လံာ်သိၣ်လီၤသီလီၤတၢ် 27:15 - Sgaw Karen Common Bible

¹⁵ ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 27:15 Iomraidhean Croise

လံာ်တၢ်ကဲထီၣ်အခီၣ်ထံး 31:19

ဖဲစီၤလၤဘၣ်လဲၤတံာ်အသိးအဆူၣ်န့ၣ်နီၢ်ရၤဃ့လးဟုၣ်န့ၢ်အပၢ် အတၢ်ဂီၤတရၤဖးတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 31:34

နီၢ်ရၤဃ့လးဟံးန့ၢ်တၢ်ဂီၤတရၤဖးတဖၣ်ဒီးပာ်ဝဲလၢကီၤလၤ အူးအဂီၤကၢ်အထၢၣ်ပူၤဒီးဆ့ၣ်နီၤဝဲလၢအဖီခိၣ်န့ၣ်လီၤ. စီၤလၤဘၣ်ဃုဝဲလၢဒဲဒီတဖျၢၣ်အပူၤသနာ်က့တထံၣ်န့ၢ်ဝဲဒၣ် ဘၣ်.

လံာ်တၢ်ကဲထီၣ်အခီၣ်ထံး 9:25

အဝဲစံး, “တၢ်ဆိၣ်အၢအိၣ်လၢစီၤကနၤဧၣ်အလိၤလီၤ. အဝဲကကဲထီၣ်အဒီပုၢ်ဝဲၢ်ခွါတဖၣ်အကုၢ်လီၤ.

လံာ်စီၤပၤခံဘ့ၣ်တဘ့ၣ် 17:19

ဘၣ်ဆၣ်ကီၢ်ယူဒၤအပှၤဂီၢ်မုၢ်တဖၣ်ဒၣ်လဲာ်တစူၢ်ဘၣ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်န့ၣ်ဘၣ်. အဝဲသ့ၣ်ကွၢ်လိမၤဒိးလုၢ်လၢ်တဖၣ်လၢကီၢ်အံၣ်စရ့ လးအပှၤဂီၢ်မုၢ်တဖၣ်တူၢ်လိာ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:13

စီၤယိၤၡံယၤမၤဘၣ်အၢဘၣ်သီကွံာ်တၢ်လုၢ်လီၢ်တဖၣ်လၢစီၤပၤ စီၤၡလိၤမိၤဘှီထီၣ်တ့ၢ်ဝဲလၢအအိၣ်လၢဝ့ၢ်ယရူၤၡလ့ၣ်အမုၢ်ထီၣ်, ဒီးကစၢၢ်သ့ၣ်စၤယံးအကလံၤထံးလၢတၢ်ကဘူၣ်ထီၣ်ဘါထီၣ်တၢ်ဂီၤ တၢ်ဖီၣ်လီၤသးဘၣ်အၢတဖၣ်လၢအမ့ၢ်ပှၤစံဒိၣ်ဖိအကစၢ်မုၣ်ဧၤၡ တြိး, ပှၤမိၤအးဖိအကစၢ်ကမိၣ်, ဒီးပှၤဧၣ်မိၣ်ဖိအကစၢ်မိလးအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:36

စံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်တက့ၢ်. စံးထီၣ်ပတြၢၤအီၤခဲအံၤဒီးလီၤစိၤလီၤထီန့ၣ်တက့ၢ်. ဒီးပှၤဂီၢ်မုၢ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:2

စီၤမနၤၡ့ၤမၤတ့ၢ်တၢ်လီၤသးဘၣ်အၢအတၢ်မၤတဖၣ်ဒီးမၤတၢ်ဒဲး ဘးထီဒါယွၤ, ဒ်ပှၤကလုာ်တဖၣ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤဖဲ အပှၤဂီၢ်မုၢ်ဟဲနုာ်ဝဲ, မၤတ့ၢ်အသိးန့ၣ်လီၤ.

