လံာ်သိၣ်လီၤသီလီၤတၢ် 27:11 - Sgaw Karen Common Bible

^11-12 ဝံၤဒီးစီၤမိၤၡ့စံးဘၣ်ကီၢ်အံၣ်စရ့လးအပှၤဂီၢ်မုၢ်. “ဖဲသုခီဂာ်ကွံာ်ထံကျိယၢ်ဒ့ၣ်ဝံၤန့ၣ်, ပှၤအဒူၣ်လၢလာ်တဖၣ်အံၤကဘၣ်ဆၢထၢၣ်ဝဲလၢကစၢၢ်ကရံးစံၣ်အဒီခိၣ် ဖဲတၢ်ဆိၣ်ဂ့ၤတဖၣ်ဘၣ်တၢ်ယၢၤထီၣ်အီၤလၢပှၤဂီၢ်မုၢ်အဖီခိၣ် န့ၣ်လီၤ. ပှၤအဒူၣ်တဖၣ်န့ၣ်မ့ၢ်ဝဲ, စူၤမ့းအိၣ်အဒူၣ်, လ့ၤဝံအဒူၣ်, ယူဒၤအဒူၣ်, ယံးစၣ်ကၢ်အဒူၣ်, ယိၤသးအဒူၣ်ဒီးဘံၣ်ယၤမံၣ် အဒူၣ်န့ၣ်လီၤ.

လံာ်သိၣ်လီၤသီလီၤတၢ် 27:11 Iomraidhean Croise

လံာ်တၢ်ကဲထီၣ်အခီၣ်ထံး 35:23

နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ.

လံာ်သိၣ်လီၤသီလီၤတၢ် 1:16

အကတီၢ်ဖဲန့ၣ်, ယသိၣ်လိနဲၣ်ယုၤအဝဲသ့ၣ်, လၢကဒိကနၣ်တၢ်ဂ့ၢ်လိာ် ဘှီလိာ်တဖၣ်လၢအဟဲထီၣ်လၢအပှၤဂီၢ်မုၢ်အကျါန့ၣ်လီၤ. ယမၢအစံၣ်ညီၣ်တီတၢ်ဂ့ၢ်လိာ်ဘှီလိာ်တီတီလိၤလိၤလၢအဘၣ်ဃး ဒီးအပှၤဂီၢ်မုၢ်ဒၣ်ဝဲမ့ၢ်ဂ့ၤ, ဘၣ်ဃးဃုာ်ဒီးပှၤတခီဘီမုၢ်ဖိတဖၣ်လၢအအိၣ်ဆိးလၢအကျါမ့ၢ် ဂ့ၤန့ၣ်လီၤ.

လံာ်သိၣ်လီၤသီလီၤတၢ် 27:10

လၢတၢ်န့ၣ်အဃိစူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤအံၤန့ၣ်တက့ၢ်.”

လံာ်စီၤယိၤၡူ 8:33

ပှၤအံၣ်စရ့လးဖိတဖၣ်, ဃုာ်ဒီးအခိၣ်အနၢ်တဖၣ်, အသုးခိၣ်သုးနၢ်တဖၣ်, ဒီးစံၣ်ညီၣ်ကွီၢ်တဖၣ်, ဃုာ်ဒီးပှၤတခီဘီမုၢ်ဖိလၢအကျါတဖၣ်, ဆၢထၢၣ်လၢယွၤအတၢ်အၢၣ်လီၤအီလီၤအတလါအကပၤခံကပၤလိာ်ဒီး ကွၢ်ဃီၤတၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်လၢအစိာ်တလါ အအိၣ်န့ၣ်လီၤ. ပှၤတဝာ်ဆၢထၢၣ်ဝဲဒီးဒီအချၢဆူကစၢၢ်ကရံးစံၣ်ဒီး အဂၤတဝာ်ဒီအချၢဆူကစၢၢ်ဧ့ၤဘါလးန့ၣ်လီၤ. ယွၤအခ့အပှၤစီၤမိၤၡ့မၤလိာ်တ့ၢ်အဝဲသ့ၣ်လၢကမၤတၢ်အံၤဖဲ တၢ်ဆၢကတီၢ်တုၤဃီၤဝဲလၢအဝဲသ့ၣ်ကဒိးန့ၢ်ဘၣ်တၢ်ဆိၣ်ဂ့ၤအဂီၢ် န့ၣ်လီၤ.