လံာ်သိၣ်လီၤသီလီၤတၢ် 27:13 - Sgaw Karen Common Bible

¹³ ဒီးပှၤအဒူၣ်လၢလာ်တဖၣ်အံၤကဆၢထၢၣ်ဝဲလၢကစၢၢ်ဧ့ၤဘါလးအဒီ ခိၣ်ဖဲတၢ်ဆိၣ်အၢတဖၣ်ဘၣ်တၢ်ယၢၤထီၣ်အီၤန့ၣ်လီၤ. ပှၤအဒူၣ်တဖၣ်န့ၣ်မ့ၢ်ဝဲရူၤဘ့ၣ်အဒူၣ်, ကးအဒူၣ်, အၤၡ့ၢ်အဒူၣ်, စဘူၤလိၣ်အဒူၣ်, ဒၣ်အဒူၣ်ဒီးနးသၤလံအဒူၣ်န့ၣ် လီၤ.

လံာ်သိၣ်လီၤသီလီၤတၢ် 27:13 Iomraidhean Croise

လံာ်တၢ်ကဲထီၣ်အခီၣ်ထံး 29:32

ဒီးနီၢ်လ့ၤအၤဒၢထီၣ်ဒီးဆံးစၢ်န့ၣ်အဖိခွါတဂၤလီၤ. ဒီးစံးဝဲ, “ယွၤထံၣ်တ့ၢ်လံယတၢ်ကီတၢ်ခဲလံ, ဒီးခဲကနံၣ်အံၤယဝၤကအဲၣ်ယၤလီၤ.” ဒီးယုၢ်န့ၢ်အမံၤလၢစီၤရူၤဘ့ၣ်လီၤ.

လံာ်တၢ်ကဲထီၣ်အခီၣ်ထံး 30:20

ဒီးနီၢ်လ့ၤအၤစံးဝဲ, “ကစၢ်ယွၤဟ့ၣ်ယၤတၢ်ဟ့ၣ်လၢအဂ့ၤလံ. ဒီးခဲကနံၣ်အံၤယဝၤကတူၢ်လိာ်ယၤမ့ၢ်လၢယဆံးစၢ်န့ၢ်အီၤဖိ ခွါဃုဂၤလၢအဂီၢ်အဃိလီၤ.” ဒီးယုၢ်ဝဲအမံၤလၢစီၤစဘူလိၣ်လီၤ.

လံာ်သိၣ်လီၤသီလီၤတၢ် 11:29

တုၤယွၤဆှၢနုာ်သုဆူကီၢ်တဘ့ၣ်လၢသုကဘၣ်မၤန့ၢ်အီၤအပူၤန့ၣ်, သုကဘၣ်ဘိးဘၣ်သ့ၣ်ညါထီၣ်တၢ်ဆိၣ်ဂ့ၤလၢကစၢၢ်ကရံးစံၣ် အလိၤဒီးတၢ်ဆိၣ်အၢလၢကစၢၢ်ဧ့ၤဘါလးအလိၤန့ၣ်လီၤ.

လံာ်သိၣ်လီၤသီလီၤတၢ် 27:14

ပှၤလ့ၤဝံဖိတဖၣ်ကဘၣ်ကိးထီၣ်တၢ်ကတိၤတဖၣ်အံၤလၢတၢ်ကလုၢ်အသီၣ် ဖးဒိၣ်တမံၤလီၤ.

လံာ်သိၣ်လီၤသီလီၤတၢ် 27:4

ဒီးသုအိၣ်လၢထံကျိယၣ်ဒ့ၣ်အဝၢ်ဘးခီန့ၣ်, ပာ်လီၤလၢၢ်သ့ၣ်တဖၣ်အံၤလၢကစၢၢ်ဧ့ၤဘါလးအဒီခိၣ်, ဒ်ယသိၣ်လိနဲၣ်ယုၤသုတနံၤအံၤ, ဒီးဖှူဘၢအီၤဒီးအီကတ့ၣ်တက့ၢ်.

လံာ်စီၤယိၤၡူ 8:33

ပှၤအံၣ်စရ့လးဖိတဖၣ်, ဃုာ်ဒီးအခိၣ်အနၢ်တဖၣ်, အသုးခိၣ်သုးနၢ်တဖၣ်, ဒီးစံၣ်ညီၣ်ကွီၢ်တဖၣ်, ဃုာ်ဒီးပှၤတခီဘီမုၢ်ဖိလၢအကျါတဖၣ်, ဆၢထၢၣ်လၢယွၤအတၢ်အၢၣ်လီၤအီလီၤအတလါအကပၤခံကပၤလိာ်ဒီး ကွၢ်ဃီၤတၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်လၢအစိာ်တလါ အအိၣ်န့ၣ်လီၤ. ပှၤတဝာ်ဆၢထၢၣ်ဝဲဒီးဒီအချၢဆူကစၢၢ်ကရံးစံၣ်ဒီး အဂၤတဝာ်ဒီအချၢဆူကစၢၢ်ဧ့ၤဘါလးန့ၣ်လီၤ. ယွၤအခ့အပှၤစီၤမိၤၡ့မၤလိာ်တ့ၢ်အဝဲသ့ၣ်လၢကမၤတၢ်အံၤဖဲ တၢ်ဆၢကတီၢ်တုၤဃီၤဝဲလၢအဝဲသ့ၣ်ကဒိးန့ၢ်ဘၣ်တၢ်ဆိၣ်ဂ့ၤအဂီၢ် န့ၣ်လီၤ.