လံာ်တၢ်ဟးထီၣ်ကွံာ် 20:23

လၢယၤအမဲာ်ညါန့ၣ်, မၤထီၣ်ကစၢ်စ့တဖၣ်မ့ၢ်ဂ့ၤ, ကစၢ်ထူတဖၣ်မ့ၢ်ဂ့ၤလၢသုဂီၢ်ဒ်သိးသုကဘူၣ်ထီၣ်ဘါထီၣ်အီၤတဂ့ၤ.

လံာ်တၢ်ဟးထီၣ်ကွံာ် 20:4

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်လိၤမ့ၢ် ဂ့ၤ, လၢထံကျါမ့ၢ်ဂ့ၤ, လၢဟီၣ်ခိၣ်လာ်မ့ၢ်ဂ့ၤန့ၣ်မၤထီၣ်အဂီၤလၢသုဂီၢ်တဂ့ၤ.

လံာ်တၢ်ဟးထီၣ်ကွံာ် 34:17

တ့ထီၣ်ယွၤတဖၣ်တဖၣ်လၢတိၢ်ဧိၤထးဧိၤဒီးဘါထီၣ်အီၤတဂ့ၤ.

လံာ်ယၡါယၤ 44:13

ပှၤစုသ့ထိၣ်နီၣ်တဲာ်နီၣ်သ့ၣ်လီၤ. အဝဲတ့တကွီၣ်တၢ်အက့ၢ်အဂီၤ တမံၤလၢထူၣ်ဝါ, စိးပျၤအီၤလၢအနီၣ်ပျၤတဖၣ်ဒီးဒုးကဲထီၣ်အီၤလၢပှၤကညီတဂၤ အဂီၤ, ပှၤကညီလၢအက့ၢ်အဂီၤဂ့ၤတဂၤ, လၢတၢ်ကပာ်အီၤလၢအဟံၣ်ပူၤအဂီၢ်လီၤ.

လံာ်ယၡါယၤ 44:17

ဒီးသ့ၣ်လၢအအိၣ်တီၢ်န့ၣ်အဝဲတ့ထီၣ်ဝဲတၢ်ဂီၤတၢ်ဖီၣ်တခါ, ဝံၤတီၤလီၤကဒွံကျိာ်ဒီးဘူၣ်ထီၣ်ဘါထီၣ်အီၤလီၤ. အဝဲဘါထုကဖၣ်တၢ်ဒီးစံးဝဲ, “နမ့ၢ်ယကစၢ်လီၤ. အုၣ်က့ၤခီၣ်က့ၤယၤတက့ၢ်.”

လံာ်ယၡါယၤ 44:19

ပှၤလၢအတ့တၢ်ဂီၤတၢ်ဖီၣ်တဖၣ်တအိၣ်ဒီးတၢ်ကူၣ်တၢ်ဆးမ့ၢ်ဂ့ၤ, တၢ်သ့ၣ်ညါနၢ်ပၢၢ်မ့ၢ်ဂ့ၤလၢကစံးဝဲ, “ယဒွဲၣ်အူထီၣ်သ့ၣ်တနီၤလီၤ. ယကုၢ်ကိၣ်တနီၤလၢမ့ၣ်အူကဖးအဖီခိၣ်, ဒီးယကၣ်တၢ်ညၣ်ဒီးယအီၣ်အီၤလီၤ. ဒီးသ့ၣ်လၢအအိၣ်တီၢ်န့ၣ်, ယတ့ထီၣ်တၢ်ဂီၤတၢ်ဖီၣ်တခါလီၤ. ဖဲအံၤ, ယတီၤလီၤယဲလၢသ့ၣ်ကူာ်လာ်တကျီၣ်အမဲာ်ညါလီၤ,” န့ၣ်ဘၣ်.

လံာ်ယံးရမံယၤ 11:3

လၢယၤ, ယွၤ, အံၣ်စရ့လးအကစၢ်ယွၤပာ်လီၤ တ့ၢ်တၢ်ဆိၣ်အၢတမံၤလၢကလီၤဘၣ်လၢ ကယဲၢ်ပှၤတဂၤလၢ်လၢ်လၢအတစူၢ်ဘၣ် တၢ်အဂ့ၢ်တဖၣ်လၢတၢ်ပာ်လီၤအီၤလၢ တၢ်အၢၣ်လီၤအီလီၤအဂီၢ်, အဖီခိၣ်န့ၣ်လီၤ.

