လံာ်သိၣ်လီၤသီလီၤတၢ် 27:20 - Sgaw Karen Common Bible

²⁰ “ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤမဲာ်ဆှးအပၢ်ခီဖျိမံဃုာ်ဒီးအပၢ်အမါတဖၣ်အကျါတဂၤ ဂၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 27:20 Iomraidhean Croise

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 49:4

နလီၤဂာ်ဒ်ထံဒိၣ်ခိၣ်ယွၤတပျုာ်တပျီၤတမံၤအသိး, ဘၣ်ဆၣ်နတမ့ၢ်ပှၤအကါဒိၣ်ကတၢၢ်ဘၣ်. အဂ့ၢ်ဒ်အံၤ, နမံဃုာ်တ့ၢ်ဒီးယသံၣ်မါဒီးနမၤလီၤနပၢ်အလီၢ်မံ အသူးအသ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:22

လၢတၢ်န့ၣ်အဃိ, အဝဲသ့ၣ်ဘှီထီၣ်ဝဲဒဲတဖျၢၣ်လၢ စီၤအးဘၡါလိၣ်အဂီၢ်လၢစီၤပၤအနူၢ်အစီၤအခိၣ်ဒုးဖီခိၣ်, ဒီးလၢကယဲၢ်ပှၤကိးဂၤဒဲးအမဲာ်ညါန့ၣ်, စီၤအးဘၡါလိၣ်လဲၤ နုာ်ဝဲဆူဒဲပူၤဒီးမံဃုာ်ဂဲၤဃုာ်ဒီးအပၢ်အသံၣ်မါတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:1

အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

လံာ်ယဃ့းစက့လး 22:10

အဝဲသ့ၣ်တနီၤမံဃုာ်ဒီးအပၢ်အမါန့ၣ်လီၤ. အဝဲသ့ၣ်တနီၤမၤဆူၣ်ပိာ်မုၣ်တဖၣ်လၢကမံဃုာ်ဂဲၤဃုာ်ဒီးအီၤ ဖဲအသွံၣ်ဟဲထံဟဲအဆၢကတီၢ်လီၤ.

လံာ်တၢ်ဘူၣ်ထီၣ်ဘါထီၣ် 18:7

မၤမဲာ်ဆှးနပၢ်လၢတၢ်မံဃုာ်ဒီးနမိၢ်တဂ့ၤ. သုတမၤမဲာ်ဆှး နမိၢ်ဒၣ်နဲတဂ့ၤ.

လံာ်တၢ်ဘူၣ်ထီၣ်ဘါထီၣ် 18:8

မၤမဲာ်ဆှးနပၢ်လၢတၢ်မံဃုာ်ဒီးနပၢ်အမါအဂုၤအဂၤတဂၤလၢ်လၢ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 20:11

ဒီးပှၤလၢအမံဃုာ်ဒီးအပၢ်အမါတဂၤန့ၣ်မ့ၢ်အမၤမဲာ်ဆှးအပၢ်လီၤ. ဒီးကဘၣ်တၢ်မၤသံကွံာ်အီၤခံဂၤလိာ်န့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်ဧၤမိၣ် 2:7

အဝဲသ့ၣ်ယီၢ်တံၢ်လီၤပှၤဂံၢ်စၢ်ဘါစၢ်ဒီးပှၤလၢတၢ်မၤစၢၤအီၤ တအိၣ်ဒီးဆီၣ်ဖျိးကွံာ်ပှၤဖှီၣ်ဖိယာ်ဖိလၢအကျဲန့ၣ်လီၤ. ပှၤတဂၤဒီးအပၢ်မံဃုာ်ဒီးကုၢ်ပိာ်မုၣ်တဂၤဃီဒီးမၤဘၣ် အၢဘၣ်သီယမံၤစီဆှံန့ၣ်လီၤ.

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

လံာ်သိၣ်လီၤသီလီၤတၢ် 22:30

ပှၤတဘၣ်မၤမဲာ်ဆှးအပၢ်နီတဂၤခီဖျိမံဃုာ်အိၣ်ဃုာ်ဒီးအဝဲ အပၢ်အမါတဖၣ်အကျါတဂၤဂၤအဃိန့ၣ်ဘၣ်.

လံာ်သိၣ်လီၤသီလီၤတၢ် 23:1

ပှၤပိာ်ခွါလၢတၢ်ဒ့ကွံာ်အဒံၣ်ချံမ့ၢ်ဂ့ၤ, တၢ်ဒီၣ်တဲာ်ကွံာ်အပိာ်ခွါအက့ၢ်အဂီၤမ့ၢ်ဂ့ၤ, တနုာ်လီၤဘၣ်ဆူယွၤအပှၤဂီၢ်မုၢ်အကျါနီတဂၤဘၣ်.