စံၣ်ညီၣ်အံၤခီဖျိတၢ်ဟ့ၣ်တၢ်အပှ့ၤလၢ ကျိၣ်ဧိၤစ့ဧိၤတသ့ဝဲဘၣ်.