လံာ်ယံးရမံယၤ 11:5

အန့ၣ်ဒီး, ယကဟံးဃာ်ကျၢၤတၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, လၢယကဟ့ၣ်လီၤအဝဲသ့ၣ်လၢကီၢ်တဘ့ၣ်လၢခဲအံၤအဝဲသ့ၣ်အိၣ်ဆိး ဝဲလၢအပူၤလၢအမ့ၢ်ကီၢ်တဘ့ၣ်လၢအထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲန့ၣ်လီၤ.” ယစံး “မ့ၢ်လီၤ. ယွၤဧၢ.”

လံာ်ယံးရမံယၤ 23:24

ပှၤအိၣ်ခူသူၣ်လၢတၢ်လီၢ်ဖဲယထံၣ်အီၤတသ့, တအိၣ်နီတဂၤဘၣ်. မ့ၢ်သုတသ့ၣ်ညါဘၣ်လၢယအိၣ် လၢတၢ်လီၢ်ကိးပူၤဒဲးလၢမူခိၣ်ဒီးလၢဟီၣ်ခိၣ်န့ၣ်ဘၣ်ဧါ.

လံာ်ယံးရမံယၤ 28:6

“ဂ့ၤဒိၣ်မးလီၤ. ယမုၢ်လၢ်လၢယွၤ ကမၤတၢ်အံၤလီံၤ. ယမုၢ်လၢ်သပှၢ်ကတၢၢ်လၢ အဝဲကမၤလၢထီၣ်ပှဲၤထီၣ် နတၢ်ကတိၤ လၢဝံအကျိာ်ဒီး ကဟဲက့ၤစိာ်ကဒါက့ၤ ယွၤအတၢ်လုၢ်ဟံၣ် အတၢ်ထူးတၢ်တီၤခဲလၢာ်ဒီး ပှၤဂီၢ်မုၢ်ခဲလၢာ်လၢ အဘၣ်တၢ်စိာ်ကွံာ်အီၤဒ်ပှၤဘၣ် တၢ်မၢကဲကုၢ်အီၤ အသိးလၢကီၢ်ဘၤဘူၤလိၣ်တခီန့ၣ်လီၤ.

လံာ်ယဃ့းစက့လး 14:4

ခဲကနံၣ်အံၤကတိၤတၢ်ဒီးအဝဲသ့ၣ်ဒီးတဲဘၣ်အဝဲသ့ၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်န့ၣ်တက့ၢ်. ပှၤအံၣ်စရ့လးဖိကိးဂၤလၢအဟ့ၣ်လီၤအသးဆူတၢ်ဂီၤတၢ်ဖီၣ်တဖၣ် အအိၣ်ဒီးပျဲအဝဲသ့ၣ်ဆှၢအီၤဆူတၢ်ဒဲးဘးအပူၤ, ဝံၤဒီးဟဲဃ့တၢ်ဟ့ၣ်ကူၣ်ဟ့ၣ်ဖးလၢဝံတဂၤအအိၣ်န့ၣ်, ကမၤန့ၢ်တၢ်စံးဆၢတမံၤလၢယအိၣ်, တၢ်စံးဆၢလၢအဝဲအတၢ်ဂီၤတၢ်ဖီၣ်တဖၣ်ကြၢးဒိးန့ၢ်ဘၣ်ဝဲန့ၣ်လီၤ.

လံာ်ယဃ့းစက့လး 7:20

တဘျီန့ၣ်အဝဲသ့ၣ်ပာ်ကဖၢလၢအသးလၢအတၢ်မျၢ်ပလဲအဃံ အလၤတဖၣ်အဃိ, ဘၣ်ဆၣ်အဝဲသ့ၣ်သူတၢ်တဖၣ်န့ၣ်လၢတၢ်တ့ထီၣ် တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ. လၢတၢ်န့ၣ်အဃိ, ယွၤဒုးကဲထီၣ်အဝဲသ့ၣ်အတၢ်ထူးတၢ်တီၤဆူတၢ်လီၤသးဟ့လၢ အဝဲသ့ၣ်အဂီၢ်န့ၣ်လီၤ.

လံာ်ဒၤနံးယ့လး 11:31

အပှၤသုးဖိတနီၤကမၤဘၣ်အၢတၢ်လုၢ်ဟံၣ်ဒီးတၢ်ဘူၣ်တၢ်ဘါအလုၢ်အလၢ်လီၤ. ကဆိကတီၢ်ကွံာ်တၢ်လုၢ်တၢ်ပာ်ကိးနံၤဒဲး ဒီးပာ်ထီၣ်တၢ်လီၤပျံၤလီၤဖုးလၢအလီၤသး ဘၣ်အၢဒိၣ်ဒိၣ်ကလဲာ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်ဒၤနံးယ့လး 9:11

ပှၤအံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီတဖၣ်ဒီးဂ့ၢ်လိာ်ဝဲဒ်သိးအသုတဒိကနၣ်ဘၣ်တၢ်လၢနကတိၤတ့ၢ် တဖၣ်တဂ့ၤန့ၣ်လီၤ. ပမၤတ့ၢ်တၢ်ဒဲးဘးထီဒါနၤလီၤ. မၤသးဒ်န့ၣ်ဒီးနဒုးလီၤဘၣ်ပှၤလၢတၢ်ဆိၣ်အၢဒ်အဘၣ်တၢ်ကွဲး တ့ၢ်အသးလၢနခ့နပှၤစီၤမိၤၡ့အတၢ်သိၣ်တၢ်သီအပူၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:4

ဃၣ်ကွံာ်သုသးလၢယၤဒီးဘါထီၣ်တၢ်ဂီၤတၢ်ဖီၣ်တဂ့ၤ. တ့တၢ်ဂီၤလၢတိၢ်ဘီဃါဃုာ်ဒီးထူ, စ့ဒီးဘါထီၣ်အီၤတဂ့ၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:1

ဒီးယွၤစံးဝဲဒၣ်, “တၢ်ဂီၤတၢ်ဖီၣ်မ့ၢ်ဂ့ၤ, တၢ်ဂီၤစိးပျၤအသးမ့ၢ်ဂ့ၤသုတတ့လၢသုဂီၢ်တဂ့ၤ. ဒီးသုတပာ်ဆၢထၢၣ်တၢ်ဂီၤအထူၣ်တဂ့ၤ, ဒီးသုတပာ်လၢၢ်အိၣ်ဒီး တၢ်ဂီၤလၢအလိၤလၢသုကီၢ်ပူၤဒ်သိးသုကဘါအီၤန့ၣ်တဂ့ၤ.

လံာ်တၢ်ဂံၢ် 5:22

မ်ထံအံၤလဲၤနုာ်ဆူနဟၢဖၢအပူၤဒီးဒုးညိးထီၣ်နဟၢဖၢဒီး ဒုးသံးကတူၢ်နဒၢလီၢ်အကျိၤန့ၣ်တက့ၢ်.” ပိာ်မုၣ်န့ၣ်ကဘၣ်စံးဆၢကဒါက့ၤဝဲ, “ယဘၣ်သူၣ်ဘၣ်သးလၢတၢ် အံၤဒီးမ်ယွၤမၤဝဲဒ်န့ၣ်အသိးတက့ၢ်.”

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

1 ကရံၣ်သူး 14:16

ဖဲနဟ့ၣ်တၢ်စံးထီၣ်ပတြၢၤဆူကစၢ်ယွၤအအိၣ်ထဲလၢနီၢ်သးန့ၣ်, ပှၤမုၢ်ဆ့ၣ်မုၢ်ဂီၤလၢအဘူၣ်သကိးဘါသကိးတၢ်တဂၤကစံး, “အၤမ့ၣ်” လၢနတၢ်ထုကဖၣ်စံးထီၣ်ပတြၢၤယွၤန့ၣ်ကသ့ဝဲဒ်လဲၣ်. အဝဲနၢ်ပၢၢ်နတၢ်စံးတၢ်ကတိၤတဖၣ်တသ့ဝဲလၢကျဲနီတဘိဘၣ်လီၤ.

လံာ်သိၣ်လီၤသီလီၤတၢ် 27:14

ပှၤလ့ၤဝံဖိတဖၣ်ကဘၣ်ကိးထီၣ်တၢ်ကတိၤတဖၣ်အံၤလၢတၢ်ကလုၢ်အသီၣ် ဖးဒိၣ်တမံၤလီၤ.

လံာ်သိၣ်လီၤသီလီၤတၢ် 29:17

သုထံၣ်ဘၣ်တ့ၢ်အဝဲသ့ၣ်အတၢ်ဂီၤတၢ်ဖီၣ်လီၤသးဘၣ်အၢတဖၣ်လၢအဘၣ်တၢ်ဘှီအီၤလၢသ့ၣ်, လၢၢ်, စ့ဒီးထူန့ၣ်လီၤ.

လံာ်သိၣ်လီၤသီလီၤတၢ် 4:25

ဖဲသုအိၣ်လၢကီၢ်န့ၣ်အပူၤဖးယံာ်ဒီးသုအိၣ်ဒီးသုဖိတဖၣ် ဒီးသုလံၤတဖၣ်လံဒၣ်လဲာ်န့ၣ်, မၤတၢ်ဒဲးဘၣ်ခီဖျိတၢ်မၤတၢ်ဂီၤတၢ်ဖီၣ်တခါလၢအိၣ်ဒီး အက့ၢ်အဂီၤတမံၤလၢသုဂီၢ်နီတစုတဂ့ၤ. အအံၤမ့ၢ်တၢ်အၢတၢ်သီလၢယွၤအမဲာ်ညါဒီးတၢ်န့ၣ်ကမၤဒိၣ်ထီၣ် အဝဲအသးန့ၣ်လီၤ.

လံာ်သိၣ်လီၤသီလီၤတၢ် 5:8

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်မ့ၢ်ဂ့ၤ, လၢထံကျါလၢဟီၣ်ခိၣ်လာ်မ့ၢ်ဂ့ၤအက့ၢ်အဂီၤတဖၣ်န့ၣ်, မၤထီၣ်အီၤလၢနဂီၢ်ဒၣ်နဲတဂ့ၤ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 17:3

ဒီးအဝဲဟ့ၣ်က့ၤတိၢ်န့ၣ်ဆူအမိၢ်အိၣ်, ဒီးအမိၢ်စံး, “ဒ်သိးတၢ်ဆိၣ်အၢသုတလီၤဘၣ်လၢယဖိခွါအဖီခိၣ်တဂ့ၤန့ၣ်, ယနီၢ်ကစၢ်ဒၣ်ယဲယလုၢ်ထီၣ်စ့နီၢ်အံၤဆူယွၤအအိၣ်လၢတၢ်သညူးသပှၢ်အပူၤန့ၣ်လီၤ. တၢ်အံၤကဘၣ်တၢ်သူအီၤလၢတၢ်ကမၤတၢ်ဂီၤစိးပျၤအသးလၢသ့ၣ်ဒီး ကးဘၢအီၤလၢစ့လီၤ. မၤသးဒ်န့ၣ်ဒီး, ခဲအံၤယကဟ့ၣ်ကဒါက့ၤစ့နီၢ်အံၤဆူနအိၣ်လီၤ.”

လံာ်ပှၤစံၣ်ညီၣ်ကွီၢ် 17:4

တုၤနုၤတစု, အဝဲဟ့ၣ်ကဒါက့ၤစ့နီၢ်ဆူအမိၢ်အအိၣ်လီၤ. ဒီးအမိၢ်ဟံးန့ၢ်စ့နီၢ်အဘ့ၣ်ခံကယၤဒီးဟ့ၣ်လီၤအီၤဆူပှၤ ပိာ်စ့တဂၤအအိၣ်မၢအမၤတၢ်ဂီၤတခါလၢအစိးပျၤ အသးလၢသ့ၣ်ဒီးကးဘၢအီၤလၢစ့န့ၣ်လီၤ. တၢ်ဂီၤန့ၣ်တၢ်ပာ်အီၤလၢစီၤမံၤကါအဟံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.